MoAfisu 6:9 - Ohwihwim Olehe

⁹ Agimi adimo-odne, agimi a mbo e kpo ekakahelo angyiŋ pa la moawaghrẽ bimi nga e suŋ mo egʼba mbo. Agimi nga e ka e bmye ba agimi ta la moawaghrẽ he lo, ba Adigimi a wo akyakyeŋ angyiŋ Ongyeŋ. Aŋa a la a sko moare a zga okyekyeŋ angyiŋ.

MoAfisu 6:9 ပူးပေါင်းရင်းမြစ်များ

Amatiyu 22:10

Okyku eka he nga moanwye-odne moa a gre anyuŋ-ezhẽ eka he, nga moa a bzi moare ba moa a hwiŋ pyeŋ, moa la a wo la eda edzi, ta la eda ebi pyeŋ moa a bzi mo. Aku ba oriabgo nga a bli.

Amatiyu 22:8

Ambla he nga aŋa a bzi moanwye-odne baŋ a lu mi le, Moa a nyuŋ ekployaŋ a mbo a kpo okyku oriabgo bgu, ambo moare ba ame e bzi okyku lo, moa a wo shasha okyku obzi mbo.

Amatiyu 24:48

Ambo o wo ba anwye-odne he lo a wo abi angyiŋ le, á nyuŋ eŋa á lu mi le, Adugu-odne á dga ma-me ayga á ba a ba.

Amatiyu 24:51

Adaŋ-odne lo á kplu ŋa agbu. Nga á daŋ a hwiŋ egbre baŋ pa la moa la a bile moare. A mi lo aŋa á wu okũ nga á taŋ azhga anyu.

Amatiyu 7:12

Aŋo o kpo moahwõ ayakplo boŋ o klo moa a kpo ŋo. Eka he angyiŋ odaŋ ba Omusa, ta la onyenye moarehwĩ ba Ahogbrẽ a hom otum o lu.

Oluka 6:31

O kpo moahwõ edgu ayakplo boŋ o klo moa a kpo ŋo.

Eyohana 13:13

Agimi e la e bzi me Andakʼpo, ta la Adigi-odne. O wo eka he lo angyiŋ, agimi e ta akpu mbo.

Otum 10:34

Ebitru a lu mi le, Ame e ka e bmye ohuhuhi ba Ahogbrẽ a sko gi mvye a zga okyekyeŋ angyiŋ.

MoaOroma 2:11

Ahogbrẽ a sko moare mvye a zga okyekyeŋ angyiŋ.

1 MoaOkorinti 1:2

Agimi Eklisiya ba Ahogbrẽ la e wo osku ba Okorinti, pa la moarehwi pyeŋ ba Ahogbrẽ a bzi mo okyku o da mo a dzu moarehwi baŋ, moa la a wo moarehwi baŋ okro ba okŋeo-bga ba Ekristi Eyesu, nga pa la moarehwi ba okroyaŋ a mbo la a hlu Adigi-odne Eyesu Ekristi la a wo Adimo-odne, ta la Adigi-odne eshko.

1 MoaOkorinti 7:22

Okyku eshi awaghrẽ ba Adigi-odne a bzi ŋa a wo are ba Adigi-odne a shla ŋa. Nga are la a wo odzudum ma ba Ekristi a bzi ŋa, a dzu awaghrẽ ba Ekristi angyiŋ.

MoaOkolosi 3:25

Nga are la a ta akpu, o wo baŋ a wo ayi a mbo, aŋa á hwiŋ egbre baŋ okyku ayakplobi baŋ a la a kpo, okyku eshi Ahogbrẽ a la a kpo pa la moare pyeŋ ozhẽ okyekyeŋ angyiŋ.

MoaOkolosi 4:1

Agimi adaŋ-odne, e nyuŋ e kpo-kpo, nga e kpo adlidzi okpo-kpo bimi e kpo pa la moawaghrẽ bimi. Agimi e tne aga e ka, okyku eshi agimi a mbo e wo la Adaŋ-odne ma Ongyeŋ.

Eyakubu 2:13

Okyku eshi Ahogbrẽ á ka are la a wo la okayiekŋe mbo ayiekŋe mbo omba baŋ á sõ ŋa ombgu. Ambo okayiekŋe angyiŋ o kpo o gre osõmgbu.

Eyakubu 2:8

O wo ba agimi e la e kpaŋ odaŋ ba Oreŋ le, agimi e kpo ekplo la e wo shasha angyiŋ. Odaŋ he lo o wo odlo ba Ahogbrẽ. O lu mi le, Aŋo o klo a ba ekpazhi boŋ eka boŋ o klo eshri boŋ.

Eyakubu 5:4

Agimi e hre moare la a kpo gimi otum agbi ohre mo mbo. Agimi e ngli atuŋ e gno onyiagla ba moa a la a nyi! Nga okũ moare la a yla algo bimi a shki ibu, alo o gro o gbu atuŋ Ahogbrẽ la a wo Adigi-odne, la a wo ekʼpo pyeŋ!