MoAfisu 4:12 - Ohwihwim Olehe

¹² A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

MoAfisu 4:12 ပူးပေါင်းရင်းမြစ်များ

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

Otum 1:17

Eyahuda he lo, a wo akyeŋ eshki bi. Moa a sla ŋa okyku o da gi e kpo otum otsotse.

Otum 1:25

okyku o daŋ a sko otum ba onyumoshpa ba Eyahuda a dzu a zga nga a gre okro baŋ a wo ba alo.

Otum 11:23

Omba baŋ a gbu ma a ka eka ba Ahogbrẽ a shri owlama a da moare nga, a gno oraŋ a gre eshri, nga a shĩ mo ma moa a tspi gble, nga a kpo otum Adigi-odne la adlidzi, la eso mo mvye.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 9:31

Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.

MoaOroma 12:5

Nga eka ba agi e wo nzenze he a mbo, agi e wo okyekyeŋ angyiŋ eshko Ekristi, nga moa a kŋe gi mvye a bga eka ba egʼba ekyekyeŋ.

MoaOroma 12:7

O wo ba alo o wo okyku o kpo o ghwo la moahwõ angyiŋ le, o raŋ o gre bi e kpo e ghwo eka he lo. O wo ba alo o wo okyku onyenye angyiŋ le, o raŋ o gre bi e nye eka he lo.

MoaOroma 14:19

Okyku eka he agi é zga gble é kpo ayakplo la a shri opyapyaŋ a ba nga a la a shĩ gi.

MoaOroma 15:14

Agimi anáŋ, ame e yi zhezheŋ ba agimi e wo moarehwi ba odlodzi, nga bimi e yi ekployaŋ a mbo nzenze, nga ba agimi e kpo e gbu e nye egimi.

MoaOroma 15:2

Ambo o raŋ o gre ba areyaŋ a mbo a kpo a ghwo la anáŋ okyku o daŋ a dzu opyapyaŋ, nga okyku o da obmi ba adlidzi baŋ o ta ma-ma.

MoaOroma 15:29

Omba ba ame é ba e ba okyku o ka gimi, ame e yi zhezheŋ ba agimi é ba e hwiŋ owlama ba Ekristi.

1 MoaOkorinti 12:27

Okyku eka he agimi pyeŋ e wo egʼba ba Ekristi angyiŋ, nga areyaŋ a mbo a wo evgi egʼba lo angyiŋ.

1 MoaOkorinti 12:7

Moa a da areyaŋ a mbo a yi zhezheŋ ba Ogbgaodzi o wo ka la ŋa okyku o kpo o ghwo la moahwõ mvye.

1 MoaOkorinti 14:12

Eka bimi e wo la ekhwo okyku okpogbu ba Ogbgaodzi he, o raŋ o gre bimi e zga gble ta la okpogbu ba moa la a tspi okyku ombdzi Eklisiya.

1 MoaOkorinti 14:14

Okyku eshi o wo ba ame e fa olu eka he le, eso me e fa olu zhezheŋ, ambo olu o wo la aga me angyiŋ mbo.

1 MoaOkorinti 14:26

Agimi anáŋ, odlo ba ame e lu hi o wo ozhẽyaŋ? Omba bimi e shki okyku o hlu Ahogbrẽ eshko le, arekyeŋ a ba a dzu okyku o fu abmo, nga ahwõ a ba a dzu okyku onyenye, nga ahwõ a ba a dzu okyku o nyum oshpa la elom moazhẽ, nga ahwõ a ba a dzu okyku otsotsa ba Ahgobrẽ, nga ahwõ a ba a dzu okyku o zhiŋ oshpa he lo. O raŋ o gre ba ekployaŋ a mbo e dzu okyku o kpo o ghwo la Eklisiya.

2 MoaOkorinti 12:19

O dzu mbo ba alo o wo he agimi e la e tne aga eka ba agi e klo o shki eshri bi o ta angyiŋ egi ayi bimi. O mbo! Agi e lu odlo lo eka ba Ekristi a klo bi e lu lo angyiŋ. Agi e lu lo egi ayi ba Ahogbrẽ, nga ekployaŋ a mbo ba agi e kpo agi e kpo lo okyku o kpo o ghwo la gimi angyiŋ.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

2 MoaOkorinti 13:9

Agi e wo la ovye ma omba bi e sheŋ e nye, ambo agimi e wo oshye. Okyku eka he agi a mbo e la e fa olu okyku o da gimi e bli.

2 MoaOkorinti 3:8

ekekʼpo ba otum ba Ogbgaodzi a mbo o gre eka he a mbo nzenze!

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

2 MoaOkorinti 5:18

Ayakplo he lo pyeŋ, Ahogbrẽ angyiŋ a kpo lo. Okro Ekristi aŋa a zhiŋ gi la e wo moafpu ŋa a da gi e dzu moakyeŋazba. Nga a da gi otum bi e zhiŋ moahwõ e da mo a dzu moakyeŋazba a mbo ko-ko.

2 MoaOkorinti 6:3

Agi e klo ba arekyeŋ a klo odlo ka la gi otum bi mbo. Okyku eka he, agi e la e klo odlo pa la moare mbo.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoAfisu 1:23

Eklisiya e wo egʼba ba Ekristi angyiŋ. E wo obiobli baŋ, nga aŋa angyiŋ a bli ekployaŋ a mbo okroyaŋ a mbo.

MoAfisu 4:16

La ekʼpo baŋ angyiŋ évgi ba egʼba e kŋe e bga otsotse. Évgi he lo angyiŋ e kŋe egʼba pyeŋ e bga. Okyku eka he o wo ba evgiyaŋ a mbo e la e kpo otum shasha le, egʼba lo pyeŋ e la e hlu, nga e la e mbdzi e yi ongyeŋ ozhẽ ba oklo.

MoAfisu 4:29

Agimi e la e kpo otum ta la odlo la o vu olo omba bimi e kpla egba mbo. E kpo otum ta la odlo la o kpo o ghwo sha. E kpo otum ta la edgu odlo la o mbdzi angyiŋ nga e shri ekplo la e gbaŋ e shri e ba, okyku o da moa la a gno odlo boŋ a hwiŋ owlama eshri odlo lo.

MoAfisu 4:4

Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

MoaOkolosi 1:28

Okyku eka he agi e la e nyum oshpa ba Ekristi e ygi moare pyeŋ. Agi e la e shĩ nga e nye areyaŋ a mbo la edgu okaobmye mvye ba agi e wo la alo ma, okyku o shri areyaŋ a mbo a ba egi ayi ba Ahogbrẽ, eka ba are la a bmye ayi a klu okro ba okŋeobga ta la Ekristi.

MoaOkolosi 4:17

Nga ame e klo ba agimi e lu e da Akibu e lu mi le, Aŋo o gre esõ o ghre okyku o bli otum ba Adigi-odne ba moa a shri a doŋ mbo.

1 Etimoti 1:12

Ame e vye Ekristi Eyesu Adigi-odne la a shri oshye a da me okyku o kpo otum he lo. Ame e vye la ŋa e gre eshri okyku baŋ a sko me a zga eka ba ame e tse ma, nga a sla me okyku o da me e kpo otum baŋ.

2 Etimoti 4:11

Ohuhuhi, Oluka sha a wo pa la me ahe. Aŋo o da Amarku a ba otsotse ka la ŋo, okyku eshi aŋa a mbo á kpo á gbu baŋ á kpo á ghwo la me otum he lo.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

MoaIbrani 13:17

O raŋ o gre ba agimi e ka moandakʼpo la olbi nga e kpaŋ odlo mo. Moa a la a kpaŋ esõ bimi a la a dzu a dum mbo, okyku eshi o dzu mo omgbybi ba moa á ba a shri etsko otum mo á ba a shri á da Ahogbrẽ. O wo ba agimi e la e fa olbi e da mo le, moa á kpo otum mo la esõ ekyle. O wo eka he mbo le, moa á kpo lo la esõ ebili. Nga alo ó kpo ó ghwo la gimi mbo.

MoaIbrani 6:1

Agimi e da gi e zga ayi e yi egi ayi ta la onyenye la o wo okyku moare la a bmye ayi a klu, nga e dzu edgu onyenye ba odlo ba Ekristi ba moa a zga esĩ ta la alo e zga. O raŋ o gre ba agi e bla e zga esĩ la onyenye la o nyom gi okyku o kpo otum ba ototno mbo, nga okyku o da gi e bmi ba adlidzi ta la Ahogbrẽ,