MoAfisu 4:32 - Ohwihwim Olehe

³² Ambo agimi e la e kpo e ghwo la egimi la esõ ble-ble angyiŋ. Nga agimi e la e kyu egimi abgo akpu eka ba Ahogbrẽ a mbo a kyu gimi abgo okro ba Ekristi.

MoAfisu 4:32 ပူးပေါင်းရင်းမြစ်များ

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

Amarku 11:25

E kyu areyaŋ a mbo la a ta akpu egi ayi bimi abgo okyku omba bimi e vẽ Ahogbrẽ le, okyku o daŋ a mbo a kyu gimi abgo. [

Oluka 1:78

Okyku eshi, Ahogbrẽ bi a la a ka gi ayiekŋe, nga a wo eso ble-ble. Aŋa á da ayimom ba oshla á tra gi.

Oluka 11:4

Aŋo o kyu gi abgo odlobi bi e la e kpo. Eka ba agi e la e kyu areyaŋ a mbo la a ta akpu egi ayi bi abgo. Nga o da obile la o gre gi eshri o hwiŋ gi mbo.

Oluka 17:4

O wo baŋ a ta akpu egi ayi boŋ engyi efoha a mbo olum le, ombayaŋ a mbo baŋ a ba a ghwo obiŋ okro boŋ le, o raŋ o gre boŋ o kyu ŋa agbo.

Oluka 6:35

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

Oluka 6:37

O sõ arekyeŋ ombgu mbo okyku o da Ahogbrẽ a sõ ŋo ombgu mbo. O shraŋ moahwõ mbo okyku o da Ahogbrẽ a mbo a shraŋ ŋo mbo. O kyu moahwõ abgo akpu ba moa a la a ta egi ayi boŋ, Ahogbrẽ nga á kyu ŋo abgo odlobi boŋ o kpo egi ayi baŋ.

Otum 28:2

Moare ba obiŋ hi lo moa a wo odlodzi ma a gre eshri. Ogbu o zgi esi o ba-ba nga ogbga o bʼbu. Moare ba obiŋ hi lo moa a kpaŋ ovo okyku gi, nga moa a yga gi adzadzi.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

1 MoaOkorinti 13:4

Oklo o yi oheheŋ pa la okpoghwo. Oklo o yi efpu mbo, oklo o la o lu ega mbo, nga alo o la o nyom egʼba mbo.

2 MoaOkorinti 2:10

Omba ba agimi e kyu are la a ta akpu egi ayi bimi abgo, ame a mbo e kyu ŋa abgo. Omba ba ame e la e kyu are la a ta akpu abgo, o wo ba ame e kpo eka he lo e sa e ka angyiŋ le, ame e kpo lo okyku gimi angyiŋ egi ayi ba Ekristi,

2 MoaOkorinti 2:7

Nga ekayaŋ a mbo, agimi e sa e kyu ŋa abgo nga e shĩ ŋa, okyku o da eso e tpi ŋa ayi mbo, okyku o daŋ a sheŋ a nye ozhẽ ogbu-okyekyeŋ mbo.

2 MoaOkorinti 6:6

Ozhẽ ba okyekye bi ta la oyioyi, ta la oheheŋ, ta la okpoghwo, agi e tsa moare ba agi e wo moawaghrẽ ba Ahogbrẽ okro Ogbgaodzi, ta la oklo bi ba adlidzi,

MoAfisu 5:1

Eka ba agimi e wo moanwye ba Ahogbrẽ a klo gimi, o raŋ o gre ba agimi e zga ngre nga e dzu eka baŋ a wo.

Eyakubu 5:11

Moa a dzu gble, okyku eka he agi e la e bzi mo ma moarehwĩ la a gno oraŋ. Agimi e sheŋ e gno eka ba Ayuba a ta esõ akpyli, nga agimi e yi eka ba amom-abgo a hwiŋ owlama okro ba Adigi-odne. E ka, Adigi-odne a wo are la a wo la okayiekŋe ta la oklo ma.

2 Ebitru 1:7

Nga okyku o da oklo moanáŋ o sa o ta ma la odzudzu la o raŋ Ahogbrẽ esõ. Nga okyku o da oklo o sa o ta ma la oklo moanáŋ.

1 Eyohana 1:9

Ambo o wo ba agi e lu odlobi bi egi ayi ba Ahogbrẽ le, agi e fu ŋa eha mbo, okyku eshi aŋa a la a kpo odlodzi. Aŋa nga á kyu gi abgo odlobi bi, nga á ndza ayakplobi ba agi e kpo pyeŋ á sku gi.

1 Eyohana 2:12

Ame e ta gimi anwye me akpa okyku ba moa a kyu gimi abgo okro odlobi bimi okyku eshko ba Ekristi.