MoAfisu 5:8 - Ohwihwim Olehe

⁸ Agimi a mbo e la e wo evbu ayga. Ambo eka ba agimi e sheŋ e dzu moarehwĩ ba Adigi-odne he, agimi e wo ayimom angyiŋ a mo. Okyku eka he, o raŋ o gre ba agimi e dzu eka moarehwĩ ba ayimom.

MoAfisu 5:8 ပူးပေါင်းရင်းမြစ်များ

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Amatiyu 4:16

Moarehwĩ la a dzu evbu, Moa á ka ayimom agagre! Eshri moa la a dzu obiŋ evbu ba eku, Ayimom á tra!

Oluka 1:79

Á da lo a zgi ongyeŋ a tra areyaŋ a mbo la a wo ozhẽ ba eku, Okyku o daŋ a tsa gi ozhẽ la o wo pyapyaŋ.

Oluka 16:8

Adaŋ-odne andakʼpo ba otum la a wo abibli he lo, a tsom ŋa okyku eda baŋ a kpo, okyku eshi moarehwi ba obiŋ hi, moa a kpo eda ta la ayakplo ba eshri mo adzadzi a gre eka moarehwi ba ayimom a kpo.

Eyohana 1:9

Alo angyiŋ a wo ayimom ba adlidzi la a ba obiŋ hi, nga a la a tra moare mvye.

Eyohana 12:35

Eyesu a tno mo ma a lu mi le, Ayimom á ta abyi ka la gimi ple ayga. Agimi e nyuŋ e dzu omba ba ayimom a yi a wo ka la gimi, nga evbu é shki gimi mbo, okyku eshi are la a dzu evbu a yi okro baŋ a la a yi mbo.

Eyohana 12:36

Agimi e bmi ba adlidzi ta la ayimom, okyku ba alo a yi a wo ka la a gimi, okyku o da gimi e dzu moarehwi ba ayimom. Ambla ba Eyesu a lu eka he a khwo nga, a zhiŋ eŋa ogbu nga a yi a ghre.

Eyohana 12:46

Ame e ba obiŋ hi eka ba ayimom angyiŋ, okyku o da areyaŋ a mbo la a bmi ba adlidzi pa la me a dzu evbu nga mbo.

Eyohana 8:12

Eyesu a lu pa la mo nganga a lu mi le, Ame angyiŋ e wo Ayimom ba Obiŋ hi. Areyaŋ a mbo la a lu me ma á hwiŋ ayimom ba eso, nga aŋa á dzi evbu nga mbo.

Otum 17:30

Ahogbrẽ a dzu moare a zga omba moa a yi mbo. Ambo ohuhuhi aŋa a shĩ moare ayaŋ a mbo ma moa a zhiŋ ogbu a sku ayakplobi.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

MoaOroma 1:21

Moa a yi Ahogbrẽ, ambo moa a la a ka ŋa la ekekʼpo baŋ mbo. Moa a la a vye ŋa a mbo mbo. E mbi moa a vye la ŋa, ambo moa a sko aga a zga ayakplo ba ototno. Aga eso mo nga a bli la evbu sha.

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

MoaOroma 2:19

Aŋo o sheŋ o yi, ba moa a sla ŋo okyku o doŋ o dzu atsaozhẽ okyku moavgayi, nga okyku o doŋ o dzu ayimom okyku moa la a wo evbu.

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

2 MoaOkorinti 3:18

Okyku eka he nga, agi pyeŋ e la e tsa ayimom ba esesla ba Ahogbrẽ la eyayi moa a kha lo la emakyeŋ mbo. Nga ayimom ba esesla mi lo e zgi okro ba Adigi-odne la a wo Ogbgaodzi. Aŋa angyiŋ a la a zhiŋ gi a da gi e la e sko emle baŋ. Aŋa a la a da gi e ta ma ombamba pyeŋ la ayimom ba esesla he lo.

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

2 MoaOkorinti 6:14

Agimi e la e ta amase pa la moa la a bmi ba adlidzi mbo. Alo o kpo o gbu eka he mbo. Odzi ta la obi o kpo anyu o dzu otsotse o gbu? Nga ayimom ta la evbu moa a kpo anyu a dzu otsotse a gbu?

MoaEgalasiya 5:25

Ogbgaodzi o shri eso angyiŋ o shri o da gi. O dzu omgbybi baŋ á ba a ri ekʼpo eso bi a mbo.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 4:18

Esõ mo nga e wo evbu. Moa a wo la ogʼbakyeŋ ibu odzudzu ba Ahogbrẽ a la a shri a di mbo, okyku eshi moa a wo la evbu eshri, nga moa a shpi esõ a gre eshri.

MoAfisu 5:2

Agimi e da oklo angyiŋ o ri ekʼpo eshri bimi, eka ba Ekristi a klo gi nga a shri esõ a shri a da gi eka ba oshriondba la o shka efpi edzadzi la o raŋ Ahogbrẽ esõ.

MoAfisu 6:12

Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

MoaOkolosi 1:12

Nga okyku o da gimi e vye la Adigi la ovye, okyku eshi aŋa angyiŋ a da gimi e tse ma okyku o da gimi e hwiŋ ogʼba bimi eshki ekplo baŋ a shri a zga ma oreŋ ba ayimom.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

Etitu 3:3

Okyku eshi agi a mbo ayga, agi e wo la eda ma mbo. Agi e fa olbi e di mbo nga e kpo ayakplo ba ototno ayga. Agi e dzu moawaghrẽ ba ogroayi ta la oraŋ andandandim ba obiŋ hi. Ayga agi e tpi omba bi ayi nga e kpo efye nga e ta efpu. Moare a la a tla gi, agi a mbo e tla mo.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.