MoAfisu 4:10 - Ohwihwim Olehe

¹⁰ Okyku eka he aŋa la a ba obiŋ hi lo angyiŋ, a bla a gre ongyeŋ la o gyuŋ o gre Ongyeŋ mvye okyku o daŋ a bli okroyaŋ a mbo la odzudzu baŋ.

MoAfisu 4:10 ပူးပေါင်းရင်းမြစ်များ

Amatiyu 24:34

Agimi e tne aga e ka! Ayakplo he lo, á kpo pyeŋ ayga, moare la a wo ma ohuhuhi á ba a kpu.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Eyohana 1:16

Ibu okpoghwo baŋ la o sheŋ o nye mbo, a shri owlama a da gi mvye. Ombamba pyeŋ nga a la a shri owlama a ta gi ma-ma.

Eyohana 19:24

Moanwyeakyuŋ lo a nyuŋ emo a lu mi le, Agi e dle lo mbo, ambo agi e fye emvye eshri lo okyku o da gi e ka are la á ba a ri lo. Ohe lo o kpo okyku o bli ekplo ba Odlo Ahogbrẽ o lu. O lu mi le, Moa á gʼba anzho me ta la emo. Moa á fye emvye okyku anyuŋ ariga me. Moanwyeakyuŋ a kpo eka he lo.

Eyohana 19:28

Eyesu a yi ba omba he lo ekployaŋ a mbo e sheŋ e bli bgu. Okyku o da ekplo ba Odlo Ahogbrẽ o lu e bli, a lu mi le, Oŋo o kpo me.

Eyohana 19:36

Ohe lo o kpo okyku o bli ekplo ba Odlo Ahogbrẽ o lu. O lu mi le, Moa á buŋ akʼpu baŋ akyeŋ a mbo mbo.

Otum 1:11

Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

Otum 1:9

Ambla baŋ a lu eka he a khwo nga, moa a sko ŋa a gre Ongyeŋ. Moa la a nyum oshpa a la a ka ŋa dzo omba baŋ a yi, ambo moa a dzu nga moa a ka etabro e ba e shki ŋa.

Otum 2:33

Moa a kso ŋa a daŋ a yi a dzu obgori ba Ahogbrẽ, nga a yga Ogbgaodzi okro baŋ eka ba Adaŋ a sheŋ a hwim. Ekplo bimi e ka nga e gno ohuhuhi, Ogbgaodzi angyiŋ o shri o da gi.

Otum 3:18

Ogbyigbyi, moarehwi ba Ahogbrẽ a hom otum a lu mi ma Emisiya á kpo ewu. Ahogbrẽ nga a bli odlo lo.

2 MoaOkorinti 12:2

Ame e yi arekyeŋ ba Ekristi, ba moa a sko ŋa a gre Ongyeŋ okpyemgbyeŋ. Ohi lo o kpo eyi ekʼpoenyi la e bre e gre. Ame e yi ba alo o kpo eka he adlidzi mbo, o dzu mbo aŋa a ka okoka angyiŋ, ambo Ahogbrẽ sha angyiŋ a yi.

MoAfisu 3:19

E, o kpo o gbu ba agimi e yi oklo baŋ, ambo alo o gre eshri ba agimi e yi lo e fu ma, o mbo le e ka lo e bmye. Amom-abgo ekpyemgbyeŋ nga moa a bli gimi mvye la obiobli ba Ahogbrẽ la o bli.

MoaOkolosi 1:19

Anwye lo eshrishri eŋa a hwiŋ edgu odzudzu ba Ahogbrẽ zhezheŋ okoklo ba Ahogbrẽ angyiŋ.

MoaOkolosi 2:9

Okyku eshi okro ba Ekristi, okro odzudzu baŋ ba arehwĩ, odzudzu ba Ahogbrẽ nga o wo ma esõ baŋ.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

MoaIbrani 4:14

O raŋ o gre ba agi e kom obmi ba adlidzi ba agi e la e tspi okyku lo osheshye. Okyku eshi agi e wo la anyuŋ-andakʼpo olu ba Ahogbrẽ la a gre egi ayi ba Ahogbrẽ a ka. Aŋa angyiŋ a wo Eyesu Anwye ba Ahogbrẽ.

MoaIbrani 7:26

Okyku eshi, Eyesu angyiŋ a wo andakʼpo olu ba Ahogbrẽ la a la a shri ayakplo bi e wo la alo ma mbo a la a shri a da gi! A wo la esesla nga a wo la akpu ta la odlobi ma mbo ku-ku. Moa a shri ŋa a zga ondundum shrle pa la moarehwĩ la a la a kpo odlobi. Nga moa si ŋa a gre ongyeŋ ekpyembyeŋ.

MoaIbrani 8:1

Okũ odlo ba agi e la e lu o lu mi le, Agi e wo la anyuŋ-andakʼpo olu ba Ahogbrẽ la a wo edgu ahe lo. A la a dzu obgori ba emgbakyiŋ Ahogbrẽ be Esesla Ongyeŋ.