MoAfisu 3:7 - Ohwihwim Olehe

⁷ Moa a da me e dzu awaghrẽ ba Oshpaodzadzi. Ahogbrẽ angyiŋ a shri edgu okpogbu he lo a shri a da me. A shri lo a shri a da me ozhẽ otum ba ekʼpo baŋ.

MoAfisu 3:7 ပူးပေါင်းရင်းမြစ်များ

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

MoaOroma 12:3

Okyku ototno ba okayiekŋe ba Ahogbrẽ a shri a da me, ame e lu e da gimi mvye, agimi e sko egimi e zga la ekʼpo e gre eshri mbo, ambo agimi e nyuŋ e kpo-kpo eka bimi e tne aga. Areyaŋ a mbo nga a sa a kpo otum ta la obmi ba adlidzi ba Ahogbrẽ a shri a daŋ.

MoaOroma 15:16

nga a da me e dzu awaghrẽ ba Ekristi Eyesu, okyku o da me e nyum oshpa e ygi moa la a wo moaEyahuda mbo. Ame e kpo eka ba andakʼpo olu ba Ahogbrẽ, omba ba ame e la e nyum Oshpaodzadzi la o zgi okro ba Ahogbrẽ o ba, okyku o zhiŋ moa la a wo moaEyahuda mbo, o da mo a dzu oshriondba ba Ahogbrẽ a gno oraŋ ta la lo, nga ba Ogbgaodzi o gʼba lo o zga okyku Ahogbrẽ.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

1 MoaOkorinti 3:5

Ayi angyiŋ a wo Apolos? Nga ayi angyiŋ a wo Oblus? Agi e wo moawaghrẽ ba Ahogbrẽ sha. Okro bi angyiŋ agimi e bmi ba adlidzi. Areyaŋ a mbo eshki bi a la a kpo otum ba Adigi-odne a shri a daŋ.

2 MoaOkorinti 3:6

Aŋa a kpo gi nga a shri oshye a da gi okyku o da gi e kpaŋ ohwihwim olehe he lo. Alo o wo odaŋ moa a ta lo akpa angyiŋ mbo, ambo o wo Ogbgaodzi. Odaŋ moa a ta lo he lo o la o shri eku angyiŋ o shri o ba, ambo Ogbgaodzi o la o shri eso angyiŋ o shri o di.

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

MoaEgalasiya 2:8

Okyku eshi, la ekʼpo ba Ahogbrẽ angyiŋ moa a sla me okyku o da me e nyum oshpa e ygi moa la a wo moaEyahuda mbo, eka moa a sla Ebitru okyku o daŋ a nyum oshpa a ygi moaEyahuda.

MoAfisu 1:19

nga okyku o da gimi e yi ba ekʼpo baŋ la e gre eshri angyiŋ e la e kpo otum ka gi la e bmi ba adlidzi ka la ŋa. Ekʼpo la e wo ka la gi hi, e wo eka oshye ogagre angyiŋ.

MoAfisu 3:2

Agimi e sheŋ e gno ba Ahogbrẽ ozhẽ ba okpoghwo baŋ angyiŋ, a shri otum he a shri a da me okyku o da gimi e hwiŋ owlama.

MoAfisu 3:20

Ahogbrẽ a kpo a gbu baŋ a kpo ekplo la e bre e gre ayakplo pyeŋ bi e vẽ ŋa okyku lo nga ba agimi e la e tne aga eshri lo, ibu ba ekʼpo la e la e kpo otum ka la gi.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoAfisu 4:16

La ekʼpo baŋ angyiŋ évgi ba egʼba e kŋe e bga otsotse. Évgi he lo angyiŋ e kŋe egʼba pyeŋ e bga. Okyku eka he o wo ba evgiyaŋ a mbo e la e kpo otum shasha le, egʼba lo pyeŋ e la e hlu, nga e la e mbdzi e yi ongyeŋ ozhẽ ba oklo.

MoaOkolosi 1:29

Okyku o kpo otum he lo, ame e la e kpo otum ngre nga e kpo ewu. Ame e la e kpo otum la anyuŋ oshye ba Ekristi a shri a da me. Oshye lo angyiŋ o la o kpo otum egʼba me.

1 MoaEtasolonika 2:13

Okyku okũ-okyeŋ nganga agi e vye la Ahogbrẽ ombamba pyeŋ. Omba ba agi e shri oshpa ba Ahogbrẽ e shri e ba, agimi e gno lo nga e yga lo. Agimi e yga lo eka ba oshpa ba arehwĩ angyiŋ mbo, ambo eka ba oshpa ba Ahogbrẽ angyiŋ. Adlidzi angyiŋ alo o wo oshpa ba Ahogbrẽ. Okyku eshi Ahogbrẽ a wo agʼbaha bimi la e bmi ba adlidzi ka la ŋa, nga a la a kpo otum baŋ eshki bimi.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.