MoAfisu 4:31 - Ohwihwim Olehe

³¹ Agimi e dzu la esõ la e wo ebi ta la arekyeŋ mbo, nga e dzu ta la ogroayi, ta la olom mbo. Nga e la e kʼpi ohwa la ota enzi angyangyeŋ o mbo le e la e dzĩ egimi nga mbo! Nga e la e kpo edgu ofpuyaŋ a mbo ta la egimi ku-ku nga mbo.

MoAfisu 4:31 ပူးပေါင်းရင်းမြစ်များ

Otum 21:30

Moa a som osku lo mvye ayi. Moare mvye a knye otsotse a gre a yi a vu Oblus nga moa a kom ŋa a dra a sku Anyuŋ-akulu lo. Ambla he nga moa a shki ayizhẽ ba Anyuŋ-akulu.

MoaOroma 3:14

Anyu mo a bli la odlobi a gre eshri.

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

1 MoaOkorinti 5:8

Okyku eka he, agimi e da gi e ri Apaska la agbrotsa la a wo la Eyist egbyi ma mbo. Eyist he lo angyiŋ e wo odlobi ta la ayakplo ba eshre. Ambo agimi e da gi e ri abgo la agbrotsa la a wo eyist ma mbo, alo angyiŋ a wo agbrotsa la a wo la erum mbo nga a wo la adlidzi ma.

2 MoaOkorinti 12:20

Ame e fu eso eha, o dzu mbo, omba ba ame e gbu a mi le, ame é hwiŋ gimi la edgu odzudzukyeŋ ondundum, o dzu mbo agimi a mbo é hwiŋ me la edgu odzudzukyeŋ ondundum. Ame e ka eka ba ame é ba e hwiŋ oklaodlo ta la efpu, ta la esõ-ebi, ta la okloeshri, ta la odzi, ta la onjygu, ta la onyomegʼba, ta la oslaokro.

MoaEgalasiya 5:20

o hlu okpko eshko, ta la o hlu ololo eshko. Moare a zhiŋ a dzu moafpu, moa a la a klo ambgu, nga a ta efpu, nga a kpo olom. Moa a la a gʼba emo a zga egagʼba ta la eshishki.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

MoAfisu 4:26

O wo ba esõ e tpi gimi ayi angyiŋ le, agimi e da lo e dzu ozhẽ ba agimi e kpo odlobi mbo, nga agimi e da olum o gbu gimi la alo mbo.

MoaOkolosi 3:19

Agimi arealom, e klo moashe bimi nga e tpi mo esõ ayi mbo.

MoaOkolosi 3:8

Ambo o raŋ o gre ba agimi e ngʼba e sku ayakplo he lo pyeŋ. Alo a wo olom, ta la ogroayi, ta la aga ba ofpu. Nga moa a klo ba odzi, ta la odlo ba eshre o zgi anyu bimi mbo, ku-ku.

1 Etimoti 3:11

O raŋ o gre ba eda moashe mo e wo eda edzi, nga moa a dzu moa la a kpo onjygu mbo. O raŋ o gre moa a nyuŋ eshri a zga nga a kpo adlidzi ekployaŋ a mbo.

1 Etimoti 3:3

O raŋ o gre baŋ a dzu are la a wa ami anab a kpo ayi mbo, nga a la a wo esõ khakha mbo. Ambo a dzu are la a wo la esõ ble la opyapyaŋ ba esõ ma. A dzu are la a ka ayi amgbaŋ mbo.

1 Etimoti 5:13

Nga moa a la a dzi adne a la a tpi omba mo ayi, nga ekplo ba ayiekŋe moa a la a kpo onjygu nga moa a la a lu ayakplo la a raŋ a gre ba moa a lu lo mbo.

2 Etimoti 2:23

Ambo aŋo o ngʼba o sku oklaodlo ba ototno la o wo o ba evbueshri. Okyku eshi aŋo o yi ba alo ó shri okʼpiohwa ba ototno angyiŋ ó ba.

2 Etimoti 3:3

Moa á kpo á ghwo la moare ku-ku mbo, nga moa á ka moare ayie-kŋe mbo. Moa á tpi moare ashko ayi, nga moa á kpo engre nga moa á kpo efye la eda owluayi nga moa á tla ayakplo la a wo shasha.

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

Etitu 2:3

Nga o nyuŋ moakpoatsoŋ-ashe a mbo ekakahelo. O lu o da mo a kpo ayakplo eka moashe la a kpaŋ eshri mo adzadzi okyku Ahogbrẽ. Moa a kpo onjygu nga a dzu moawaghrẽ ba ami anab mbo. Ambo o raŋ o gre ba moa a nye ekplo la e wo edzi,

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 3:14

Ambo o wo bimi e wo abi angyiŋ esõ bimi le, nga agimi e la e kpo efpu nga e klo eshri le, o raŋ o gre bimi e hre egʼba nga e sheŋ akpro eshri adlidzi he lo mbo.

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

1 Ebitru 2:1

Agimi e ngʼba e sku ayakplo pyeŋ la a wo abi. O raŋ o gre ba agimi e sheŋ akpro mbo, nga e kpo abibli mbo, nga e ta efpu mbo, nga e lu odlo la o wo odzi mbo.

1 Eyohana 3:12

O raŋ o gre ba agi e dzu eka ba Akayinu mbo, okyku eshi aŋa a wo a ba Eshitaŋ angyiŋ, nga a bga anáŋ. Okyku eshi Akayinu a bga anáŋ he lo? A bga ŋa okyku ba ayakplo baŋ a kpo a wo abi, ambo ayakplo ba anáŋ a kpo a wo adzi.

1 Eyohana 3:15

Areyaŋ a mbo la a tla anáŋ le, aŋa a wo are la a bga ebga angyiŋ. Agimi e yi ba are la a bga ebga a wo la esõ ba gbagbu ma mbo.

Otsotsa 12:10

Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.