MoAfisu 4:23 - Ohwihwim Olehe

²³ E da mo a nyiŋ esõ bimi ta la aga bimi ogbukyekyeŋ okyku o da lo e dzu ahe.

MoAfisu 4:23 ပူးပေါင်းရင်းမြစ်များ

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoaOroma 6:4

Ozhẽ ba abaptisma moa a kpo gi o dzu eka moa a ngybi gi ka la ŋa, nga ba agi e kpu ka la ŋa. O wo eka ba moa a kso Ekristi ongybi la anyuŋ ekʼpo ba Adigi, okyku o da gi a mbo e sa e hwiŋ eso elehe ozhẽ he lo.

MoaOroma 8:6

O wo boŋ o shri aga boŋ o zga oklo ba egʼba sha, ó shri eku angyiŋ ó ba o shri ó kom ŋo. Ambo o wo boŋ o shri aga o zga otsotsa ba Ogbgaodzi angyiŋ le, aŋo ó hwiŋ eso, ta la opyapyaŋ.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoaOkolosi 3:10

nga agimi e sko are ahe angyiŋ e ygi egʼba bimi a mo. Ahogbrẽ la a kpo are alahe he lo angyiŋ, a la a nyiŋ ŋa ombamba pyeŋ odzudzu ba Ahogbrẽ, okyku o da gimi e yi ŋa zhezheŋ.

Etitu 3:5

aŋa a shla gi. A kpo eka he lo okyku otum odzi bi e kpo angyiŋ mbo, ambo a ka gi ayiekŋe angyiŋ, nga a shla gi okro ba Ogbgaodzi la o ba o ndza gi nga o bla gi o mbre nga o shri esõ elehe o da gi.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.