MoaIbrani 4:9 - Ohwihwim Olehe

⁹ Ekayaŋ a mbo eka ba alo o wo, odzudum o yi o ra okyku moarehwĩ ba Ahogbrẽ. Alo angyiŋ o wo odzudum la o wo eka ba odzudum ba Ahogbrẽ a dzu a dum onda ba ofoha.

MoaIbrani 4:9 ပူးပေါင်းရင်းမြစ်များ

Amatiyu 1:21

Aŋa á mbre nga aŋo ó daŋ eshko ó daŋ á ri Eyesu, okyku eshi aŋa angyiŋ á ba a shla moarehwĩ baŋ abgo ba odlobi mo.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 11:25

Aŋa a sla okpoewu pa la moarehwĩ ba Ahogbrẽ o sku baŋ a gno oraŋ odzudzu ba odlobi okyku omba ple sha.

MoaIbrani 3:11

Ame e kpo olom, okyku eka he ame e kʼpi ashum e lu mi le, Moa á ba eshyẽ nga á dzu á dum pa la me ondakyeŋ ku-ku nga mbo!

MoaIbrani 4:1

Ohuhuhi nga, Ahogbrẽ a dzu ohwihwim lo a zga ka la gi. Ibu ohwihwim he lo Ahogbrẽ a hwile gi ozhẽ ba agi e gre e ba okro baŋ nga e dzu e dum ka la ŋa. Okyku eka he agi e dzu la eyli okyku o da arekyeŋ eshki bimi a sheŋ anye ba o yi okro ba odzudum he lo mbo.

MoaIbrani 4:10

Okyku eshi areyaŋ a mbo la a gre eshyẽ nga a la a dzu a dum ta la Ahogbrẽ, á kyu otum baŋ pyeŋ abgo, eka ba Ahogbrẽ a mbo a kyu o baŋ a mbo abgo.

MoaIbrani 4:3

Agi la e bmi ba adlidzi ta la alo angyiŋ agi e la e yi eshyẽ nga agi e dzu e dum okro ba Ahogbrẽ. Alo o wo eka baŋ a lu angyiŋ. Aŋa a lu mi le, Ame e kpo olom, okyku eka he ame e kʼpi ashum e lu mi le, Moa á ba eshyẽ nga á dzu á dum pa la me ondakyeŋ nga mbo ku-ku! Otum baŋ o khwo ogbyigbyi omba baŋ a kpo obiŋ hi a khwo a mbo, aŋa a lu eka he lo olu-lu lo.

MoaIbrani 4:8

Okyku eshi Ojoshua a tsa moare ozhẽ la o yi okro ba odzudum ba Ahogbrẽ angyiŋ e mbi, Ahogbrẽ nga á sa á lu odlokyeŋ á tka olum ohwõ nga mbo.

1 Ebitru 2:10

Ayga agimi e wo moarehwĩ ba Ahogbrẽ angyiŋ mbo, ambo ohuhuhi agimi e wo moarehwĩ baŋ. Ayga agimi e ka e yi okayiekŋe ba Ahogbrẽ mbo ku-ku. Ambo ohuhuhi agimi e hwiŋ okayiekŋe baŋ he lo.

Otsotsa 14:13

Ambla he nga ame e gno enzi e zgi Ongyeŋ e lu mi le, Aŋo o ta odlo hi. A zga ohuhuhi a yi moa la a kpu okyku otum ba Adigi-odne, moa á gno oraŋ! Ogbgaodzi o tno ma o lu mi le, Adlidzi, alo o wo eka he lo angyiŋ. Ambla ba moa a kpo otum la o vu olo eka he, moa a sa á dzu á dum á gno oraŋ okyku eshi moa a shri egŋe ba otum mo lo a shri a kom ma.

Otsotsa 21:4

Nga aŋa á khwa amanyi pyeŋ á sku mo ayi. Eku nga é wo ma ku-ku nga mbo, nga esõ-ongʼba ta la owuokũ ta la avuolo moa á wo ma ku-ku nga mbo. Ayakplo agbyi pyeŋ a sheŋ a bre a gre bgu.