MoAfisu 4:24 - Ohwihwim Olehe

²⁴ Agimi e sko odzudzu moarehwĩ ahe ba Ahogbrẽ a kpo mo eka baŋ, nga odzudzu ohe he lo o la o tsa eŋa pendeŋ eka ba odzudzu ba odlodzi la o wo kye nga o wo la esesla o wo.

MoAfisu 4:24 ပူးပေါင်းရင်းမြစ်များ

2 MoaOkorinti 5:17

Omba ba moa a kŋe are a bga ta la Ekristi, a zhiŋ a dzu are alahe angyiŋ. A kyu ayakplo agbyi abgo nga a vu ayakplo ahe.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoaOroma 13:14

Agimi e tslo anzho eko ba Adigi Eyesu Ekristi, nga e da ogroayi ba egʼba o ri oshye bimi mbo.

MoAfisu 6:11

Agimi e ygi anzho eko pyeŋ ba Ahogbrẽ a shri a da gimi, okyku o da gimi e kpo e gbu nga e tspi osheshye nga e tla edgu eda ebi ba obile ba Eshitaŋ.

MoaOroma 6:4

Ozhẽ ba abaptisma moa a kpo gi o dzu eka moa a ngybi gi ka la ŋa, nga ba agi e kpu ka la ŋa. O wo eka ba moa a kso Ekristi ongybi la anyuŋ ekʼpo ba Adigi, okyku o da gi a mbo e sa e hwiŋ eso elehe ozhẽ he lo.

2 MoaOkorinti 3:18

Okyku eka he nga, agi pyeŋ e la e tsa ayimom ba esesla ba Ahogbrẽ la eyayi moa a kha lo la emakyeŋ mbo. Nga ayimom ba esesla mi lo e zgi okro ba Adigi-odne la a wo Ogbgaodzi. Aŋa angyiŋ a la a zhiŋ gi a da gi e la e sko emle baŋ. Aŋa a la a da gi e ta ma ombamba pyeŋ la ayimom ba esesla he lo.

2 MoaOkorinti 4:16

Okyku okũ odlo he lo, agi e da egʼba e shki gi ami ondakyeŋ mbo ku-ku. Odzudzu bi ba egʼba o la o vrẽ, ambo ekakahelo, odzudzu bi ba eso o la o zhiŋ o dzu ohe elulum.

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

1 Ebitru 2:2

Agimi e dzu eka moanwye able ba moa a mbre mo ehehe. Omba-mba pyeŋ agimi e la e kpo ekhwo okyku orga abme ba esõ la a wo tsetsetseŋ, okyku o da gimi e wa nga e hlu nga e hwiŋ oshla,

MoaOroma 8:29

Okyku eshi moare ba Ahogbrẽ a sheŋ mo a sla, a sla mo a zga agba nga a da mo a sko emle ba Anwye baŋ, okyku o da Anwye baŋ a dzu a ba oriori eshki moanáŋ mvye.

Eyohana 17:17

Aŋo o zhiŋ mo o da mo a dzu moarehwi boŋ ozhẽ ba adlidzi, okyku eshi odlo boŋ o wo adlidzi angyiŋ.

MoaEgalasiya 6:15

O wo ba are a sheŋ ongyum o mbo le o wo baŋ a sheŋ ongyum mbo a mbo, alo o wo akplokyeŋ angyiŋ mbo. O zhiŋ o dzu arehwi alahe sha angyiŋ.

MoaEgalasiya 3:27

Areyaŋ a mbo ba moa a kpo ŋa abaptisma la okŋeobga ta la Ekristi, moa a sko edgu eda ba Ekristi angyiŋ a mo.

1 MoaOkorinti 15:53

Okyku eshi, o dzu omgbybi ba are la a wo la egʼba la é ba e kpu á ba a ygi egʼba la é ba e kpu nga mbo. Nga are la a wo a ba eku á ygi egʼba la é ba e kpu nga mbo.

MoAfisu 2:15

A bga odaŋ moaEyahuda, ta la anwye-odaŋ lo, ta la oshioshĩ la o wo ma, okyku o daŋ a mbdzi moa-embre eha he lo okyku o da mo a dzu ogu olehe okyekyeŋ, la o wo la ekpom ka la ŋa, okyku o da opyapyaŋ o ba.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

MoaIbrani 1:8

Ahogbrẽ a lu odlo eshri Anwye lo a lu mi le, Aŋo Ahogbrẽ, emgbakyiŋ oreŋ boŋ é dzu ma gbagbu-amo! Nga la adlidzi angyiŋ aŋo o la o ri ekʼpo oreŋ boŋ.

MoaOroma 7:6

Ambo ohuhuhi, odaŋ o wo ekʼpo eshri bi nga mbo, okyku eshi agi e sheŋ e kpu ibu ekplo la e da gi e dzu moaprusuna ayga. Agi e la e da odaŋ angyiŋ o dzu ozhẽ ba o lu Ahogbrẽ ma eka ba moa a ta ayga nga mbo. Ambo agi e lu Ahogbrẽ ma ozhẽ ohe ba Ogbgaodzi angyiŋ.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.