MoAfisu 4:14 - Ohwihwim Olehe

¹⁴ Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoAfisu 4:14 ပူးပေါင်းရင်းမြစ်များ

Amatiyu 11:7

Omba ba moanwyeotum ba Eyohana a zhiŋ ogbu a yi nga, Eyesu a lu odlo ta la eshki moare eshri Eyohana. Aŋa a zhĩ mo a lu mi le, Omba bimi e gre okro Eyohana akla, agimi e gre okyku o ka eshi? Agimi e gre okyku o ka eka ba ogbga o la o hlu emgbu agzu angyiŋ le?

Amatiyu 24:11

Moare nzenze la á ba a sheŋ akpro ma Ahogbrẽ angyiŋ a hom mo otum, moa á zgi, nga moa á bile moare nzenze.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Otum 23:21

Aŋo o bmi ta la ekplokyeŋ moa á ba a lu mbo, okyku eshi moare la a gre ekʼpoenyi, moa á ba a ghre nga á dzu á bli ŋa okyku o bga ŋa. Moa a hwim osheshye a lu mi ma moa á ri mbo nga á wa mbo, o wo le moa a bga ŋa ayga dne. Moa a nyuŋ a kpo mvye. Moa a dzu a gno ekployaŋ a mbo boŋ ó ba o lu sha a mo.

1 MoaOkorinti 12:2

Agimi e yi ba omba ba agimi e wo evbu, okpko la o wo eso ma mbo angyiŋ o la o ri ekʼpo eshri bimi ayga, nga o la o so gimi ayi.

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

1 MoaOkorinti 3:19

E ka, ayakplo ba moarehwi ba obiŋ hi a sko a zga eka ayakplo la a tsa okaobmye a gre eshri, Ahogbrẽ a da lo a dzu a ba adro ototno egi ayi baŋ. Akpa ba Ahogbrẽ nga a lu mi le, Ahogbrẽ a ta amgbaŋ okyku o vu moa la a wo la okaobmye ma, ibu ba eda mo.

2 MoaOkorinti 2:17

Agi e wo eka moahwõ nzenze angyiŋ mbo. Moa a la a kpo otum ta la oshpa ba Ahogbrẽ eka ba ama egbmo la a wo ofa. Ambo okyku ba Ahogbrẽ angyiŋ a hom gi otum, agi e la e zgi egŋe baŋ la adlidzidzi egi ayi baŋ eka moawaghrẽ ba Ekristi.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

MoaEgalasiya 3:1

Agimi adro ba Egalasiya! Ayi a bile gimi? Egi ayi bimi owowre ba eku ba Eyesu Ekristi egŋe aki o wo ma zheŋ!

MoAfisu 6:11

Agimi e ygi anzho eko pyeŋ ba Ahogbrẽ a shri a da gimi, okyku o da gimi e kpo e gbu nga e tspi osheshye nga e tla edgu eda ebi ba obile ba Eshitaŋ.

1 Etimoti 3:6

O raŋ o gre baŋ a dzu are la a yga Ahogbrẽ ehehe angyiŋ mbo, o mbo le aŋa á ygi egʼba. Edgu are he lo, moa á sõ ŋa ombgu eka ba moa a sheŋ a sõ Eshitaŋ ombgu.

2 Etimoti 1:15

Aŋo o yi eka ba areyaŋ a mbo obiŋ ba Asiya a tla me a ta ambambga. Efijilu ta la Ehemojeni a mbo, moa a tla me a ta.

2 Etimoti 3:13

Ambo moarehwĩ ba odlobi pa la moarehwĩ la a la a bile moare, moa á tpi ayi á ta ma o ta-ta. Moa á bile moare, nga moare a mbo á sa á bile emo.

2 Etimoti 4:3

O ka, omba o yi ó ba, ba moare ba á bmi ta la onyenye ba adlidzi mbo, nga moa á kpo ayakplo ba esõ mo e klo sha, nga moa á pla moa la a nye moare á shki emo ombamba pyeŋ. Moare he lo a la á nye mo ayakplo moa a klo, la a raŋ mo esõ.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

Eyakubu 1:6

Ambo o raŋ o gre bimi e wo la obmi ba adlidzi ma omba bimi e la e fa olu. E fu esõ eha mbo ku-ku. Okyku eshi areyaŋ a mbo la a fu esõ eha le, a wo eka ba ondze-ami ba ogbga o mu lo anyuŋ-ondzu.

Eyakubu 3:4

Agimi e sa e tne aga eshri ba anyuŋ amgblami, a wo agagre nga ogbga la o shye o la o mu lo, ambo ela ekla la e wo tsitsi sha angyiŋ e la e zhiŋ lo. Nga amgblami he lo a la a yi ayaŋ a mbo ba are la a tpi lo a klo ba alo a yi.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

1 Eyohana 2:19

Moa edgu moarehwĩ he lo, moa a wo moarehwĩ ba ogʼba bi angyiŋ mbo. Moa a wo a ba ogʼba bi angyiŋ e mbi, moa a dzu ka la gi. Ambo moa a dzu gi a zga. Alo o tsa zhezheŋ ba akyeŋ a mbo eshki mo a wo a ba ogʼba bi mbo.

1 Eyohana 2:26

Ame e ta gimi oshpa he lo eshri moarehwĩ la a klo o bile gimi.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.

Eyahuda 1:12

Moarehwĩ he lo angyiŋ a wo moare la a shri eshre a shri a ba okro ba agimi e la e ri algo ba ekpom ma. Moa a la a wa a kpo ayi, nga moa a wo la anzi mbo ku-ku. Moa a yi eshri mo nga o khwo. Moarehwĩ he lo a wo eka ba etabro ba ogbga o hlu lo, ambo o da ogbu o ka o ba mbo. Moarehwĩ he lo a wo eka ba asĩ aki la a fu agbro mbo angyiŋ. Moa a wo eka ba asĩ aki ba moa a gʼbu lo emgbʼbo angyiŋ omba oflu, nga moa a mom pyeŋ.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.