MoAfisu 4:1 - Ohwihwim Olehe

¹ Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 4:1 ပူးပေါင်းရင်းမြစ်များ

Otum 9:31

Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.

MoaOroma 11:29

E ka, Ahogbrẽ a la a nyiŋ eso baŋ o wo baŋ a klo o sla are, o mbo le o wo baŋ a klo o shri owlama o da are mbo.

MoaOroma 12:1

Agimi anáŋ, okyku okayiekŋe ba Ahogbrẽ baŋ a wo la alo ma nzenze okyku gi angyiŋ, ame e shĩ gimi, agimi e shri eshri bimi e ndba okyku otum ba Ahogbrẽ, nga e shri eso bimi e zga otum baŋ, nga e kpo otum baŋ a gno oraŋ ka la gimi. Ohe lo angyiŋ o wo otum odzadzi la o raŋ o gre bimi e kpo.

1 MoaOkorinti 4:16

Okyku eka he, ame e vẽ gimi, agimi e la e kpo ayakplo eka ba ame e la e kpo.

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 5:20

Ohuhuhi agi e la e lu odlo okyku Ekristi. O wo eka ba Ahogbrẽ ababgo baŋ angyiŋ a la a vẽ gimi ozhẽ bi. Okyku Ekristi agi e vẽ gimi okyku o da Ahogbrẽ a zhiŋ gimi la e wo moafpu ŋa a da gimi e dzu moakyeŋazba!

2 MoaOkorinti 6:1

Agimi e sheŋ e hwiŋ okpoghwo ba Ahogbrẽ. Okyku eka he ibu otum bi ta la Ahogbrẽ, agi e la e vẽ gimi okyku o da gimi e da okpoghwo he lo o tpi ayi ototno mbo.

MoaEgalasiya 4:12

Agimi anáŋ, ame e vẽ gimi okyku o da gimi e dzu eka me. E ka, ame e wo eka bimi angyiŋ. Agimi e ta akpu egi ayi me mbo.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 3:1

Okyku okũ he lo, ame Oblus la e wo oprusuna ba Ekristi Eyesu okyku gimi la e wo moaEyahuda mbo, ame e la e vẽ Ahogbrẽ.

MoAfisu 4:17

La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

MoAfisu 4:4

Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoAfisu 5:2

Agimi e da oklo angyiŋ o ri ekʼpo eshri bimi, eka ba Ekristi a klo gi nga a shri esõ a shri a da gi eka ba oshriondba la o shka efpi edzadzi la o raŋ Ahogbrẽ esõ.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaEfilibi 3:14

Okyku eka he ame e la e knye tsoŋ e yi ibu ba ori egbre, okyku o da me e ri egbre he lo. Alo angyiŋ o wo obzi ba Ahogbrẽ a bzi ibu ba Ekristi Eyesu okyku odzudzu la o wo ongyeŋ.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

MoaOkolosi 2:6

Agimi e sheŋ e yga Ekristi Eyesu eka Adigi-odne, okyku eka he, agimi e dzi odzi okro okŋeobga ba Eyesu.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

2 MoaEtasolonika 1:11

Okyku eka he angyiŋ agi e fa olu ombamba pyeŋ okyku gimi. Agi e vẽ Ahogbrẽ okyku o daŋ a nyuŋ gimi a kpo nga a da gimi e tse ma okyku odzudzu baŋ a bzi gimi okyku lo. Aŋa la ekʼpo baŋ, o wo baŋ a bmi le, aŋa a bli ekhwo bimi okyku odzudzu la o wo odzi, nga a bli gimi okro ba otum bimi ba obmi ba adlidzi he lo.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

Etitu 2:10

Nga moa a wla abgo mbo. Ambo o raŋ o gre ba moa a tsa moadimo-odne ba moa a wo la eda edzi nga a wo la adlidzi, okyku o da moare a ka odlodzi ibu onyenye ba Ahogbrẽ Areoshla bi okro otumyaŋ a mbo ba moa a la a kpo.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

MoaIbrani 3:1

Agimi anáŋ la e lu Ekristi ma nga ba Ahogbrẽ angyiŋ a bzi gimi! Agimi e tne aga ogyugyuŋ eshri ba Eyesu, aŋa angyiŋ Ahogbrẽ a hom ŋa otum okyku o daŋ a dzu anyuŋ-andakʼpo olu ba Ahogbrẽ, okyku obmi ba adlidzi ba agi e tspi okyku lo.

1 Ebitru 2:11

Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Eyohana 1:5

Okyku eka he ame e vẽ ŋo Ashe ba moa a sla, agimi e da gi e klo egi. Ambo ame e ta gimi odaŋ ohe angyiŋ mbo. Odaŋ he lo agi e wo la alo ma okũ oriori angyiŋ a mo.