MoAfisu 4:2 - Ohwihwim Olehe

² E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoAfisu 4:2 ပူးပေါင်းရင်းမြစ်များ

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amarku 9:19

Eyesu a nyuŋ moanwyeotum baŋ a lu mi le, Agimi e bmi ba adlidzi a wo mbo! Agimi e klo me e dzu ka la gimi e nye gimi ekayaŋ ayga bimi e bmi ba adlidzi? E shri anwye lo e kom me.

Otum 20:19

La eso ble-ble, ta la oghwo-esõ ame e kpo otum me eka ba anwye-odne ba Adigi-odne. Ame e kpo ewu nzenze okyku eshi omba he lo moaEyahuda a la a fu eshri me.

MoaOroma 15:1

Agi ba obmi ba adlidzi bi o wo oshye, o raŋ o gre bi e kpo e ghwo la moa ba obmi ba adlidzi mo o wo oshye mbo. Agi e kpo e ghwo la egi sha mbo.

1 MoaOkorinti 13:7

Oklo ó khwo mbo ku-ku. Obmi ba adlidzi ba oklo ta la okayiozhẽ, ta la oheheŋ baŋ, ó khwo ku-ku mbo.

MoaEgalasiya 6:2

O raŋ o gre ba agimi e la e sko oshri bimi e ghwo egimi. Ozhẽ he lo angyiŋ agimi é ba e kpaŋ odaŋ ba Ekristi.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.