MoAfisu 5:4 - Ohwihwim Olehe

⁴ O wo odzi ba agimi e lu odlobi, ta la odlo ototno o mbo le odlo eshre mbo. Ambo o raŋ o gre ba agimi e vye la Ahogbrẽ.

MoAfisu 5:4 ပူးပေါင်းရင်းမြစ်များ

Amarku 7:22

ta la o ta ekpa, ta la okayiogro, ta la aga abi, ta la emgbʼbo, ta la o kpo ayakplobi, ta la o ta efpu, ta la onjygu, ta la ohregʼba, ta la o kpo ayakplo adro.

Eyohana 6:23

Amgblami ahwõ a zgi Etebiriya a ba akaŋ la a wo osusku ta la okro ba moare a taŋ agbrotsa ambla ba Adigi a vye Ahogbrẽ okyku lo.

MoaOroma 1:28

Okyku ba moare a tla o kpaŋ odlo adlidzi ba Ahogbrẽ, aŋa a dzu mo a zga la eso eshre lo. Okyku eka he moa a la a kpo ayakplo la a raŋ ba moa a kpo lo mbo.

2 MoaOkorinti 1:11

okyku eshi agimi e la e kpo e ghwo la gi okro olu bimi. Okyku eka he nga olu nzenze bimi e la e fa okyku gi, moa á yga lo. Ahogbrẽ nga á shri owlama á shri á da gi, nga moare nzenze moa á si enzi mo ongyeŋ nga á vye la ŋa okyku gi.

2 MoaOkorinti 9:15

Agimi e da gi e vye la Ahogbrẽ okyku okpoghwo baŋ la o gre eshri!

MoAfisu 1:16

ame e tspi o vye la Ahogbrẽ okyku gimi mbo. Ame e la e tne aga bimi olu me.

MoAfisu 4:29

Agimi e la e kpo otum ta la odlo la o vu olo omba bimi e kpla egba mbo. E kpo otum ta la odlo la o kpo o ghwo sha. E kpo otum ta la edgu odlo la o mbdzi angyiŋ nga e shri ekplo la e gbaŋ e shri e ba, okyku o da moa la a gno odlo boŋ a hwiŋ owlama eshri odlo lo.

MoaEfilibi 4:6

Agimi e da esõ e ngʼba gimi okyku akplokyeŋ mbo, ambo e vẽ Ahogbrẽ okyku ekployaŋ a mbo ba agimi e klo. Ombayaŋ a mbo e vẽ ŋa la esõ ba ovye.

MoaOkolosi 3:8

Ambo o raŋ o gre ba agimi e ngʼba e sku ayakplo he lo pyeŋ. Alo a wo olom, ta la ogroayi, ta la aga ba ofpu. Nga moa a klo ba odzi, ta la odlo ba eshre o zgi anyu bimi mbo, ku-ku.

1 MoaEtasolonika 3:9

Okyku eshi, ohuhuhi agi e kpo e gbu ba agi e vye la Ahogbrẽ okyku gimi. Agi e vye la ŋa okyku ovye ba agi e wo la alo ma egi ayi ba Ahogbrẽ bi okyku gimi.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

Efilimo 1:8

Okyku eka he nga, ame e kpo e gbu ba ame e ghwo esõ e jygu ŋo odaŋ okyku o doŋ o kpo eka he lo, okyku ba ame e wo anóŋ eshko ba Ekristi.

MoaIbrani 13:15

Okyku eka he, o raŋ o gre ba agi e da ohlueshko o dzu oshriondba bi okyku o ndba Ahogbrẽ ombamba pyeŋ okro ba Eyesu. Alo o dzu, agi e la e vye la ŋa ombamba pyeŋ la enzi bi.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

2 Ebitru 2:7

Aŋa angyiŋ a shla Olotu la a wo arehwĩ ba odlodzi. Ambo edgu odzudzu ba eshre ba moarehwĩ la a yi odaŋ mbo e kpo ŋa ewu nzenze.

Eyahuda 1:10

Ambo moarehwĩ he, moa a dzĩ ayakplo ba moa a ka lo a bmye mbo. Nga ayakplo ba moa a yi la esõ ba okoklo ba egʼba, a da mo a dzu eka ba ébyi akla, ayakplo he lo angyiŋ a jygi mo.

Eyahuda 1:13

Moarehwĩ he lo a wo eka ondzami ba anyuŋ-ondzu la o wlu ayi o gre eshri. Moa a la a kpo ayakplo ba ototno la a wo eka afumvu ototno ba ami ba anyuŋ-ondzu. Moa a wo la anzi ma mbo. Moa a wo eka ba éyi enzo la e la e dzi wayawaya. Ahogbrẽ a sla okro la o wo evbu mgbyimgbyimgbyiŋ angyiŋ a shri a zga ma okyku mo.