Oluka 11:41 - Ohwihwim Olehe

⁴¹ Agimi e shri ekployaŋ a mbo la e wo etku ta la akplékpka e shri e da moaekŋe. Agimi é kpo eka he lo le, ekployaŋ a mbo e wo tsetsetseŋ ka la gimi.

Oluka 11:41 ပူးပေါင်းရင်းမြစ်များ

Amatiyu 26:11

Agimi e dzu pa la moaekŋe ombamba mvye, ambo ame é dzu ka la gimi ombamba mvye mbo.

Amatiyu 5:42

O wo ba arekyeŋ a vẽ ŋo okyku emakyeŋ le, aŋo o shri lo o shri o daŋ. O wo ba arekyeŋ a klo o kʼpo emakyeŋ okro boŋ le, aŋo o kʼpo ŋa alo.

Amarku 7:19

Ekplo ba are a ri e gre akpyki é tpi ŋa ayi mbo okyku eshi e yi egʼba angyiŋ, e yi esõ mbo. Ekployaŋ a mbo ba ori, are a kpo a gbu baŋ a ri lo.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 16:9

Eyesu a sa a lu mi le, Okyku eka he ame e lu e da gimi, e shri angyiŋ ba obiŋ hi e vu ekpom pa la moarehwi, okyku o da gimi e yi odne ba gbagbu-amo.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

Oluka 19:8

Moa a gre odne a khwo nga, Azaka a kso a nyuŋ Eyesu a lu mi le, Andakʼpo o ngli o gno! Ame é gʼba angyiŋ me aha nga é shri é da moaekŋe. O wo ba ame e kpgo arekyeŋ le, ame é nyiŋ ema lo é daŋ engyi enyi.

Otum 10:15

Ambo Ebitru a tno ŋa ma a lu mi le, Adigi-odne, o kpo o gbu mbo ku-ku! Ame e taŋ ema la e wo eshre e ka mbo.

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

Otum 24:17

Ame e zgi e sku Orushalima okyku eyi oshushku. Ame e bla e ba Orushalima okyku o shri amgbaŋ e shri e da moarehwi me, nga e shri oshriondba e shri e di.

2 MoaOkorinti 8:12

O wo bimi e wo la ozgayi okyku o kpo o ghwo le, Ahogbrẽ á yga okpoghwo bimi la aga ekplo bimi e wo la alo ma. Aŋa á ka ayi ozhẽ okyku ekplo bimi e gbaŋ lo mbo.

MoAfisu 4:28

O raŋ o gre ba are la a la a kpo ogʼga a kyu ogʼga abgo, nga a kpo otum okyku o daŋ a dzu la odzudzu la o wo odzi. Nga okyku o daŋ a la a kpo a ghwo la moare la a wo la ekŋe.

Etitu 1:15

Ekployaŋ a mbo e wo kye pa la moa la a wo kye. Ambo ekplokyeŋ e wo kye mbo pa la moa la a wo eshre nga moa a wo la obmi ba adlidzi mbo, okyku eshi aga mo ta la enzi ba esõ mo moa a sheŋ a tpi ayi.

MoaIbrani 13:16

Agimi e dzu ayakplo la a wo adzi e zga mbo, nga e tla e la e kpo e ghwo egimi mbo. Ahe lo angyiŋ a wo oshriondba la o raŋ Ahogbrẽ esõ.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.