Oluka 10:2 - Ohwihwim Olehe

² Eyesu a nyuŋ mo a lu mi le, Algo ba oyoyla a wo ma nzenze, ambo moare la a wo ma okyku o yla lo a gaŋ mbo. Okyku eka he e fa olu okyku o da are-agbi a shri moare a shri a ba a ta ma okyku oyoyla.

Oluka 10:2 ပူးပေါင်းရင်းမြစ်များ

Amatiyu 20:1

Oreŋ Ongyeŋ o wo eka ba areagbi la a zgi endigigiŋ a gre okyku o klo moare la á ba a kpo ŋa otum.

Amarku 13:34

O dzu eka ba arekyeŋ a shri otum a ghwo moanwye-odne baŋ abgo nga a gre odzi, nga baŋ a da are la a kʼpu ayizhẽ odne lo a kʼpu.

Amarku 16:15

Eyesu a nyuŋ mo a lu mi le, Agimi e ngla obiŋ hi, nga e nyum Oshpaodzadzi e da moarehwi obiŋ hi mvye.

Amarku 16:20

Moanwyeotum nga a gre a yi a nyum oshpa ayaŋ a mbo. Adigi-odne a kpo otum pa la moanwyeotum lo, nga a shri ekʼpo a da mo a kpo ayakplo egbregbre okyku o da moare a ka adlidzi ba oshpa lo.]

Oluka 9:1

Eyesu a bzi moanwyeotum baŋ otsko nga a shri ekʼpo ba o se egbgabi, ta la ekʼpo ba o shaŋ elolo a shri a da mo.

Otum 11:19

Omba moa a bga Estifanu nga moa a la a kpo moa la a bmi ba adlidzi ewu, moanwyeotum a som ayi a gre ekro andandandim. Moakyeŋ a gre Efonisha, ta la Esapru, ta la Antakiya. Moa a la a nyum oshpa lo a ygi moaEyahuda sha.

Otum 13:2

Omba moa a la a hlu Ahogbrẽ eshko nga moa a nyom eshri mo algo, Ogbgaodzi o nyuŋ mo o lu mi le, Agimi e sla Abarnaba ta la Eshawlu e zga agba okyku otum ba ame e bzi mo okyku lo.

Otum 13:4

Ogbgaodzi o da Abarnaba ta la Eshawlu a gre Eselusiya, nga moa a zgi ahe lo a gre anwye-obiŋ moa a bzi lo ma Esapru. Anyuŋ-ondzu a ta lo a kpaŋ.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 22:21

Adigi-odne a nyuŋ me a lu mi le, Aŋo o yi, okyku eshi ame e hom ŋo otum ogyugyuŋ okro moa la a wo moaEyahuda mbo.

Otum 8:4

Moa la a bmi ba adlidzi a knye a gre ekro andandandim nga moa a la a nyum oshpa.

1 MoaOkorinti 12:28

Eklisiya nga Ahogbrẽ a shri moare a ghwo ma. Okro ba oriori moa la a nyum oshpa, okro ba oha, moarehwi ba Ahogbrẽ a hom mo otum, okro ba otra nga, moa la a nye, ambla he nga moa la a la a kpo ayakplo ba egbregbre, ambla he nga moa la a hwiŋ ekʼpo ba o shaŋ moare nga o kpo o ghwo, nga o tsa moare, nga o lu odlo la elom andandandim.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

2 MoaOkorinti 6:1

Agimi e sheŋ e hwiŋ okpoghwo ba Ahogbrẽ. Okyku eka he ibu otum bi ta la Ahogbrẽ, agi e la e vẽ gimi okyku o da gimi e da okpoghwo he lo o tpi ayi ototno mbo.

MoaEfilibi 2:21

Ambo moahwõ pyeŋ a la a kpo eshri emo sha. Nga moa a dzu otum ba Eyesu Ekristi a zga.

MoaEfilibi 2:25

Ame e tne aga e ka ba alo o wo odzi ba ame e da anigi Ebafroditu a ba okro bimi. Aŋa angyiŋ a la a kpo otum nga a ta eko a ghwo la me, nga angyiŋ a la a kpo otum a ghwo la me eka anwyeadga bimi.

MoaEfilibi 2:30

okyku eshi aŋa a bmi a shri esõ baŋ a di okyku ewu nga á ba a kpu okyku otum ba Ekristi, okyku o daŋ a mom okpoghwo ba agimi e shri e kom me o bli.

MoaOkolosi 1:29

Okyku o kpo otum he lo, ame e la e kpo otum ngre nga e kpo ewu. Ame e la e kpo otum la anyuŋ oshye ba Ekristi a shri a da me. Oshye lo angyiŋ o la o kpo otum egʼba me.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 2:9

Agimi anáŋ, e tne aga adzadzi eka ba agi e kpo otum nga e kpo ewu! Agi e kpo otum okyukyku ta la olulum, okyku o da gi e shri ewu ekplokyeŋ e zga eshri bimi mbo omba ba agi e la e nyum Oshpaodzadzi la o zgi okro ba Ahogbrẽ o ba.

1 MoaEtasolonika 5:12

Agimi anáŋ, agi e vẽ gimi okyku o da gimi e fa olbi e da moa la a la a kpo otum agʼbaha bimi eka ba alo o raŋ o gre, moa ba Adigi-odne a sla mo okyku o da mo a tsa gimi nga a nye gimi.

2 MoaEtasolonika 3:1

Ekplo ba amom-abgo, ame e vẽ gimi anáŋ, agimi e fa olu okyku gi, okyku o da oshpa ba Adigi-odne o ngla o tsu o yi oshoshoŋ, nga okyku o da moare a ka lo la olbi, eka ba moa a kpo ta la lo agʼbaha bimi.

1 Etimoti 4:10

Okyku eka he lo agi e kpo nga e kpo otum la osheshye, okyku eshi agi e sko Ahogbrẽ la a wo la esõ ma angyiŋ e zga okayiozhẽ bi. Aŋa angyiŋ a wo Areoshla moarehwĩ pyeŋ, ambo esĩ ba oshla he lo e wo okyku moa la a bmi ba adlidzi ka la ŋa.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

Efilimo 1:1

Akpa he lo a zgi abgo me Oblus ba moa a vu a ta aku okyku Ekristi Eyesu, alo a zgi abgo ba anigi Etimoti bubgu. Agi e ta lo e kom ŋo akyegiazba Efilimo la a kpo otum ka la gi otsotse,

MoaIbrani 3:6

Ambo okyku ba Ekristi a wo Anwye adlidzi, ba odne Ahogbrẽ o wo abgo baŋ. Agi e dzu eka ba odne baŋ o wo ba agi e kom oghwo-esõ ma-me la osheshye le, la esõ ekyekyeŋ okyku ekplo ba agi e ka ayi ozhẽ okyku lo.

Otsotsa 2:1

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Afisu o lu mi le, Oshpa he lo o wo oshpa la o zgi abgo ba are la a kom eyi enzo efoha lo obgori baŋ, nga la a dzi eshki ba emgbakha ovo efoha ba azurfa.