Oluka 1:6 - Ohwihwim Olehe

⁶ Moaha lo pyeŋ moa a wo moare ba odlodzi angyiŋ egi ayi Ahogbrẽ. Moa a kpaŋ odaŋ ba Ahogbrẽ adzadzi.

Oluka 1:6 ပူးပေါင်းရင်းမြစ်များ

Oluka 1:7

Alisabatu a dga eklu. A wo la anwye ma mbo ku-ku. Alisabatu ta la Azakariya, moa a sheŋ a tsoŋ nzenze bgu.

Oluka 16:15

Eyesu a nyuŋ mo a lu mi le, Agimi e sko eshri bimi e zga eka moarehwi la a wo shasha egi ayi moarehwi, ambo Ahogbrẽ a yi edgu eso bimi. Ekplo ba moarehwi a sko lo a zga la anyuanyuŋ e wo ekplokyeŋ angyiŋ egi ayi Ahogbrẽ mbo.

Oluka 2:25

Alomakyeŋ a la a dzu Orushalima, eshko baŋ e ri Esimiyo. A wo arehwĩ ba eda edzi, nga a wo are la a kpo eyli Ahogbrẽ. A ka ayi ozhẽ okyku omba ba moaEsrayila á ba a hwiŋ oshla. Ogbgaodzi o wo ka la ŋa.

Otum 2:25

Adawuda a lu odlo eshri baŋ a lu mi le, Ame e ka Adigi egi ayi me ombamba mvye, Aŋa a wo obgori me. Okyku eka he eso é ngʼba me mbo.

Otum 23:1

Oblus a ka moa la a sõ ombgu nga a lu mi le, Agimi anáŋ! Eso me e wo zhezheŋ odzudzu me egi ayi Ahogbrẽ ma-me e bli olum anye he.

Otum 24:16

Okyku eka he, ame e zga ngre omba mvye okyku o da me e wo la eso ekyle ma egi ayi ba Ahogbrẽ, pa la moarehwi.

Otum 8:21

Aŋo o wo la ogʼba ekplokyeŋ ibu otum bi mbo, okyku eshi eso boŋ e wo shasha egi ayi Ahogbrẽ mbo.

MoaOroma 8:4

Ahogbrẽ a kpo eka he okyku o da gi la e lu Ogbgaodzi ma, nga e lu oklo ba egʼba angyiŋ e ma mbo, ambo okyku o da gi e lu odlodzi ba odaŋ o nye gi.

1 MoaOkorinti 11:2

Ame e la e tsom gimi okyku bimi e la e tne aga me nga e la e kpo otum ta la onyenye ba ame e nye gimi.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

MoaEfilibi 2:15

okyku o da gimi e wo la ombgu eshri bimi mbo, nga okyku o da gimi e dzu moa la a wo odlobikyeŋ ma mbo. Nga okyku o da gimi e dzu moarehwĩ ba Ahogbrẽ la e wo shasha la a dzu obiŋ hi la o wo kyekye mbo, pa la moarehwĩ la a wo ototno. O raŋ o gre ba agimi e la e shka ayi egi ayi mo eka ba eyi enzo e la e shka ayi ahrẽ,

MoaOkolosi 1:22

Ambo ohuhuhi okro eku ba egʼba ba Anwye baŋ a kpu angyiŋ, Ahogbrẽ a da gimi e dzu moakyeŋazba, okyku o daŋ a da gimi e dzu la esesla, nga e dzu pse, nga e dzu la ombgu eshri bimi mbo ku-ku egi ayi baŋ.

1 MoaEtasolonika 3:13

Ozhẽ he lo angyiŋ aŋa á da esõ bimi e tspi osheshye. Nga agimi é tspi la obiobli la esesla egi ayi ba Ahogbrẽ bi la a wo Adigi omba ba Adigi-odne Eyesu á ba pa la moarehwĩ baŋ.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

1 Eyohana 2:29

Agimi e yi ba Ekristi a wo a ba odlodzi angyiŋ. Okyku eka he o raŋ o gre ba agimi e yi ba areyaŋ a mbo la a kpo ayakplo la a wo kye aŋa a wo anwye ba Ahogbrẽ angyiŋ.

1 Eyohana 2:3

O wo ba agi e la e kpaŋ odaŋ ba Ahogbrẽ le, agi é yi zhe-zheŋ ba agi e yi ŋa.

1 Eyohana 3:7

Agimi anwye, agimi e da arekyeŋ a bile gimi mbo! Areyaŋ a mbo la a kpo ayakplo la a wo shasha, a wo arehwĩ ba odlodzi angyiŋ, eka ba Ekristi a mbo a wo arehwĩ ba odlodzi.