MoAfisu 5:10 - Ohwihwim Olehe

¹⁰ Agimi e zga ngre nga e nye ekplo la e raŋ Adigi-odne esõ.

MoAfisu 5:10 ပူးပေါင်းရင်းမြစ်များ

MoaOroma 14:18

Areyaŋ a mbo la a kpo otum ba Ekristi eka he angyiŋ le, Ahogbrẽ pa la moarehwi a mbo, moa á gno oraŋ ka la ŋa.

MoaEfilibi 1:10

okyku o da gimi e kpo e gbu nga e sla ekplo la e wo edzi e gre pyeŋ. Nga onda Olum ba Ekristi, ayakplo ba eshre o mbo le ombgukyeŋ ó wo eshri bimi nga mbo.

MoaEfilibi 4:18

Nga ohuhuhi, agimi e yga egŋe la e tsa ekployaŋ a mbo ba ame e hwiŋ okro bimi. Alo o gre eshri! Ame e wo la ekployaŋ a mbo ba ame e klo, okyku ba Ebafroditu a shri okpoghwo bimi pyeŋ a shri a ba ohuhuhi. Alo o wo eka efpi edzi ba ema ba moa a shri a ndba Ahogbrẽ angyiŋ, oshriondba baŋ a yga lo nga a gno oraŋ ta la lo.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

1 MoaEtasolonika 5:21

Agimi e mbga ekployaŋ a mbo e ka. E kpaŋ ekplo la e wo edzi,

1 Etimoti 2:3

Eka he lo e wo edzi nga o raŋ Ahogbrẽ Areoshla bi esõ.

1 Etimoti 5:4

Ambo o wo ba ashe-eshaku a wo la moanwye o mbo le moanwye ba moanwye baŋ ma le, o raŋ o gre ba moanwye lo a nye eda nga a dzu la odzudzu ba ozhẽ ba Ahogbrẽ pa la moadimo. Ozhẽ he lo moadimo á hwiŋ owlama mo. Moanwye he lo á raŋ Ahogbrẽ esõ ozhẽ he lo angyiŋ.

MoaIbrani 12:28

Agimi e da gi e kpo ovye okyku eshi agi e hwiŋ oreŋ ba moa a suŋ lo a gbu mbo ku-ku. Agimi e da gi e vye nga e hlu Ahogbrẽ eshko ozhẽ baŋ á ba a gno oraŋ, la olbi ta la eyli,

1 Ebitru 2:20

Owlamakyeŋ o wo ándzu ba moa a bga gimi okyku ba agimi e ta akpu, o wo ba agimi e ghwo esõ? Ambo o wo ba agimi e ghwo esõ ta la ewu okyku o kpo otum la o wo shasha angyiŋ le, Ahogbrẽ á shri owlama á shri á da gimi okyku lo.

1 Ebitru 2:5

Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.