Oluka 1:1 - Ohwihwim Olehe

¹ Andakʼpo Etiyofolu! Moare nzenze a zga gble okyku o ta oshpa ayakplo la a kpo agʼbaha bi.

Oluka 1:1 ပူးပေါင်းရင်းမြစ်များ

Amarku 16:20

Moanwyeotum nga a gre a yi a nyum oshpa ayaŋ a mbo. Adigi-odne a kpo otum pa la moanwyeotum lo, nga a shri ekʼpo a da mo a kpo ayakplo egbregbre okyku o da moare a ka adlidzi ba oshpa lo.]

Eyohana 20:31

Moa a ta ayakplo hi okyku o da gimi e ka e bmye ba Eyesu angyiŋ a wo Emisiya, Anwye Ahogbrẽ, nga okyku o da gimi e hwiŋ eso eshko baŋ okro obmi ba adlidzi.

MoaOroma 14:5

Abze a la a sko olumobze a da lo o dzu onyuonyuŋ o gre elum ehwõ, ambo abze a sko elum lo mvye a da lo o dzu okyekyeŋ angyiŋ. Areyaŋ a mbo a tne aga adzadzi eso baŋ a ka.

MoaOroma 4:21

Okyku eshi aŋa a yi zhezheŋ ba Ahogbrẽ á ba a kpo ekplo baŋ a hwim.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 1:5

Okyku eshi agi e shri Oshpaodzadzi he lo e ba e kom gimi la anyu sha mbo, ambo agi e shri lo la ekʼpo, ta la Ogbgaodzi, ta la obibmi ba adlidzi ba oshpa lo bubgu. Agimi e yi eka ba agi e dzu omba ba agi e wo ka la gimi. Alo o wo okyku o kpo o ghwo la gimi angyiŋ.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaIbrani 6:11

Agi e wo la ekhwo ma nzenze okyku o da areyaŋ a mbo a zga ayi a ta ma-ma, okyku o da ayakplo ba agimi e ka ayi ozhẽ okyku lo a bli.