MoAfisu 4:18 - Ohwihwim Olehe

¹⁸ Esõ mo nga e wo evbu. Moa a wo la ogʼbakyeŋ ibu odzudzu ba Ahogbrẽ a la a shri a di mbo, okyku eshi moa a wo la evbu eshri, nga moa a shpi esõ a gre eshri.

MoAfisu 4:18 ပူးပေါင်းရင်းမြစ်များ

Amatiyu 13:15

Alo o wo eka he okyku ba esõ mo e sheŋ e zhĩ. Moa a sheŋ a tsom atuŋ mo, Nga a bʼbu ayi mo, O mbo e mbi, moa a ka a gbu, Nga a gno a gbu. Nga a sa a ka a bmye, Nga moa á ba a zhiŋ á ba okro me Ahogbrẽ, Ame nga é ba e shaŋ mo.

Amarku 3:5

Esõ e tpi Eyesu ayi pa la mo nzenze omba he lo, ambo ekakahelo a mbo Eyesu a ka mo ayiekŋe, okyku moa a shpi esõ e gre eshri. Eyesu nga a nyuŋ alom lo a lu mi le, O ndba obgo boŋ. A ndba lo nga a shaŋ.

Eyohana 12:40

O dzu eka ba Ahogbrẽ a bʼbu mo ayi, Nga a bʼbu mo eso, Okyku o da ayi mo a ka mbo, Nga okyku o da mo a zhiŋ a ba okro me Okyku o da me e shaŋ mo mbo.

Otum 17:30

Ahogbrẽ a dzu moare a zga omba moa a yi mbo. Ambo ohuhuhi aŋa a shĩ moare ayaŋ a mbo ma moa a zhiŋ ogbu a sku ayakplobi.

Otum 3:17

Agimi anáŋ, ame e yi ekplo bimi pa la moandakʼpo bimi e kpo Eyesu, agimi e kpo lo efĩ angyiŋ.

MoaOroma 1:28

Okyku ba moare a tla o kpaŋ odlo adlidzi ba Ahogbrẽ, aŋa a dzu mo a zga la eso eshre lo. Okyku eka he moa a la a kpo ayakplo la a raŋ ba moa a kpo lo mbo.

MoaOroma 11:25

Agimi anáŋ, adlidzi la a ghre ba ame e klo o da gimi e yi lo a wo ma. Agimi é yi lo angyiŋ le, alo á da gimi e tne aga eka bimi e yi eda e gre eshri mbo. Ekplo lo a mi hi, Oshyeshri moaEsrayila he lo o wo gbagbu angyiŋ mbo. MoaEyahuda á tla Ahogbrẽ eka he, o wo le, moa la a wo moaEyahuda mbo a zhiŋ a lu Ahogbrẽ ma ayga dne.

MoaOroma 11:7

Eshi nga? Moarehwi ba Esrayila, moa a hwiŋ ekplo ba moa a klo mbo. Moare ple ba Ahogbrẽ a sla sha, moa a hwiŋ lo. Moa la a ra nga, moa a tla o gno obzi ba Ahogbrẽ.

MoaOroma 2:19

Aŋo o sheŋ o yi, ba moa a sla ŋo okyku o doŋ o dzu atsaozhẽ okyku moavgayi, nga okyku o doŋ o dzu ayimom okyku moa la a wo evbu.

1 MoaOkorinti 1:21

Okyku eshi Ahogbrẽ la okaobmye baŋ, a da lo o kpo o gbu ba moarehwi a ka ŋa a bmye la okaobmye ba eshri mo mbo, ambo Ahogbrẽ a zga eso baŋ okyku o shla moarehwi la a bmi ba adlidzi angyiŋ, ozhẽ oshpa ba adro ba agi e la e nyum he.

1 MoaOkorinti 2:8

Are-kyeŋ eshki moa la a ri ekʼpo obiŋ hi a wo la edgu okaobmye he lo e mbi, moa a kũ Adigi-odne la a wo esesla, ekusa egŋe aki mbo.

2 MoaOkorinti 3:14

Ambo moa a shye eso a gre eshri. Nga ma-me o ta anye he, moa a la a kha eyayi la ashye oknye omba ba moa a la a tsi odaŋ ogbyi lo. Moa a ngla ashye oknye he lo omba ba are a kŋe eshri baŋ a bga ta la Ekristi sha angyiŋ.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

MoaEgalasiya 4:8

Ayga agimi e yi Ahogbrẽ mbo ku-ku. Okyku eka he agimi e dzu moawaghrẽ ba egbga la e wo moahogbrẽ angyiŋ mbo.

MoAfisu 2:1

Ayga, agimi e wo la Ogbgaodzi ma mbo, okyku o fa olbi o di mbo ta la odlobi bimi.

MoAfisu 2:12

Omba mi lo agimi e wo ogyugyuŋ ta la Ekristi. Agimi e wo moazhẽ, nga agimi e wo eshki moarehwĩ ba Ahogbrẽ a sla mbo. Agimi e wo abgo ohwihwim baŋ a hwim lo mbo. Esĩ lo angyiŋ e wo ekployaŋ a mbo baŋ a la a lu pa la moarehwĩ baŋ. Agimi e dzu obiŋ hi ta la okayiozhẽ, ta la Ahogbrẽ angyiŋ mbo!

MoaOkolosi 1:21

Ayga, agimi e dzu ogyugyuŋ ta la Ahogbrẽ, nga agimi e dzu moafpu baŋ okyku ayakplobi ba agimi e la e kpo, ta la aga abi ba agimi e la e tne.

1 MoaEtasolonika 4:5

ambo la okoklo ba egʼba eka moaevbu la a yi Ahogbrẽ mbo angyiŋ mbo.

MoaIbrani 5:2

Aŋa a mbo a sheŋ a nye ezhẽ nzenze, okyku eka he aŋa a la a kpo ble-ble pa la moare la a dzu efĩ nga a la a ta akpu.

MoaIbrani 9:7

Anyuŋ-andakʼpo olu ba Ahogbrẽ sha a wo la ekʼpo ma baŋ a gre a yi enjygu ba eshyẽ. A la a yi lo eshyẽ okyku odgo okyeŋ sha eyiyaŋ a mbo. A la a shri amanzhli pa la ŋa okyku o daŋ a shri a ndba Ahogbrẽ okyku odlobi baŋ ta la odlobi ba moarehwĩ a kpo lo efĩ.

Eyakubu 4:4

Agimi arehwĩ la e kpo adlidzi mbo! Agimi e yi mbo, ba agimi e dzu moafpu ba Ahogbrẽ angyiŋ o wo ba agimi e dzu moakyeŋazba ba obiŋ hi? Areyaŋ a mbo la a klo o dzu akyeŋazba ba obiŋ hi le, á dzu afpu ba Ahogbrẽ.

1 Ebitru 1:14

E kpaŋ odlo ba Ahogbrẽ nga e da edgu okoklo ba ayakplo ba agimi e wo la alo ma omba bimi e wo efĩ o ri ekʼpo eshri bimi mbo.

1 Eyohana 2:11

Ambo are la a tla anáŋ le, aŋa a wo evbu, nga a la a dzi odzi evbu lo. Aŋa nga a ka a yi okro baŋ a yi mbo, okyku evbu e vga ŋa ayi.