MoAfisu 4:17 - Ohwihwim Olehe

¹⁷ La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

MoAfisu 4:17 ပူးပေါင်းရင်းမြစ်များ

Oluka 16:28

Ame e wo la moanáŋ-alalom atno ma. O daŋ a yi a lu a da mo a nyuŋ a kpo-kpo okyku o da mo a ba okro ba ewu hi mbo.

Otum 14:15

Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma.

Otum 18:5

Omba ba Esila ta la Etimoti a zgi Amasidoniya a ba nga, moa a hwiŋ Oblus a la a nyum oshpa osheshye pa la moaEyahuda, nga a la a lu mi le, Eyesu angyiŋ a wo Emisiya.

Otum 2:40

Ebitru a nyum oshpa a ygi mo a khwo nga, a shĩ mo a lu mi le, Agimi e ghwo obiŋ okyku o da ewu moare á ba a kpo e tka gimi mbo!

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

MoaOroma 1:21

Moa a yi Ahogbrẽ, ambo moa a la a ka ŋa la ekekʼpo baŋ mbo. Moa a la a vye ŋa a mbo mbo. E mbi moa a vye la ŋa, ambo moa a sko aga a zga ayakplo ba ototno. Aga eso mo nga a bli la evbu sha.

1 MoaOkorinti 1:12

Ame é shri lo é zga ozhẽ hi, areyaŋ a mbo eshki bimi a la a lu ekplo baŋ a klo. Moakyeŋ ma moa a wo ba Oblus, moakyeŋ nga ma moa a wo ba Apolos, moakyeŋ nga ma moa a wo ba Ebitru, moakyeŋ nga ma moa a wo ba Ekristi.

1 MoaOkorinti 15:50

Agimi anáŋ, alo o wo eka he angyiŋ. Ekplo la e wo ozhẽ ba egʼba ta la amanzhli le, e kpo e gbu ba alo e gre Oreŋ ba Ahogbrẽ mbo, nga ekplo la e wo la egʼba la é ba e kpu, e kpo e gbu ba alo e zhiŋ e dzu la egʼba ba gbagbu-amo mbo.

2 MoaOkorinti 9:6

Agimi e tne aga e ka. Are la a fu anzho ple sha agbi baŋ le, á hwiŋ algo ple sha, ambo are la a fu anzho nzenze agbi baŋ le, á hwiŋ algo nzenze angyiŋ agbi baŋ.

MoaEgalasiya 3:17

Ame e sko lo e zga eka he lo angyiŋ. Ahogbrẽ a hwim nga o wo zhezheŋ angyiŋ baŋ á bli lo. Odaŋ la o ba ambla ba eyi endgaenyi la eyi ekʼpoetra, o kpo o gbu ba alo o bga odlo moa a hwim a klu lo nga ba alo o bga ohwihwim ba Ahogbrẽ mbo.

MoaEgalasiya 5:3

Ame e klo o shĩ ekplo he lo. Ame e sa e lu, areyaŋ a mbo la a bmi a da mo a sheŋ ŋa ongyum, o dzu omgbybi baŋ a kpaŋ odaŋ lo mvye.

MoAfisu 1:22

Ahogbrẽ a shri ekployaŋ a mbo a ghwo abgo ba Ekristi. Nga a shri ŋa a da Eklisiya. Nga aŋa angyiŋ a daŋ a dzu anyuŋ Adaŋ-odne eshri ekployaŋ a mbo.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

MoaOkolosi 2:18

Are la a wo la okoka ba edguayakplokyeŋ, nga baŋ a la a tspi gaŋ la opresõ-obiŋ ba akpro, nga a la a hlu moanwyeadga ba Ahogbrẽ eshko, edgu are he lo a la a ka eŋa la ekʼpo a gre moahwõ okyku ohe lo. Agimi e daŋ a sõ gimi ombgu mbo ku-ku. Edgu are he lo a la a nyom egʼba ba ototno, okyku edgu aga ba arehwĩ la a wo esõ baŋ.

MoaOkolosi 2:4

Okyku eka he, ame e la e lu e da gimi, e da arekyeŋ a bile gimi la oklaodlo ba akpro mbo, o wo ba alo o wo odzi egyagi a mbo, e bmi mbo.

1 MoaEtasolonika 4:6

Okyku odlo he lo o raŋ o gre ba arekyeŋ a kpo anáŋ akplokyeŋ abi o mbo le a ka a kpgo ŋa mbo ku-ku. Agi e sheŋ e lu odlo he lo ka la gimi, nga agi e shĩ gimi osheshye eka ba Adigi-odne á ba a da ewu e hwiŋ moa la a la a kpo edgu ayakplo ba akpu he lo.

1 Etimoti 5:21

Egi ayi ba Ahogbrẽ, ta la Ekristi Eyesu, pa la moanwyeadga ba esesla ba Ahogbrẽ, ame e shĩ ŋo osheshye, o kpaŋ odlo he lo, nga o kpo akplokyeŋ la ososla mbo, nga o sa osla mbo.

1 Etimoti 6:13

Egi ayi ba Ahogbrẽ la a shri esõ a da ekployaŋ a mbo, ta la egi ayi Eyesu Ekristi la a zgi egŋe adzadzi egi ayi ba Obuntu Ebilatu, ame e jygu ŋo odaŋ.

2 Etimoti 4:1

Ame e jygu ŋo odaŋ egi ayi ba Ahogbrẽ, ta la Ekristi Eyesu, aŋa la á ba a sõ moarehwĩ pyeŋ ombgu. Aŋa á sõ moa la a wo ma pa la moa la a kpu pyeŋ ombgu. Okyku oba-ba baŋ ta la Oreŋ baŋ angyiŋ ame e la e shĩ ŋo,

1 Ebitru 1:18

okyku eshi agimi e yi zhezheŋ eka ekplo ba moa a hre okyku o da gimi e hwiŋ odzudum abgo edgu odzudzu ototno ba moadigimi. Alo o wo ekplokyeŋ la e tpi ayi eka azurfa ta la ezanariya angyiŋ mbo.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.