MoAfisu 6:6 - Ohwihwim Olehe

⁶ E kpo ohe lo omba ba moadigimi-odne a wo ka la gimi sha angyiŋ okyku o da mo a tsom gimi mbo. Ambo o raŋ o gre ba agimi e kpo ekployaŋ a mbo ba Ahogbrẽ a klo la esõ ekyekyeŋ. E kpo ekployaŋ a mbo eka moawaghrẽ ba Ekristi.

MoAfisu 6:6 ပူးပေါင်းရင်းမြစ်များ

Amatiyu 12:50

Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.

Amatiyu 7:21

Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Amarku 3:35

Are la a la a kpo ekplo ba Ahogbrẽ a klo angyiŋ a wo anime-alalom, ta la anime-alashle, ta la anungu.

MoaOroma 6:17

Agi e vye la Ahogbrẽ! Okyku eshi ayga, agimi e wo moawaghrẽ ba odlobi angyiŋ, ambo ohuhuhi agimi e yga adlidzi eka moa a nye lo, la eso bimi ekyekyeŋ.

1 MoaOkorinti 7:22

Okyku eshi awaghrẽ ba Adigi-odne a bzi ŋa a wo are ba Adigi-odne a shla ŋa. Nga are la a wo odzudum ma ba Ekristi a bzi ŋa, a dzu awaghrẽ ba Ekristi angyiŋ.

MoaEgalasiya 1:10

Odlo ba ame e la e lu he, o dzu eka ba ame e kpo okyku o da moare a bmi pa la me angyiŋ? O mbo! Ame e klo ba Ahogbrẽ angyiŋ a bmi pa la me. Ame e la e zga ngre okyku o da moare angyiŋ a yi me nzenze? Ame e zga ngre e ta ma-ma okyku o da moare a yi me nzenze angyiŋ e mbi, ame e bmi e dzu awaghrẽ ba Ekristi mbo.

MoAfisu 5:17

Agimi e dzu moadro mbo, ambo e nyuŋ e mbli e ka ekplo ba Adigi-odne a klo ba agimi e kpo.

MoaEfilibi 2:12

Okyku eka he agimi akyemeazba, eka ba agimi e la e fa olbi e da me a zga omba ba ame e yi e wo ka la gimi, o raŋ o gre ba agimi e fa olbi e da me ohuhuhi angyiŋ okyku ba ame e ngʼba e sku gimi. Agimi e la e kpo otum e ta ma-ma, la eyli ta la egʼba la e zhga ara okyku o bli otum ba oshla bimi.

MoaOkolosi 1:9

Okyku eka he a zga omba ba agi e gno oshpa bimi, agi e fa olu okyku gimi. Agi e la e vẽ Ahogbrẽ okyku o daŋ a bli gimi la oyioyi eshri okoklo baŋ, nga a bli gimi la okaobmye pyeŋ ta la okoka ba Ogbgaodzi angyiŋ o la o shri o di.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 2:4

Ambo agi e lu odlo ombamba eka ba Ahogbrẽ a klo bi e lu angyiŋ, okyku eshi aŋa a bmi ka la gi nga a shri Oshpaodzadzi a shri a da gi. Agi e zga gble okyku o raŋ moarehwĩ angyiŋ esõ mbo, ambo okyku o raŋ Ahogbrẽ angyiŋ esõ. Aŋa a la a mbga aga esõ bi.

1 MoaEtasolonika 4:3

Ahogbrẽ a klo ba agimi e dzu la esesla, nga e dzu la eshre tsitsi a mbo mbo.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

1 Ebitru 2:15

Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

1 Eyohana 2:17

Obiŋ hi ta la ekployaŋ a mbo la e wo ma ba moarehwĩ a la a klo lo moa á bre á yi. Ambo are la a la a kpo ayakplo ba Ahogbrẽ a klo le, á dzu ma gbagbu-amo.