Oluka 16:2 - Ohwihwim Olehe

² Are angyiŋ he lo a bzi ŋa a nyuŋ ŋa a lu mi le, Aŋo o yi ekplo ba ame e gno eshri boŋ? Ame e klo boŋ o shri etsko ba ekployaŋ a mbo boŋ o la o kpo ta la anzho me o da me, okyku eshi ame e klo boŋ o dzu andakʼpo ba otum me nga mbo.

Oluka 16:2 ပူးပေါင်းရင်းမြစ်များ

Amatiyu 12:36

Ame e lu e da gimi, Onda Ombgu le, areyaŋ a mbo á wre odlo ototno baŋ a la a lu, á da mo a ka.

Amatiyu 20:8

La olum-ore nga, areagbi a nyuŋ andakʼpo eshki moare la a kpo ŋa otum lo, a lu mi le, Aŋo o pla moare la a kpo otum o shki nga, o hre mo amgbaŋ mo. Aŋo o zga esĩ o hre moa la a ba amom-abgo ori, nga o sa o hre moa la a ba ori amom-abgo.

Oluka 12:20

Ambo Ahogbrẽ a nyuŋ ŋa a lu mi le, Aŋo o wo adro! Okyukyku hi moa a klo eso boŋ. O ba alo o wo hi, ayi nga á ba a tslo anzho boŋ o pla o shki eŋo he?

Oluka 12:42

Adigi-odne a tno ma a lu mi le, Ayi angyiŋ a wo anwye-odne ba adlidzi la a ka a bmye? Aŋa angyiŋ a wo are ba adaŋ-odne á ba a shri otum á ghwo abgo baŋ okyku o daŋ a kpaŋ odne lo nga okyku o shri algo o da moanwye-odne omba la o raŋ o gre.

Oluka 16:1

Eyesu a nyuŋ moanwyeotum baŋ a lu mi le, Alomakyeŋ la a wo la angyiŋ ma, a wo andakʼpo ba otum ma. Moa a lu a da are angyiŋ eka ba andakʼpo ba otum he lo a la a tpi ŋa angyiŋ ayi.

Oluka 16:3

Alom he lo a lu ta la eŋa a lu mi le, Adugu-odne a klo o kyu me abgo otum. Ame é kpo eshi? Ame e wo la oshye egʼba ma ba o laŋ agbi a mbo mbo, nga o vẽ algo o wo me anzi.

MoaOroma 14:12

Areyaŋ a mbo eshki bi, á lu ekployaŋ a mbo baŋ a kpo ababgo baŋ á ba a da Ahogbrẽ.

1 MoaOkorinti 1:11

Agimi anáŋ, moarekyeŋ ba odne ba Oklowi, moa a lu a da me ma oklaodlo o wo agʼbaha bimi o gre eshri.

1 MoaOkorinti 4:2

Akplokyekyeŋ ba moa a klo ibu are ba moa a shri edgu otum he a ghwo ŋa abgo, moa a klo baŋ a kpo adlidzi ta la adaŋ-odne.

1 MoaOkorinti 4:5

Arekyeŋ a sõ arekyeŋ ombgu ayga a da omba lo o kpo mbo. Ombgu ba amom-abgo, moa á sõ lo omba ba Adigi-odne á ba. Adigi-odne á se ayakplo la a ghre mgbyi-mgbyiŋ eso moarehwi á ta edzi. Omba he lo angyiŋ, are-yaŋ a mbo á ba a yga otsom ba alo o raŋ o gre baŋ a hwiŋ lo okro ba Ahogbrẽ.

2 MoaOkorinti 5:10

Okyku eshi, o dzu omgbybi ba agi pyeŋ é tspi egi ayi ba emgbakyiŋ ombgu ba Ekristi, okyku o da areyaŋ a mbo a hwiŋ egbre baŋ eka ekplo baŋ a kpo, odzi o mbo le obi, omba baŋ a wo ma obiŋ hi.

1 Etimoti 4:14

Aŋo o ndba oyioyi ba Ogbgaodzi o shri o doŋ, omba ba moarehwĩ ba Ahogbrẽ a hom mo otum a hwile anyu a lu odlo, ta la omba ba moandakʼpo a shki ŋo abgo eshri o ta mbo.

1 Etimoti 5:24

Odlobi moabze moa a la a ka lo zheŋ, nga o la o shri mo o yi okro ba ombgu. Ambo odlobi moabze, moa a la a ka lo ambla angyiŋ.

1 Ebitru 4:10

O raŋ o gre ba areyaŋ a mbo a kpo otum ta la okpogbu ba Ahogbrẽ a shri a daŋ, okyku ohwihwiŋ moahwõ. Moa a kpo otum eka moanwye-odne la owlama ba Ahogbrẽ a shri edgu okpogbu andandandim a shri a di.

1 Ebitru 4:5

Ambo o dzu omgbybi ba moa a shri etsko ba eshri mo, a shri a da Ahogbrẽ. Ahogbrẽ he lo a dzu a bli baŋ á sõ moa la a wo ayi pa la moa la a kpu, ombgu.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.