MoAfisu 4:4 - Ohwihwim Olehe

⁴ Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoAfisu 4:4 ပူးပေါင်းရင်းမြစ်များ

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Otum 15:11

O wo eka he mbo! Agi e bmi ba adlidzi nga agi e hwiŋ oshla okpoghwo ba Eyesu Ekristi. Eka he moa a mbo a la a hwiŋ oshla okpoghwo ba Eyesu Ekristi.

MoaOroma 11:29

E ka, Ahogbrẽ a la a nyiŋ eso baŋ o wo baŋ a klo o sla are, o mbo le o wo baŋ a klo o shri owlama o da are mbo.

1 MoaOkorinti 10:17

Okyku ba agbrotsa lo a wo akyakyeŋ, agi e wo nzenze egyagi a mbo, agi e dzu egʼba ekyekyeŋ angyiŋ, okyku eshi agi e taŋ agbrotsa akyakyeŋ angyiŋ.

1 MoaOkorinti 12:20

Évgi nzenze angyiŋ e wo ma, ambo egʼba ekyekyeŋ angyiŋ.

2 MoaOkorinti 11:4

Agimi nga e gba e la e bmi ta la areyaŋ a mbo la a ba a nyum oshpa ba Eyesukyeŋ ondundum a la a ygi gimi. Eyesu he lo angyiŋ a wo a bi e nyum oshpa eshri baŋ mbo. Agimi nga e la e bmi ta la ogbga, ta la oshpa la o wo ondundum ta la Ogbgaodzi, ta la Oshpaodzadzi ba agimi e yga okro bi.

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 2:16

Okro ba eku ba Ekristi baŋ a kpu egŋe aki angyiŋ, Ekristi a bga ofpu he lo. Okro ba egŋe aki he lo nga, a kŋe embre eha he lo a bga nga a bla mo a shri a ba okro ba Ahogbrẽ.

MoAfisu 2:18

Okro ba Ekristi angyiŋ, agi pyeŋ, moaEyahuda, pa la moaEyahuda mbo, e kpo e gbu ba agi e ba egi ayi ba Adigi okro ba Ogbgaodzi okyekyeŋ.

MoAfisu 2:22

Okro ba okŋeobga ka la ŋa, moa a mbdzi gimi a mbo pa la moahwõ pyeŋ, a da gimi e dzu odne ba Ahogbrẽ a dzu ma ozhẽ ba Ogbgaodzi baŋ.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 5:30

O ka, agi e wo évgi ba egʼba baŋ angyiŋ.

MoaOkolosi 1:5

Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.

MoaOkolosi 3:15

Opyapyaŋ ba Ekristi a la a shri a di angyiŋ ó sõ ombgu esõ bimi, okyku eshi okyku opyapyaŋ he lo angyiŋ Ahogbrẽ a bzi gimi a ba okyku o da gimi e ba e kŋe e bga egʼba ekyekyeŋ. Agimi e vye.

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

1 Etimoti 1:1

Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

Etitu 3:7

ozhẽ ba okpoghwo baŋ angyiŋ, onyuŋokpo o gre o ba agʼbaha bi ta la Ahogbrẽ. Okyku eka he nga agi e hwiŋ esõ ba gbagbu-amo ba agi e la e ka ayi ozhẽ okyku lo.

1 Ebitru 1:21

Okyku ŋa angyiŋ agimi e bmi ba adlidzi ta la Ahogbrẽ la a kso ŋa okro eku nga a shri ekekʼpo a shri a daŋ. Okyku eka he, obmi ba adlidzi bimi ta la okayiozhẽ bimi, e da mo a dzu gaŋ ibu ba Ahogbrẽ.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.