Oluka 1:2 - Ohwihwim Olehe

² Moa a ta oshpa ba moa a ka ayakplo he lo okũ oriori a lu a da gi, nga moa a nyum oshpa lo.

Oluka 1:2 ပူးပေါင်းရင်းမြစ်များ

Amarku 1:1

Esĩ ba Oshpaodzadzi ba Eyesu Ekristi Anwye Ahogbrẽ.

Amarku 16:20

Moanwyeotum nga a gre a yi a nyum oshpa ayaŋ a mbo. Adigi-odne a kpo otum pa la moanwyeotum lo, nga a shri ekʼpo a da mo a kpo ayakplo egbregbre okyku o da moare a ka adlidzi ba oshpa lo.]

Amarku 4:14

Are la a ta edgo, a la a ta odlo Ahogbrẽ.

Oluka 24:48

Agimi e wo moaegŋe angyiŋ okyku ayakplo he lo.

Eyohana 15:27

Agimi a mbo é zgi egŋe me, okyku eshi a zga okũ oriori agimi e la e wo pa la me.

Eyohana 16:4

Ame e lu he lo e da gimi okyku omba ba moa a kpo gimi edgu ayakplo he lo, o da gimi e tne aga e fu ma. Ame e lu odlo he lo e da gimi oriori mbo okyku ba ame e yi e wo ka la gimi.

Otum 1:3

Ambla baŋ a kso ongybi a khwo nga, a dzu obiŋ hi elum ekʼpoenyi. Omba he lo, Eyesu a da moa la a nyum oshpa baŋ a ka ŋa engyi oshushku. Okyku eka he moa la a nyum oshpa baŋ a bmi ba adlidzi zhezheŋ baŋ a kso ongybi. Moa a ka ŋa nga a sa a nye mo ayakplo eshri Oreŋ ba Ahogbrẽ.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 14:25

Moa a nyum oshpa osku ba Epega a khwo nga, moa a bla a gre Ataliya.

Otum 16:6

Moa a sõ egʼba obiŋ ba Efragiya ta la Egalasiya, Ogbgaodzi o bmi o da mo a nyum oshpa obiŋ ba Asiya ku-ku mbo.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

Otum 26:16

Aŋo o kso o tspi angyeŋ. Ame e shri eme e tsa okyku o da me e sla ŋo eka anwye-odne me. Ame e klo boŋ o lu o da moahwõ eka ekplo boŋ o ka lo anye he, ta la ekplo ba ame é ba e tsa ŋo omba la ó ba mi.

Otum 4:20

Agi e kpo e gbu bi e tspi o lu odlo eshri ekplo bi e ka nga e gno mbo.

Otum 8:4

Moa la a bmi ba adlidzi a knye a gre ekro andandandim nga moa a la a nyum oshpa.

MoaOroma 15:16

nga a da me e dzu awaghrẽ ba Ekristi Eyesu, okyku o da me e nyum oshpa e ygi moa la a wo moaEyahuda mbo. Ame e kpo eka ba andakʼpo olu ba Ahogbrẽ, omba ba ame e la e nyum Oshpaodzadzi la o zgi okro ba Ahogbrẽ o ba, okyku o zhiŋ moa la a wo moaEyahuda mbo, o da mo a dzu oshriondba ba Ahogbrẽ a gno oraŋ ta la lo, nga ba Ogbgaodzi o gʼba lo o zga okyku Ahogbrẽ.

1 MoaOkorinti 4:1

O raŋ o gre ba agimi e sko gi e zga eka moawaghrẽ ba Ekristi angyiŋ. Moa a shri eshyẽ ba adlidzi ba Ahogbrẽ a ghwo gi angyiŋ abgo.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

2 Ebitru 1:16

E ka, agi e shri eshri bi e zga enzho ba ototno angyiŋ mbo, omba ba agi e la e su osu oba-ba ba esesla ba Adigi-odne Eyesu Ekristi. Agi e ka ekʼpo baŋ lo la ayi bi.