MoAfisu 4:11 - Ohwihwim Olehe

¹¹ Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

MoAfisu 4:11 ပူးပေါင်းရင်းမြစ်များ

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Otum 13:1

Eklisiya osku ba Antakiya, moarehwi ba Ahogbrẽ a hom otum, pa la moa la a nye moare odlo Ahogbrẽ a wo ma. Moahi lo a ri Abarnaba, ta la Esimiyo ba moa a bzi ŋa Ahwĩ, ta la Olusu ba Esirini, ta la Amaniyi anwye-odne ba ogomna Ehirudu, ta la Eshawlu.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 21:8

Agi e kso ahe lo nga onda oha agi e gbu Esizariya. Agi e gre odne ba alom la a nyum oshpa, moa a bzi ŋa Efilibu. Agi e tum odne baŋ angyiŋ. Aŋa a wo eshki moarehwi afoha moa a sla Orushalima.

MoaOroma 12:7

O wo ba alo o wo okyku o kpo o ghwo la moahwõ angyiŋ le, o raŋ o gre bi e kpo e ghwo eka he lo. O wo ba alo o wo okyku onyenye angyiŋ le, o raŋ o gre bi e nye eka he lo.

1 MoaOkorinti 12:4

Okpogbu ba Ogbgaodzi o wo adandandim, ambo Ogbgaodzi okyekyeŋ o shri lo o di.

MoAfisu 2:20

Agimi a mbo, moa a mbdzi gimi okũ ba moare la a nyum oshpa, pa la moarehwĩ ba Ahogbrẽ a hom mo otum, a mbdzi. Eyesu eshrishri eŋa angyiŋ a wo ezhim ba emvygi lo.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

MoAfisu 4:8

Odlo ba Ahogbrẽ o lu mi le, Omba baŋ a vre a gre Ongyeŋ okpyemgbyeŋ, Aŋa a shri moa-oprusuna nzenze, Nga a shri okpogbu a shri a da moarehwĩ.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

MoaIbrani 5:12

Omba o wo la gimi nzenze okyku o da gimi e dzu moa la a nye, ambo o raŋ o gre ba agimi e hwiŋ arekyeŋ la á zga esĩ á nye gimi odlo ba Ahogbrẽ. Agimi e la e wa abmo-andu sha okyku eshi agimi e kpo e gbu ba gimi e ri algo la a shye mbo.

Eyahuda 1:17

Ambo agimi akyemeazba e ka! Agimi e dzu ayakplo ba moarehwĩ la a nyum oshpa ba Adigi-odne Eyesu Ekristi a lu a da gimi ayga.

Otsotsa 18:20

Ekployaŋ a mbo la e wo Ongyeŋ, e kpo ovye okyku ba moa a jygi osku he lo! Agimi arehwĩ ba Ahogbrẽ pa la moa la a nyum oshpa, pa la moarehwĩ ba Ahogbrẽ a hom mo otum, e kpo ovye! Okyku eshi Ahogbrẽ a sõ ashe lo ombgu okyku ayakplo ba osku he lo o kpo gimi!

Otsotsa 21:14

Moa mbdzi ogli ba osku he lo eshri ézhim otsko. Eshri ézhim he lo moa a ta ashko otsko ba moare otsko la a nyum oshpa ba Anwye Ekylu.