MoAfisu 3:5 - Ohwihwim Olehe

⁵ Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

MoAfisu 3:5 ပူးပေါင်းရင်းမြစ်များ

Amatiyu 13:17

Agimi e ka! Moare nzenze ba Ahogbrẽ a hom mo otum, pa la moarehwĩ ba Ahogbrẽ nzenze, moa a klo o ka edgu aya-kplo bimi e la e ka, nga o gno edgu odlo bimi e la e gno, ambo moa a hwiŋ ozhẽ mbo.

Amatiyu 20:7

Moa a tno ma a lu mi le, Agi e tpi omba ayi okyku ba arekyeŋ a shri otum a da gi mbo. Areagbi a nyuŋ mo a lu mi le, O wo eka he bgu le, agimi a mbo e yi e kpo otum agbi me.

Amatiyu 23:34

Okyku eka he ame e lu e da gimi, ame e da moarehwĩ ba Ahogbrẽ a hom mo otum, pa la moare la a wo la okaobmye ma, pa la moa la a nye a ba, agimi nga é bga moakyeŋ eshki mo, nga é kũ moabze ekusa egŋe aki, nga agimi é taŋ moa-kyeŋ andzu anwyeakulu bimi, nga agimi é dzi esku é la é klo mo.

Oluka 10:24

Ame e lu e da gimi, moarehwi nzenze ba Ahogbrẽ a hom mo otum, pa la moareŋ, moa a klo o ka edgu ayakplo bimi e la e ka he, ambo moa a hwiŋ ozhẽ mbo. Nga moa a klo o gno edgu ayakplo bimi e la e gno, ambo moa a gno mbo.

Oluka 11:49

Okyku eka he, Okaobmye ba Ahogbrẽ o lu mi le, Ame e da moarehwi ba Ahogbrẽ a hom otum á ba, pa la moanwyeadga baŋ. Moare á bga moakyeŋ eshki mo, nga moa á kpo moakyeŋ ewu.

Eyohana 14:26

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

Eyohana 16:13

Ambo omba ba Ogbgaodzi ba adlidzi o ba le, ó tsa gimi adlidzi ba ekplo-yaŋ a mbo. Á lu odlo eshrishri eŋa angyiŋ mbo, ambo á lu ekplo baŋ a gno angyiŋ á ba a da gimi. Á lu odlo eshri ayakplo la á ba a kpo.

Otum 10:28

A nyuŋ mo a lu mi le, Agimi e sheŋ e yi ba arehwĩ ba Eyahuda, ba ozhẽ baŋ a sõ o nyom ŋa okyku o daŋ a kaŋ a bga pa la moa la a wo moaEyahuda mbo. Ambo Ahogbrẽ a tsa me a lu mi ma ame e shrlu arekyeŋ mbo.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

1 MoaOkorinti 2:10

Ambo Ahogbrẽ a hwile eshyẽ baŋ a da gi angyiŋ e ka. A kpo ohe lo ozhẽ ba Ogbgaodzi baŋ. Ogbgaodzi angyiŋ o la o mbga ekployaŋ a mbo o ka. O la o mbga okoklo ba Ahogbrẽ la o wo ogyugyuŋ a mbo.

MoAfisu 2:20

Agimi a mbo, moa a mbdzi gimi okũ ba moare la a nyum oshpa, pa la moarehwĩ ba Ahogbrẽ a hom mo otum, a mbdzi. Eyesu eshrishri eŋa angyiŋ a wo ezhim ba emvygi lo.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

2 Ebitru 3:2

Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

Eyahuda 1:17

Ambo agimi akyemeazba e ka! Agimi e dzu ayakplo ba moarehwĩ la a nyum oshpa ba Adigi-odne Eyesu Ekristi a lu a da gimi ayga.