MoAfisu 5:20 - Ohwihwim Olehe

²⁰ Ombayaŋ a mbo agimi e vye la Ahogbrẽ la a wo Adigi okyku ekployaŋ a mbo, eshko ba Adigi-odne Eyesu Ekristi.

MoAfisu 5:20 ပူးပေါင်းရင်းမြစ်များ

Eyohana 15:16

Agimi angyiŋ e sla me mbo, ame angyiŋ e sla gimi. Ame e hom gimi otum okyku o da gimi e yi e fu agbro nzenze. Agbro edgu he lo, á tpi ayi mbo. Ada á shri ekployaŋ a mbo bimi e vẽ eshko me á shri á da gimi.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

MoaOroma 1:8

Ekplo ba oriori, ame e vye la Ahogbrẽ eshko Eyesu Ekristi okyku gimi, okyku eshi obiŋ hi mvye moa a gno oshpa ba obmi ba adlidzi bimi.

1 MoaOkorinti 1:4

Ame e vye la Ahogbrẽ ombamba pyeŋ okyku gimi, okyku okpoghwo baŋ a kpo a ghwo la gimi okro ba Ekristi Eyesu.

1 MoaOkorinti 15:24

Omba he lo angyiŋ, eygi é ba e ba. Ekristi á kpo ekʼpo ta la egbgabi la e ri ekʼpo pyeŋ, nga Ekristi á shri Oreŋ lo á shri á da Ahogbrẽ la a wo Ada.

MoAfisu 5:4

O wo odzi ba agimi e lu odlobi, ta la odlo ototno o mbo le odlo eshre mbo. Ambo o raŋ o gre ba agimi e vye la Ahogbrẽ.

MoaEfilibi 1:3

Ombayaŋ a mbo ba ame e tne aga bimi, ame e vye la Ahogbrẽ me okyku gimi pyeŋ.

MoaEfilibi 4:6

Agimi e da esõ e ngʼba gimi okyku akplokyeŋ mbo, ambo e vẽ Ahogbrẽ okyku ekployaŋ a mbo ba agimi e klo. Ombayaŋ a mbo e vẽ ŋa la esõ ba ovye.

MoaOkolosi 3:17

Okro ekployaŋ a mbo ba agimi e la e kpo nga e la e lu, e kpo lo eshko ba Adigi-odne Eyesu, eka ba agimi e la e vye la Ahogbrẽ Adigi okro baŋ.

1 MoaEtasolonika 3:9

Okyku eshi, ohuhuhi agi e kpo e gbu ba agi e vye la Ahogbrẽ okyku gimi. Agi e vye la ŋa okyku ovye ba agi e wo la alo ma egi ayi ba Ahogbrẽ bi okyku gimi.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

MoaIbrani 13:15

Okyku eka he, o raŋ o gre ba agi e da ohlueshko o dzu oshriondba bi okyku o ndba Ahogbrẽ ombamba pyeŋ okro ba Eyesu. Alo o dzu, agi e la e vye la ŋa ombamba pyeŋ la enzi bi.

1 Ebitru 2:5

Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.