Oluka 11:4 - Ohwihwim Olehe

⁴ Aŋo o kyu gi abgo odlobi bi e la e kpo. Eka ba agi e la e kyu areyaŋ a mbo la a ta akpu egi ayi bi abgo. Nga o da obile la o gre gi eshri o hwiŋ gi mbo.

Oluka 11:4 ပူးပေါင်းရင်းမြစ်များ

Amatiyu 18:35

Eyesu a sa a lu mi le, Adugu a mbo á kpo gimi pyeŋ eka he lo angyiŋ, o wo bimi e kyu moanigimi la a ta akpu egi ayi bimi abgo la esõ ekyekyeŋ mbo le.

Amatiyu 26:41

Agimi e kʼpu nga e fa olu, okyku o da gimi e tsu e gbu ombambga mbo. Ame e ka, agimi e bmi la esõ bimi, ambo, agimi e da egʼba e shki gimi ami.

Oluka 11:5

Ambla he nga Eyesu a nyuŋ moanwyeotum baŋ a lu mi le, O wo ba akyeŋ eshki bimi a gre odne ba akyeŋ azba ekpatspe okyukyku nga a zhĩ ŋa a lu mi le, Akyemeazba aŋo o bmi le, o kʼpo me agbrotsa atra.

Oluka 13:4

Eshi e kpo pa la moarehwi okʼpofote ba Esiloyom? Ogli o kypi o pre mo nga moa a kpu. Eka bimi e ka ohe lo o kpo okyku moa a wo la odlobi a gre moahwõ la a wo Orushalima angyiŋ?

Oluka 22:46

Eyesu a nyuŋ mo a lu mi le, Agimi e ndze enu okyku eshi? Agimi e kso e fa olu okyku o da gimi e tsu e gbu obile mbo.

Oluka 8:13

Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu.

Eyohana 17:15

O ka, ame e klo boŋ o ngʼba mo o sku obiŋ hi angyiŋ mbo, ambo ame e klo boŋ o kpaŋ mo nga o ngʼba mo o sku abgo Areabi.

1 MoaOkorinti 10:13

Edgu ombambga la o hwiŋ moahwõ angyiŋ o la o hwiŋ gimi. Okyku eshi Ahogbrẽ a la a bli ohwihwim baŋ. Okyku eka he, á da ombambga la o gre gimi eshri o hwiŋ gimi mbo. Nga ombayaŋ a mbo ba moa a mbga gimi a ka, Ahogbrẽ nga á shri oshye á da gimi, okyku o da gimi e tspi gaŋ. Nga á shri ozhẽ ba ozizgi á shri á da gimi.

MoaOkolosi 3:13

Agimi e kpo e ghwo la egimi, nga e kyu egimi abgo ombgu, omba ba akyeŋ a wo odlo ta la akyeŋ. O raŋ o gre ba agimi e kyu egimi abgo ombgu eka ba Adigi-odne a mbo a kyu gimi abgo.

2 MoaEtasolonika 3:3

Ambo Adigi-odne a wo are ba adlidzi angyiŋ. Aŋa nga á shri oshye á shri á da gimi, nga á kpaŋ gimi a sku abgo ba Areabi lo.

2 Etimoti 4:18

Adigi-odne nga á kpaŋ me á sku oylayaŋ a mbo. Nga á shri me pyapyaŋ á shri á yi Oreŋ baŋ la o wo Ongyeŋ. Ekekʼpo e dzu e baŋ gbagbu-amo! Amin.

Eyakubu 2:13

Okyku eshi Ahogbrẽ á ka are la a wo la okayiekŋe mbo ayiekŋe mbo omba baŋ á sõ ŋa ombgu. Ambo okayiekŋe angyiŋ o kpo o gre osõmgbu.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.