MoAfisu 5:3 - Ohwihwim Olehe

³ Eka ba agimi e wo moarehwĩ ba Ahogbrẽ he, o wo odzi ba moa a lu akplokyeŋ ba eshre o mbo le akplokyeŋ la a wo eka lo eshri bimi mbo, o mbo le moa a lu odlo eka ba agimi e kpo oriayi mbo.

MoAfisu 5:3 ပူးပေါင်းရင်းမြစ်များ

Amatiyu 15:19

Esõ arehwĩ eshyẽ nga, aga ba o kpo ayakplobi eka o bga ebga, ta la o ri eshra, ta la o kpo ayakplo ba eshre, ta la o kpo ogʼga, ta la o sheŋ akpro, ta la o tpi eshko moare ayi, a wo ma.

Oluka 12:15

Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ.

Oluka 16:14

MoaEfarisi moa a gno ayakplo he pyeŋ, ambo moa a lu ega a ygi Eyesu okyku ba moa a klo amgbaŋ.

Otum 15:20

O raŋ o gre bi e ta mo akpa e lu mi le, Agimi e taŋ ebyi ololo mbo, okyku eshi alo e wo eshre. Nga agimi e kpo ayakplo eshre mbo. Nga agimi e taŋ ebyi moa a kplu lo oto mbo, mbo. Nga agimi e wa amanzhli mbo.

Otum 20:33

Ame e gro ayi azurfa ta la ezanariya, ta la aknye arekyeŋ ku-ku mbo.

MoaOroma 1:29

Moa a bli la edgu ayakplobi andandandim ta la ogroayi, ta la oriayi, ta la efpu, ta la ebga, ta la ambgu, ta la obile, ta la eshre, nga moa a la a njygu emo,

MoaOroma 16:2

Agimi e yga ŋa eshko ba Adigi-odne, eka moa la a lu Ahogbrẽ ma a la a kpo. Nga agimi e shri ekployaŋ a mbo baŋ a klo e shri e daŋ. Okyku eshi aŋa a kpo a ghwo la moare nzenze, nga a kpo a ghwo la me a mbo.

MoaOroma 6:13

Nga agimi e bmi e shri okrokyeŋ egʼba bimi e da odlobi mbo, nga e shri lo e kpo ekplokyeŋ ba eshre ta la lo mbo. Ambo agimi e shri eshri bimi e da Ahogbrẽ, eka moarehwi la a zgi eku a hwiŋ eso, nga agimi e shri eshri bimi e da Ahogbrẽ la eso ekyekyeŋ, okyku o daŋ a kpo otum odlodzi ta la lo.

1 MoaOkorinti 10:8

O raŋ o gre bi e ta ekpa eka moakyeŋ eshki mo a ta mbo. Okyku eshi ondakyekyeŋ eka he, moare la a tsu a ygi obiŋ nga a kpu moa a wo ezbi ekʼpoeha la atra.

1 MoaOkorinti 5:1

Ame e gno moare a la a lu ma orieshra o wo agʼbaha bimi o gre eshri. Alo o gba o bre o gre eka moaevbu a mbo a la a kpo. Ame e gno ma arekyeŋ eshki bimi a la a kpo ayakplo ba eshre ta la ashe ba adaŋ.

1 MoaOkorinti 6:13

O dzu mbo arekyeŋ a zgi anyu a lu mi le, Algo a wo okyku akpyki angyiŋ, nga akpyki a wo okyku algo angyiŋ. Alo o wo eka he, ambo Ahogbrẽ á da ayakplo aha he lo pyeŋ a bre á yi. Egʼba ba arehwĩ e wo okyku o daŋ a la a kpo ayakplo ba eshre ta la alo angyiŋ mbo. E wo okyku Ahogbrẽ Adigi-odne angyiŋ. Adigi-odne nga a wo okyku o kpo otum ta la egʼba lo.

1 MoaOkorinti 6:18

Agimi e kyu ayakplo ba eshre abgo. Odlobi ohwõ pyeŋ ba are a la a kpo, o la o tpi egʼba baŋ ayi mbo, ambo orieshra o la o tpi egʼba baŋ ayi.

2 MoaOkorinti 12:21

Ame e ka eka ba Ahogbrẽ me á ba a pre me eshri obiŋ omba ba ame é ba okro bimi omba mi lo. Ame nga é wu okũ okyku moa la a kpo odlobi ayga, nga ba moa a ka a ghwo obiŋ okyku ayakplo ba eshre ba moa a kpo a wo mbo, alo angyiŋ a wo ayakplo ba orieshra ta la ayakplo ba ogroayi ayakplobi.

MoAfisu 5:12

O wo ekplo anzi angyiŋ o ba o lu odlo eshri ayakplo ba moa a la a kpo la esisi.

MoAfisu 5:5

O dzu mbo agimi e sheŋ e yi odlo he lo zhezheŋ ba areyaŋ a mbo la a wo la eshre nga a la a kpo ayakplo la a wo eka lo mbo, nga a la a kpo oriayi, á hwiŋ egbrekyeŋ Oreŋ ba Ekristi ta la Ahogbrẽ mbo. Oriayi o wo otum ba o hlu okpko eshko angyiŋ.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaOkolosi 3:5

O dzu omgbybi ba agimi e bga okoklo ba anzho ba obiŋ hi la a la a kpo otum esõ bimi. Edgu ayakplo he lo a wo ayakplo ba eshre ta la ayakplo la a wo eka lo mbo, ta la okayiogro, ta la ekhwo ba ayakplo la a wo abi, ta la oriayi. Oriayi o wo eka moa a hlu okpko eshko angyiŋ.

1 MoaEtasolonika 4:3

Ahogbrẽ a klo ba agimi e dzu la esesla, nga e dzu la eshre tsitsi a mbo mbo.

1 MoaEtasolonika 4:7

Ahogbrẽ a bzi gi okyku o da gi e ba e dzu la odzudzu ba eshre angyiŋ mbo, ambo okyku o da gi e ba e dzu la odzudzu ba esesla.

1 Etimoti 2:10

Ambo moa a la a kpo edgu ayakplo adzadzi ba ashe la a sko eshri baŋ a da Ahogbrẽ a la a kpo.

1 Etimoti 3:3

O raŋ o gre baŋ a dzu are la a wa ami anab a kpo ayi mbo, nga a la a wo esõ khakha mbo. Ambo a dzu are la a wo la esõ ble la opyapyaŋ ba esõ ma. A dzu are la a ka ayi amgbaŋ mbo.

1 Etimoti 6:10

Oklo amgbaŋ angyiŋ o wo esĩ ba edgu odlobiyaŋ a mbo. Moabze a la a zga ayi ngre okyku o hwiŋ lo, okyku eka he moa a dzu ozhẽ ba obmi ba adlidzi a zga nga esõ e bili nzenze.

2 Etimoti 3:2

Okyku eshi moare á klo eshri, nga moa á kpo ogroayi, nga moa á nyom egʼba, nga moa á sko emo á zga eka moa a yi ayakplo nzenze. Nga moa á dzĩ moare, nga moa á fa olbi á da moadimo mbo. Moa á vye la ekplokyeŋ mbo ku-ku, nga moa á sko ozhẽ ba Ahogbrẽ á zga akplokyeŋ mbo.

Etitu 1:11

O dzu omgbybi ba moa a tspi mo la edgu odlo he lo, okyku eshi moa a la a shoŋ moa-odne mvye egʼba la edgu onyenye la o wo ozhẽ mbo. Moa a la a kpo ekplo anzi he lo okyku o da mo a hwiŋ amgbaŋ.

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

Etitu 2:3

Nga o nyuŋ moakpoatsoŋ-ashe a mbo ekakahelo. O lu o da mo a kpo ayakplo eka moashe la a kpaŋ eshri mo adzadzi okyku Ahogbrẽ. Moa a kpo onjygu nga a dzu moawaghrẽ ba ami anab mbo. Ambo o raŋ o gre ba moa a nye ekplo la e wo edzi,

MoaIbrani 12:16

Agimi e nyuŋ e kpo-kpo okyku o da arekyeŋ eshki bimi a zhiŋ a dzu arehwĩ ba eshre ta la arehwĩ la a dzu areabi la a tla Ahogbrẽ eka ba Esuwa mbo. Aŋa okyku atku ba ehrẽ, a shri ekʼpo baŋ ba andakʼpo a shri a gbmo.

1 Ebitru 5:2

okyku o da gimi e dzu moarehwĩ la a kpaŋ ékylu ba Ahogbrẽ a shri a da gimi, nga agimi e kpaŋ lo la oklo. Ahogbrẽ a klo bimi e kpo eka he lo. E kpo otum okyku ohre sha mbo, ambo la oklo ba adlidzi okyku o kpo otum.

2 Ebitru 2:10

Ombgu o wo ma zhezheŋ okyku moarehwĩ la a klo ayakplo ba eshre ba egʼba, nga moa a la a dzĩ ekʼpo ba Ahogbrẽ. Moa la a nye onyenye ba akpro he lo, moa a shpi esõ nga moa a la a hre egʼba. Nga moa a la a ka olbi ba ama ba esesla la a wo ongyeŋ mbo. Ambo moa a dzĩ lo a sku.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 2:3

Nga okyku ohwlayi mo, moa la a nye onyenye ba akpro lo, moa á hwiŋ ohwihwiŋ okyku oshpa ba ototno ba moa a kpo, nga a lu ka la gimi. Omba o dga nzenze ba are la a sõ mo ombgu a la a dzu a bli mo. Nga omba o dga nzenze ba are la a jygi mo lo a la a dzu a kʼpu!

Otsotsa 2:14

Ambo ayakplo fi ba ame e gno oraŋ ka la ŋo mbo a wo ma. Eshki bimi moakyeŋ a la a kpo otum ta la onyenye ba Abalam. Abalam angyiŋ a nye Abalaka a daŋ a da moarehwĩ ba Esrayila a kpo odlobi okyku baŋ a da mo a ri algo ba moa a shri a ndba okyku okpko, nga a da mo a kpo ayakplo ba eshre.

Otsotsa 2:21

Ame e shri omba e shri e daŋ okyku o daŋ a ngʼba a sku edlobi baŋ he lo, ambo aŋa a klo o kyu ayakplo eshre baŋ a kpo he lo abgo mbo.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.

Otsotsa 9:21

Moarehwĩ he lo moa a kyu ebga abgo mbo. Moa a dzu gaŋ ta la ololo moa a la a kpo, ta la ayakplo ba eshre ba moa a la a kpo, nga moa a la a si esi.