MoAfisu 5:5 - Ohwihwim Olehe

⁵ O dzu mbo agimi e sheŋ e yi odlo he lo zhezheŋ ba areyaŋ a mbo la a wo la eshre nga a la a kpo ayakplo la a wo eka lo mbo, nga a la a kpo oriayi, á hwiŋ egbrekyeŋ Oreŋ ba Ekristi ta la Ahogbrẽ mbo. Oriayi o wo otum ba o hlu okpko eshko angyiŋ.

MoAfisu 5:5 ပူးပေါင်းရင်းမြစ်များ

Otum 20:32

Ambo ohuhuhi ame e shri gimi e ghwo abgo Ahogbrẽ, ta la oshpa ba okpoghwo baŋ. Aŋa a kpo a gbu baŋ a da gimi e tspi osheshye, nga a shri owlama baŋ a shri a zga ma okyku moare baŋ, a shri a da gimi.

Otum 8:21

Aŋo o wo la ogʼba ekplokyeŋ ibu otum bi mbo, okyku eshi eso boŋ e wo shasha egi ayi Ahogbrẽ mbo.

MoaEgalasiya 5:19

Ayakplo ba odzudzu ba egʼba a la a kpo a wo zheŋ. Alo a tsa ba alo a wo la eshre, ta la odzudzu la o wo shasha mbo, ta la ayakplo la a wo eka lo mbo,

MoaEgalasiya 5:21

Moa a la a kpo efpu, nga a wa ajige a kpo ayi, nga a la a kpo eshki ba o wa ajige. Nga moa a la a kpo edgu ayakplo he lo. Ame e shĩ gimi eka ba ame e shĩ gimi ayga, moa la a kpo edgu ayakplo he lo, moa á hwiŋ Oreŋ ba Ahogbrẽ mbo ku-ku.

MoAfisu 5:3

Eka ba agimi e wo moarehwĩ ba Ahogbrẽ he, o wo odzi ba moa a lu akplokyeŋ ba eshre o mbo le akplokyeŋ la a wo eka lo eshri bimi mbo, o mbo le moa a lu odlo eka ba agimi e kpo oriayi mbo.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

MoaOkolosi 3:5

O dzu omgbybi ba agimi e bga okoklo ba anzho ba obiŋ hi la a la a kpo otum esõ bimi. Edgu ayakplo he lo a wo ayakplo ba eshre ta la ayakplo la a wo eka lo mbo, ta la okayiogro, ta la ekhwo ba ayakplo la a wo abi, ta la oriayi. Oriayi o wo eka moa a hlu okpko eshko angyiŋ.

1 Etimoti 6:10

Oklo amgbaŋ angyiŋ o wo esĩ ba edgu odlobiyaŋ a mbo. Moabze a la a zga ayi ngre okyku o hwiŋ lo, okyku eka he moa a dzu ozhẽ ba obmi ba adlidzi a zga nga esõ e bili nzenze.

1 Etimoti 6:17

Aŋo o shri odaŋ o da moanáŋ la a wo la angyiŋ ba obiŋ hi, okyku o da mo a nyom egʼba ta la alo mbo, nga okyku o da mo a shri okayiozhẽ mo pyeŋ a zga angyiŋ mbo, okyku eshi alo a wo ekplokyeŋ la e tspi mbo. Ambo moa a shri okayiozhẽ mo pyeŋ a shri a zga Ahogbrẽ angyiŋ. Aŋa sha a la a shri ekployaŋ a mbo nzenze a shri a di okyku o da gi e gno oraŋ.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.