MoAfisu 5:9 - Ohwihwim Olehe

⁹ Okyku eshi ayimom lo angyiŋ a wo la a shri oyayla nzenze la o wo odzi ta la odlodzi, ta la adlidzi a shri a ba.

MoAfisu 5:9 ပူးပေါင်းရင်းမြစ်များ

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Eyohana 1:47

Omba ba Eyesu a ka Enataniyelu a ba okro baŋ nga, a lu odlo eshri baŋ a lu mi le, Alom he lo a wo arehwĩ ba Esrayila zhezheŋ. Ekplokyeŋ ba o fu oha eshri baŋ e wo ma mbo.

MoaOroma 15:14

Agimi anáŋ, ame e yi zhezheŋ ba agimi e wo moarehwi ba odlodzi, nga bimi e yi ekployaŋ a mbo nzenze, nga ba agimi e kpo e gbu e nye egimi.

MoaOroma 2:4

O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

MoAfisu 4:15

O raŋ o gre ba agi e hlu eka ba Ekristi la a wo eshri a wo, nga e lu adlidzi la oklo esõ bi e sku o kpo ayakplo ba eda ebi.

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

MoAfisu 6:14

Okyku eka he agimi e tspi nga e dzu e bli a mo. E da adlidzi angyiŋ a dzu ashye akpa bimi e ta osĩ, nga e da odlodzi angyiŋ o dzu ombyli ba egi ayi bimi.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaOkolosi 3:18

Agimi ashe, e fa olbi e da moarealom bimi, okyku eshi agimi e wo moarehwĩ ba Ekristi, nga o raŋ o gre ba agimi e kpo eka he lo.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

MoaIbrani 1:8

Ahogbrẽ a lu odlo eshri Anwye lo a lu mi le, Aŋo Ahogbrẽ, emgbakyiŋ oreŋ boŋ é dzu ma gbagbu-amo! Nga la adlidzi angyiŋ aŋo o la o ri ekʼpo oreŋ boŋ.

MoaIbrani 11:33

Okro ba obmi ba adlidzi angyiŋ moa a ta eko a ri ebiŋ lo pyeŋ. Moa a kpo ayakplo la a wo shasha okyku eka he moa a hwiŋ ekplo ba Ahogbrẽ a hwim a zga ma okyku mo. Moa a bʼbu anyu ba émbdze a mbo.

1 Eyohana 2:29

Agimi e yi ba Ekristi a wo a ba odlodzi angyiŋ. Okyku eka he o raŋ o gre ba agimi e yi ba areyaŋ a mbo la a kpo ayakplo la a wo kye aŋa a wo anwye ba Ahogbrẽ angyiŋ.

3 Eyohana 1:11

Aŋo anime, o mbli ekplo la e wo ebi angyiŋ mbo, ambo o mbli ekplo la e wo edzi angyiŋ. Areyaŋ a mbo la a kpo ekplo la e wo edzi le, aŋa a wo arehwĩ ba Ahogbrẽ angyiŋ, ambo areyaŋ a mbo la a kpo ayakplobi le, are he lo a ka Ahogbrẽ a ka mbo.