MoAfisu 6:12 - Ohwihwim Olehe

¹² Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

MoAfisu 6:12 ပူးပေါင်းရင်းမြစ်များ

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoaOkolosi 2:15

Nga egŋe aki he lo angyiŋ, Ekristi a se eshri baŋ a sku ekʼpo ba egbga la e ri ekʼpo ta la ereŋ nzenze ba egbga ba obiŋ hi. Ma-me nga a ta mo anzi eshki okyku baŋ a kpo a gre mo.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

MoAfisu 1:21

Ekristi angyiŋ a la a ri ekʼpo eshri moa la a la a ri ekʼpo ongyeŋ pyeŋ, pa la moa la a wo la ekʼpo ma nzenze ongyeŋ ta la moandakʼpo ba ongyeŋ. Aŋa a gre ashko ba ekʼpo la a wo obiŋ hi pyeŋ, ta la obiŋ la ó ba o ba.

MoaOroma 8:38

Ame e bmi ba adlidzi zhezheŋ ba ekplokyeŋ e kpo e gbu ba alo e ngʼba gi e sku oklo baŋ e gbu mbo. Eku, ta la eso, e kpo e gbu mbo. Moanwyeadga, pa la moa la a ri ekʼpo, ta la ayakplo egbregbre ba ongyeŋ a mbo moa a kpo a gbu mbo. Ohuhuhi, ta la omba la ó ba mi a mbo o kpo o gbu mbo.

MoAfisu 3:10

okyku o da moanwyeadga la a ri ekʼpo, ta la ekʼpo andandandim la e wo ahrẽ, a yi okaobmye ba Ahogbrẽ ezhẽ andandandim pyeŋ, ozhẽ ba Eklisiya ohuhuhi.

MoAfisu 1:3

Agimi e da gi e vye la Ahogbrẽ la a wo Adaŋ Adigi-odne Eyesu Ekristi! Okyku eshi okro okŋeobga bi ta la Ekristi, Ahogbrẽ a shri owlama ba okpoghwo ba Ogbgaodzi la o wo Ongyeŋ a shri a da gi a gre eshri.

1 MoaOkorinti 15:50

Agimi anáŋ, alo o wo eka he angyiŋ. Ekplo la e wo ozhẽ ba egʼba ta la amanzhli le, e kpo e gbu ba alo e gre Oreŋ ba Ahogbrẽ mbo, nga ekplo la e wo la egʼba la é ba e kpu, e kpo e gbu ba alo e zhiŋ e dzu la egʼba ba gbagbu-amo mbo.

1 Ebitru 3:22

Eyesu Ekristi a sheŋ a gre Ongyeŋ bgu, nga ohuhuhi aŋa a wo egbaŋ ba obgori ba Ahogbrẽ a mo. Nga aŋa a la a ri ekʼpo eshri moanwyeadga ba Ongyeŋ pyeŋ, pa la moa la a ri ekʼpo Ongyeŋ, ta la edgu ekʼpo nzenze la e wo Ongyeŋ.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

Eyohana 14:30

Ame e kpo e gbu ba ame e lu ekplokyeŋ ka la gimi ohuhuhi nga mbo, okyku eshi areŋ ba obiŋ hi a ba a mo. A wo ekʼpo eshri me mbo ku-ku.

Eyohana 12:31

Omba he angyiŋ moa á ba a sõ obiŋ hi ombgu. Omba he lo angyiŋ moa á ba a kypi areŋ ba obiŋ hi.

Eyohana 16:11

Aŋa á da mo a ka ombgu ba Ahogbrẽ a bmye okyku eshi moa a sheŋ a sõ areŋ obiŋ hi ombgu bgu.

Oluka 22:53

Ombayaŋ a mbo ba ame e wo ka la gimi Anyuŋ-akulu agimi e ka e klo ozhẽ okyku o vu me mbo. Ambo ekplu ba omba hi e wo okyku gimi ta la ekʼpo ba evbu.

Oluka 13:24

Agimi e zga gble okyku o da gimi e sõ ozhẽ la o fye kpate. Ame e lu e da gimi, moare nzenze á klo o sõ lo, ambo moa á sõ lo á gbu mbo.

2 Etimoti 2:5

Are la a knye oŋe a kpo a gbu baŋ a knye a ri mbo o wo le a kpaŋ odaŋ ba oŋe lo ayga dne.

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

MoaIbrani 12:4

Okyku eshi eka ba agimi e la e ta eko ta la odlobi, agimi e ta eko lo e gbu ibu eku a wo mbo.

MoaEgalasiya 1:16

Omba baŋ a zga eso nga, a ra Anwye baŋ a tspa a da me e ka okyku o da me e nyum Oshpaodzadzi baŋ e ygi moa la a wo moaEyahuda mbo, ame e gre okro ba arekyeŋ okyku ebra akplokyeŋ mbo.

Amarku 4:19

Ambo ewu obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

2 MoaOkorinti 11:14

E ka, alo o wo ekplo ba egbregbre mbo! Eshitaŋ a mbo e kpo e gbu baŋ a zhiŋ eshri baŋ a da lo e dzu eka ba anwyeadga ba ayimom!