MoaIbrani 4:3 - Ohwihwim Olehe

³ Agi la e bmi ba adlidzi ta la alo angyiŋ agi e la e yi eshyẽ nga agi e dzu e dum okro ba Ahogbrẽ. Alo o wo eka baŋ a lu angyiŋ. Aŋa a lu mi le, Ame e kpo olom, okyku eka he ame e kʼpi ashum e lu mi le, Moa á ba eshyẽ nga á dzu á dum pa la me ondakyeŋ nga mbo ku-ku! Otum baŋ o khwo ogbyigbyi omba baŋ a kpo obiŋ hi a khwo a mbo, aŋa a lu eka he lo olu-lu lo.

MoaIbrani 4:3 ပူးပေါင်းရင်းမြစ်များ

Amatiyu 13:35

Aŋa a kpo eka he okyku o da ekplo ba arehwĩ ba Ahogbrẽ a hom otum a lu e bli. A lu mi le, Ame é kpo otum ta la egŋe omba ba ame é ba e lu odlo pa la mo. Ame é lu ekployaŋ a mbo ba moa a yi lo ondakyeŋ mbo é da mo.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoaIbrani 3:11

Ame e kpo olom, okyku eka he ame e kʼpi ashum e lu mi le, Moa á ba eshyẽ nga á dzu á dum pa la me ondakyeŋ ku-ku nga mbo!

MoaIbrani 3:14

Okyku eshi agi pyeŋ e pu ta la Ekristi, o wo ba agi e kom oyioyi bi la osheshye ba agi e zga esĩ la alo ma-me o tsa amom-abgo.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.