MoAfisu 3:9 - Ohwihwim Olehe

⁹ Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

MoAfisu 3:9 ပူးပေါင်းရင်းမြစ်များ

Amatiyu 10:27

Nga ayakplo ba ame e la e lu e da gimi agʼbaha me ka la gimi sha, e bla lo e lu egi ayi moare mvye. Nga ayakplo bimi e gno emvygi, agimi e su lo.

Amatiyu 13:35

Aŋa a kpo eka he okyku o da ekplo ba arehwĩ ba Ahogbrẽ a hom otum a lu e bli. A lu mi le, Ame é kpo otum ta la egŋe omba ba ame é ba e lu odlo pa la mo. Ame é lu ekployaŋ a mbo ba moa a yi lo ondakyeŋ mbo é da mo.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Eyohana 10:30

Ada pa la me, agi e wo okyekyeŋ.

Eyohana 5:17

Eyesu nga a nyuŋ mo a lu mi le, Adugu a kpo otum ma-me o ta anye, okyku eka he o dzu omgbybi ba ame a mbo e kpo otum.

Eyohana 5:19

Eyesu a tno mo ma a lu mi le, Ame e lu adlidzi e da gimi, Anwye a kpo ekplokyeŋ la eshrishri eŋa mbo, o wo le ekplo baŋ a ka ba Adaŋ a la a kpo.

Otum 15:18

Ahogbrẽ a su ohe lo ogbyigbyi a mo.

MoaOroma 11:25

Agimi anáŋ, adlidzi la a ghre ba ame e klo o da gimi e yi lo a wo ma. Agimi é yi lo angyiŋ le, alo á da gimi e tne aga eka bimi e yi eda e gre eshri mbo. Ekplo lo a mi hi, Oshyeshri moaEsrayila he lo o wo gbagbu angyiŋ mbo. MoaEyahuda á tla Ahogbrẽ eka he, o wo le, moa la a wo moaEyahuda mbo a zhiŋ a lu Ahogbrẽ ma ayga dne.

1 MoaOkorinti 2:7

Okaobmye ba ame e kpo otum ta la lo hi, o wo eshyẽ ba okaobmye ba Ahogbrẽ angyiŋ. Moa a ghre moarehwi la edgu okaobmye he lo. Ahogbrẽ a sheŋ a sla lo okyku o da gi e hwiŋ ekekʼpo. Aŋa a kpo ohe lo ayga moa a kpo obiŋ hi.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 3:2

Agimi e sheŋ e gno ba Ahogbrẽ ozhẽ ba okpoghwo baŋ angyiŋ, a shri otum he a shri a da me okyku o da gimi e hwiŋ owlama.

MoAfisu 6:19

Nga e fa olu a mbo okyku me okyku o da Ahogbrẽ a tsa me, okyku omba ba ame e nyum oshpa baŋ la osheshye nga okyku o da moare a yi eshyẽ ba Oshpaodzadzi baŋ omba ba ame e klo o lu odlo.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

MoaOkolosi 1:26

Alo angyiŋ o wo ayakplo baŋ a ghre moarehwĩ pyeŋ alo ba ogbyigbyi. Ambo a hwile lo okyku moarehwĩ baŋ ohuhuhi.

MoaOkolosi 3:3

Okyku eshi agimi e sheŋ e kpu, nga esõ bimi e yi e ghre ta la Ekristi okro ba Ahogbrẽ.

MoaOkolosi 4:3

Nga e fa olu okyku gi a mbo, okyku o da Ahogbrẽ a hwile gi ozhẽ la o wo odzi, okyku o da gi e nyum oshpa ba odlo baŋ, nga e lu eshyẽ ba Ekristi. Okyku ohe lo angyiŋ ame e lom aku ohuhuhi.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 4:11

Aŋo Adigi-odne, ta la Ahogbrẽ bi! Aŋo o tse ma Boŋ o yga esesla, ohlueshko, ta la ekʼpo, Okyku eshi aŋo angyiŋ o kpo ekployaŋ a mbo, Nga moa a hwiŋ odzudzu ta la esõ okyku okoklo boŋ angyiŋ.