MoAfisu 4:5 - Ohwihwim Olehe

⁵ Adigi-odne akyakyeŋ a wo ma, ta la obmi ba adlidzi okyekyeŋ, ta la abaptisma akyakyeŋ.

MoAfisu 4:5 ပူးပေါင်းရင်းမြစ်များ

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Otum 10:36

Agimi e yi otum ba Ahogbrẽ a hom a kom moarehwi ba Esrayila nga a su Oshpaodzadzi, o la o shri opyapyaŋ ba eso o shri o ba okro Eyesu Ekristi, aŋa angyiŋ a wo Adigi-odne moarehwi mvye.

Otum 2:36

Agimi arehwĩ ba Esrayila, o raŋ o gre bimi e ka e bmye ba agimi e gŋe Eyesu he lo egŋe aki. Aŋa angyiŋ Ahogbrẽ a daŋ a dzu Adigi ta la Emisiya!

MoaOroma 3:30

Ahogbrẽ a wo akyakyeŋ angyiŋ. Aŋa á shri opyapyaŋ á shri á zga agʼbaha baŋ pa la moaEyahuda o wo ba moa a bmi ba adlidzi. Á kpo eka he lo pa la moa la a wo moaEyahuda mbo a mbo o wo ba moa a bmi ba adlidzi.

1 MoaOkorinti 1:13

Moa a gʼba Ekristi lo egʼba! Oblus angyiŋ a kpu egŋe aki okyku gimi? Moa a kpo gimi abaptisma la eshko ba Oblusa ngyiŋ?

1 MoaOkorinti 1:2

Agimi Eklisiya ba Ahogbrẽ la e wo osku ba Okorinti, pa la moarehwi pyeŋ ba Ahogbrẽ a bzi mo okyku o da mo a dzu moarehwi baŋ, moa la a wo moarehwi baŋ okro ba okŋeo-bga ba Ekristi Eyesu, nga pa la moarehwi ba okroyaŋ a mbo la a hlu Adigi-odne Eyesu Ekristi la a wo Adimo-odne, ta la Adigi-odne eshko.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.

1 MoaOkorinti 12:5

Ezhẽ ba o hlu Adigi-odne eshko e wo ma nzenze, ambo Adigi-odne he lo a wo akyakyeŋ angyiŋ.

1 MoaOkorinti 8:6

okro bi Ahogbrẽ akyakyeŋ sha a wo ma. Aŋa angyiŋ a wo Adigi la a kpo ekployaŋ a mbo. Okyku ŋa agi e wo ma. Adigi-odne Eyesu Ekristi akyakyeŋ sha a wo ma. Okro baŋ sha moa a kpo ekployaŋ a mbo, nga okro baŋ angyiŋ agi e hwiŋ eso.

2 MoaOkorinti 11:4

Agimi nga e gba e la e bmi ta la areyaŋ a mbo la a ba a nyum oshpa ba Eyesukyeŋ ondundum a la a ygi gimi. Eyesu he lo angyiŋ a wo a bi e nyum oshpa eshri baŋ mbo. Agimi nga e la e bmi ta la ogbga, ta la oshpa la o wo ondundum ta la Ogbgaodzi, ta la Oshpaodzadzi ba agimi e yga okro bi.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 4:13

Agi mvye é kŋe é bga okyekyeŋ ibu ba obmi ba adlidzi bi nga ibu ba oyioyi bi eshri Anwye Ahogbrẽ, nga okyku o da gi e dzu eka moarehwĩ la a bmye ayi a klu, nga okyku o da gi e hlu e gbu ohlu ba egʼba ba Ekristi.

MoaEfilibi 2:11

Nga areyaŋ a mbo á su eka ba Eyesu Ekristi angyiŋ a wo Adigi-odne lo, Okyku ohlueshko ba Ahogbrẽ Adigi.

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

MoaIbrani 13:7

E dzu moandakʼpo bimi ba ayga la a lu odlo ba Ahogbrẽ a ygi gimi. Agimi e tne aga adzadzi e ka, eka ba moa a la a dzu nga a kpu. Agimi nga e la e mbili obmi ba adlidzi moahi lo.

MoaIbrani 6:6

Nga ambla fi nga moa a sheŋ a nye! Alo o kpo o gbu ba moa a tsa mo edgu he lo a da mo a ba a bla a ghwo obiŋ nga mbo, okyku eshi o dzu eka ba moa a bla a la a gŋe Anwye ba Ahogbrẽ egŋe aki angyiŋ, nga moa a sa a ta ŋa anzi egi ayi moarehwĩ.

Eyakubu 2:18

O dzu mbo arekyeŋ á lu mi le, Aŋo o wo la esõ ba obmi ba adlidzi angyiŋ e ma, nga ame e wo la esõ ba o kpo otum angyiŋ. Otnoma me eshri ohe lo, Ame e klo boŋ o tsa me eka ba are a kpo a gbu baŋ a wo la obmi ba adlidzi nga a gbaŋ esõ ba o kpo otum. Ame é tsa gimi obmi ba adlidzi me okro ba otum ba ame e la e kpo.

1 Ebitru 3:21

Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

Eyahuda 1:20

Ambo agimi akyemeazba, agimi e zga gble nga e mbdzi egimi obmi ba adlidzi bimi ba esesla la o gre pyeŋ. Agimi e fa olu la ekʼpo ba Ogbgaodzi.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.