MoAfisu 4:16 - Ohwihwim Olehe

¹⁶ La ekʼpo baŋ angyiŋ évgi ba egʼba e kŋe e bga otsotse. Évgi he lo angyiŋ e kŋe egʼba pyeŋ e bga. Okyku eka he o wo ba evgiyaŋ a mbo e la e kpo otum shasha le, egʼba lo pyeŋ e la e hlu, nga e la e mbdzi e yi ongyeŋ ozhẽ ba oklo.

MoAfisu 4:16 ပူးပေါင်းရင်းမြစ်များ

Eyohana 15:5

Ame angyiŋ e wo Esi Awandzi, nga agimi angyiŋ e wo embgu. Areyaŋ a mbo la a dzu eso me le, ame a mbo e dzu eso baŋ, á fu agbro nzenze. Adlidzi angyiŋ, agimi e kpo e gbu bimi e kpo ekplokyeŋ mbo o wo le ame e wo ka la gimi ayga dne.

MoaOroma 12:4

Egʼba bi e wo evgi ma nzenze. Otum mo a mbo o wo andandandim ekakahelo.

1 MoaOkorinti 10:17

Okyku ba agbrotsa lo a wo akyakyeŋ, agi e wo nzenze egyagi a mbo, agi e dzu egʼba ekyekyeŋ angyiŋ, okyku eshi agi e taŋ agbrotsa akyakyeŋ angyiŋ.

1 MoaOkorinti 13:13

Ambo obmi ba adlidzi ta la okayiozhẽ, ta la oklo, ayakplo atra he lo á tspi eka he lo. Ambo eshki mo, oklo o gre pyeŋ.

1 MoaOkorinti 8:1

Ohuhuhi nga algo ba moa a shri a ndba okpko. O wo adlidzi angyiŋ, eka ba moa a lu ma agi pyeŋ e wo la oyioyi lo. Edgu oyioyi he lo o da are a la a nyom egʼba ototno, ambo oklo o la o ndzi ekployaŋ a mbo.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 3:17

nga o wo bimi e bmi ba adlidzi ka la ŋa, Ekristi nga á kpo okro odzuma baŋ esõ bimi. Ame e la e fa olu okyku o da gimi e ta emgbʼbo e ghwo egʼba ba oklo, nga okyku o da oklo angyiŋ o dzu okũ bimi.

MoAfisu 3:7

Moa a da me e dzu awaghrẽ ba Oshpaodzadzi. Ahogbrẽ angyiŋ a shri edgu okpogbu he lo a shri a da me. A shri lo a shri a da me ozhẽ otum ba ekʼpo baŋ.

MoAfisu 4:12

A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

MoAfisu 4:15

O raŋ o gre ba agi e hlu eka ba Ekristi la a wo eshri a wo, nga e lu adlidzi la oklo esõ bi e sku o kpo ayakplo ba eda ebi.

MoaEfilibi 1:9

Olu me okyku gimi angyiŋ o wo ohe lo. Ame e la e fa olu okyku o da oklo bimi o ta ma-ma ombayaŋ a mbo, ta la oyioyi ba adlidzi ta la okaobmye zhezheŋ,

MoaOkolosi 2:19

Nga a la a kom Ekristi la a wo eshri angyiŋ abgo mbo. Ambo okro ba ekʼpo ba Ekristi angyiŋ moa a la a vgi egʼba lo pyeŋ nga a la a kŋe lo a pu ekpukplu lo ta la emgbʼbo lo. Nga alo e la e hlu eka ba Ahogbrẽ a klo ba alo e hlu.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

1 MoaEtasolonika 2:13

Okyku okũ-okyeŋ nganga agi e vye la Ahogbrẽ ombamba pyeŋ. Omba ba agi e shri oshpa ba Ahogbrẽ e shri e ba, agimi e gno lo nga e yga lo. Agimi e yga lo eka ba oshpa ba arehwĩ angyiŋ mbo, ambo eka ba oshpa ba Ahogbrẽ angyiŋ. Adlidzi angyiŋ alo o wo oshpa ba Ahogbrẽ. Okyku eshi Ahogbrẽ a wo agʼbaha bimi la e bmi ba adlidzi ka la ŋa, nga a la a kpo otum baŋ eshki bimi.

1 MoaEtasolonika 3:12

Adigi-odne a bmi le, a da gimi e klo egimi nga e klo moahwõ pyeŋ. Nga a da oklo o hlu o ta ma o ta-ta eka ba agi e la e klo gimi.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Eyohana 4:16

Agi ababgo bi e yi nga e bmi ta la oklo ba Ahogbrẽ a wo la alo ma okyku gi. Ahogbrẽ a wo oklo angyiŋ, nga areyaŋ a mbo la a dzu ibu oklo le, a wo esõ ba Ahogbrẽ, nga Ahogbrẽ a mbo a wo esõ baŋ.