MoAfisu 4:9 - Ohwihwim Olehe

⁹ Eshi e wo okũ baŋ a gre Ongyeŋ he lo? Okũ lo o wo okyku eshi aŋa a ba obiŋ hi, obiŋ la o wo egi eshyẽ ba obiŋ lo.

MoAfisu 4:9 ပူးပေါင်းရင်းမြစ်များ

Amatiyu 12:40

Eka ba Oyunana a kpo elum etra, ta la ekyukyku etra akpyki anyuŋ atsa, ekakahelo Anwye Arehwĩ á kpo elum etra ta la ekyukyku etra obiŋ hi eshyẽ.

Eyohana 20:17

Eyesu a nyuŋ Emeri a lu mi le, O tka me mbo okyku eshi ame e bla e gre okro Ada a wo mbo. Ambo aŋo o yi okro moanime o nyuŋ mo o lu mi le, Ame é bla é yi okro Adugu la a wo Adigimi a mbo, aŋa a wo Ahogbrẽ me, nga a sa a wo Ahogbrẽ bimi a mbo.

Eyohana 3:13

Arekyeŋ obiŋ hi a gre Ongyeŋ a ka mbo ku-ku, o wo le Anwye Arehwi akyakyeŋ sha la a zgi Ongyeŋ a ba obiŋ hi.

Eyohana 6:33

Agbrotsa ba Ahogbrẽ a la a shri a di, aŋa angyiŋ a wo are la a zgi Ongyeŋ a ba, nga a shri eso a da moarehwi ba obiŋ hi mvye.

Eyohana 6:38

Okyku eshi ame e zgi Ongyeŋ e ba okyku o kpo ekplo ba are la a hom me otum a klo, ame e ba okyku o kpo ekplo ba ame e klo angyiŋ mbo.

Eyohana 6:41

MoaEyahuda nga a zga esi a la a lu ahihĩ odlo eshri baŋ okyku baŋ a lu mi le, Ame angyiŋ e wo agbrotsa la a zgi Ongyeŋ a ba.

Eyohana 6:51

Ame angyiŋ e wo agbrotsa ba eso la a zgi Ongyeŋ a ba. Areyaŋ a mbo la a taŋ edgu agbrotsa he lo le, á dzu ma gbagbu-amo. Ebyi egʼba me angyiŋ e wo agbrotsa ba ame é ba e shri é daŋ. Ame é shri lo é shri é di okyku o da moarehwi ba obiŋ hi a hwiŋ eso.

Eyohana 6:58

Agbrotsa he lo angyiŋ a wo la a zgi Ongyeŋ a ba. A wo eka ba agbrotsa moadigimi a taŋ nga a kpu angyiŋ mbo. Are la a taŋ agbrotsa he lo á dzu ma gbagbu-amo.

Eyohana 6:62

O wo eka he le, eshi é ba e kpo o wo ba agimi é ka Anwye Arehwi a sa okũ a yi okro baŋ a dzu ma ayga?

Eyohana 8:14

Eyesu a tno mo ma a lu mi le, O wo eka he angyiŋ mbo. O wo ba ame e lu odlo ba eshri me a mbo, ekplo ame e lu e wo adlidzi angyiŋ okyku eshi ame e yi okro ba ame e zgi lo e ba, nga ame e sa e yi okro ba ame é ba e yi. Ambo agimi e yi okro ame e zgi lo e ba, o mbo le ba ame é ba e yi mbo.

MoaIbrani 2:7

Okyku omba fi nga, aŋo o kpo ŋa o da ekʼpo baŋ e siŋ eʼkpo moanwyeadga boŋ. Aŋo nga o shri ekekʼpo ta la anyuanyuŋ la e wo e ba anyuŋ-areŋ o shri o daŋ.

MoaIbrani 2:9

Ambo agi e ka Eyesu angyiŋ a la a ri ekʼpo lo! Okyku omba ple moa a da ekʼpo baŋ e siŋ ekʼpo moanwyeadga fi, okyku okro okpoghwo ba Ahogbrẽ a kpu okyku moarehwĩ pyeŋ. Ohuhuhi agi e ka ŋa la a wo anyuŋ-areŋ la ekekʼpo ta la anyuanyuŋ okyku ewu baŋ a kpo okro eku.