MoAfisu 4:6 - Ohwihwim Olehe

⁶ Ahogbrẽ akyakyeŋ sha a wo ma, nga aŋa angyiŋ a wo adimo-arehwĩ pyeŋ. A wo Adigi-odne pyeŋ, aŋa a la a kpo otum okro moare pyeŋ, nga a wo pa la moare pyeŋ.

MoAfisu 4:6 ပူးပေါင်းရင်းမြစ်များ

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Amatiyu 6:9

Agimi e fa olu eka he, Adigi la a wo Ongyeŋ, O da gi e hlu eshko boŋ.

Eyohana 14:23

Eyesu a tno ŋa ma a lu mi le, Areyaŋ a mbo la a klo me le, á kpaŋ odlo me. Adugu nga á klo ŋa. Adugu pa la me nga agi é ba okro are he lo nga é dzu ka la ŋa.

Eyohana 17:26

Ame e da mo a yi ŋo. Ame e kpo eka he lo e yi-yi e yi, okyku o da oklo boŋ o wo la alo ma okyku me o dzu eso mo, nga okyku o da me e dzu eso mo.

Eyohana 20:17

Eyesu a nyuŋ Emeri a lu mi le, O tka me mbo okyku eshi ame e bla e gre okro Ada a wo mbo. Ambo aŋo o yi okro moanime o nyuŋ mo o lu mi le, Ame é bla é yi okro Adugu la a wo Adigimi a mbo, aŋa a wo Ahogbrẽ me, nga a sa a wo Ahogbrẽ bimi a mbo.

MoaOroma 11:36

Aŋa angyiŋ a kpo ekployaŋ a mbo, aŋa nga a da ekployaŋ a mbo e wo ma okyku eŋa. Ekekʼpo e dzu okyku Ahogbrẽ gbagbu-amo! Amin.

1 MoaOkorinti 12:6

Okpogbu ba o kpo otum o wo andandandim, ambo Ahogbrẽ akyakyeŋ angyiŋ a shri okpogbu a shri a da areyaŋ a mbo okyku o daŋ a kpo edgu otumyaŋ a mbo.

1 MoaOkorinti 8:6

okro bi Ahogbrẽ akyakyeŋ sha a wo ma. Aŋa angyiŋ a wo Adigi la a kpo ekployaŋ a mbo. Okyku ŋa agi e wo ma. Adigi-odne Eyesu Ekristi akyakyeŋ sha a wo ma. Okro baŋ sha moa a kpo ekployaŋ a mbo, nga okro baŋ angyiŋ agi e hwiŋ eso.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

MoAfisu 1:21

Ekristi angyiŋ a la a ri ekʼpo eshri moa la a la a ri ekʼpo ongyeŋ pyeŋ, pa la moa la a wo la ekʼpo ma nzenze ongyeŋ ta la moandakʼpo ba ongyeŋ. Aŋa a gre ashko ba ekʼpo la a wo obiŋ hi pyeŋ, ta la obiŋ la ó ba o ba.

MoAfisu 2:22

Okro ba okŋeobga ka la ŋa, moa a mbdzi gimi a mbo pa la moahwõ pyeŋ, a da gimi e dzu odne ba Ahogbrẽ a dzu ma ozhẽ ba Ogbgaodzi baŋ.

MoAfisu 3:17

nga o wo bimi e bmi ba adlidzi ka la ŋa, Ekristi nga á kpo okro odzuma baŋ esõ bimi. Ame e la e fa olu okyku o da gimi e ta emgbʼbo e ghwo egʼba ba oklo, nga okyku o da oklo angyiŋ o dzu okũ bimi.

MoAfisu 6:23

Ahogbrẽ Adigi, ta la Adigi-odne Eyesu Ekristi, moa a shri opyapyaŋ ta la oklo ta la obmi ba adlidzi a shri a da moanáŋ pyeŋ.

1 Eyohana 3:24

Areyaŋ a mbo la a kpaŋ odaŋ ba Ahogbrẽ le, a wo esõ ba Ahogbrẽ, nga Ahogbrẽ a mbo a wo esõ baŋ. Agi e yi ba Ahogbrẽ a wo esõ bi ozhẽ ba Ogbgaodzi baŋ a shri a da gi.