MoAfisu 5:6 - Ohwihwim Olehe

⁶ Agimi e da arekyeŋ a bile gimi la odlo adro mbo. Okyku edgu ayakplo he lo angyiŋ Ahogbrẽ á ba a kpo moare la a kpaŋ odlo baŋ mbo ewu.

MoAfisu 5:6 ပူးပေါင်းရင်းမြစ်များ

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 24:4

Eyesu a tno mo ma a lu mi le, Agimi e nyuŋ e ka, nga e da arekyeŋ a bile gimi mbo.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Amarku 13:5

Eyesu a shĩ mo a lu mi le, Agimi e nyuŋ e ka, e da arekyeŋ a bile gimi mbo.

MoaOroma 1:18

Ahogbrẽ la a wo Ongyeŋ a tsa moare eka ba eso e tpi ŋa ayi okyku odlobi, ta la ayakplobi moarehwi a la a kpo. Ayakplobi he lo a nyom moare a yi adlidzi lo.

MoaOkolosi 2:18

Are la a wo la okoka ba edguayakplokyeŋ, nga baŋ a la a tspi gaŋ la opresõ-obiŋ ba akpro, nga a la a hlu moanwyeadga ba Ahogbrẽ eshko, edgu are he lo a la a ka eŋa la ekʼpo a gre moahwõ okyku ohe lo. Agimi e daŋ a sõ gimi ombgu mbo ku-ku. Edgu are he lo a la a nyom egʼba ba ototno, okyku edgu aga ba arehwĩ la a wo esõ baŋ.

MoaOkolosi 2:4

Okyku eka he, ame e la e lu e da gimi, e da arekyeŋ a bile gimi la oklaodlo ba akpro mbo, o wo ba alo o wo odzi egyagi a mbo, e bmi mbo.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

MoaOkolosi 3:6

Okyku edgu ayakplo he lo angyiŋ, Ahogbrẽ á ba a kpo olom pa la moa la a kpaŋ odlo baŋ mbo.

2 MoaEtasolonika 2:3

Ambo agimi anáŋ, e da arekyeŋ a bile gimi ku-ku mbo. Okyku eshi Olum he lo ó ba a wo mbo, o wo le Osomokroayi ba amom-abgo ó ba ayga dne, nga Areabi á ra á tspa, nga la á ba a yi enzheovo.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

MoaIbrani 3:19

Agi e ka e bmye ba moa a nyom mo okyku o da mo a gre a yi okro lo okyku eshi moa a bmi ba adlidzi mbo.

1 Ebitru 2:8

Odlo ba Ahogbrẽ o sa o lu mi le, Ezhim he lo angyiŋ é ba e da moarehwĩ a sheŋ evgo. Alo angyiŋ é ba e dzu onmwre la ó ba o da moare a tsu a gbu. Moa a sheŋ evgo okyku ba moa a bmi ba adlidzi ta la odlo lo mbo angyiŋ. Ohe lo angyiŋ o wo okoklo ba Ahogbrẽ okyku mo.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.