MoAfisu 3:20 - Ohwihwim Olehe

²⁰ Ahogbrẽ a kpo a gbu baŋ a kpo ekplo la e bre e gre ayakplo pyeŋ bi e vẽ ŋa okyku lo nga ba agimi e la e tne aga eshri lo, ibu ba ekʼpo la e la e kpo otum ka la gi.

MoAfisu 3:20 ပူးပေါင်းရင်းမြစ်များ

Amatiyu 3:9

Agimi e ka eka bimi e wo la ombgukyeŋ ma mbo, okyku bimi e wo moanwye ba Ebrahim angyiŋ mbo. Ame e lu e da gimi, Ahogbrẽ a kpo a gbu baŋ a zhiŋ ézhim la e shki hi, a da mo a dzu moanwye ba Ebrahim!

Eyohana 10:10

Asi a la a ba okyku o si osi, nga okyku o bga nga okyku o jygi lo. Ambo ame e ba okyku o da mo a hwiŋ eso, nga e hwiŋ fkatka.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

MoaOroma 4:21

Okyku eshi aŋa a yi zhezheŋ ba Ahogbrẽ á ba a kpo ekplo baŋ a hwim.

1 MoaOkorinti 2:9

Ambo eka ba Akpa ba Ahogbrẽ a lu mi le, Ekplo ba arekyeŋ a ka, o mbo le a gno a ka ku-ku mbo, Ekplo ba arekyeŋ a tne aga a fu ma ba alo é kpo mbo, Ahogbrẽ a nyiŋ ohe lo angyiŋ a kpo lo okyku moa la a la a klo ŋa.

2 MoaOkorinti 9:8

Ahogbrẽ a kpo a gbu baŋ a shri ayakplo nzenze a shri a da gimi okyku o da gimi e gbaŋ la emakyeŋ mbo. A kpo a gbu baŋ a shri ayakplo nzenze a shri a da gimi okyku otumyaŋ a mbo la o wo odzi.

MoAfisu 1:19

nga okyku o da gimi e yi ba ekʼpo baŋ la e gre eshri angyiŋ e la e kpo otum ka gi la e bmi ba adlidzi ka la ŋa. Ekʼpo la e wo ka la gi hi, e wo eka oshye ogagre angyiŋ.

MoAfisu 3:7

Moa a da me e dzu awaghrẽ ba Oshpaodzadzi. Ahogbrẽ angyiŋ a shri edgu okpogbu he lo a shri a da me. A shri lo a shri a da me ozhẽ otum ba ekʼpo baŋ.

MoaOkolosi 1:29

Okyku o kpo otum he lo, ame e la e kpo otum ngre nga e kpo ewu. Ame e la e kpo otum la anyuŋ oshye ba Ekristi a shri a da me. Oshye lo angyiŋ o la o kpo otum egʼba me.

1 Etimoti 1:14

Adigi-odne nga a shki me la okpoghwo baŋ nzenze, nga a shri obmi ba adlidzi ta la oklo a da me. Agi e hwiŋ lo omba bi e kŋe e bga ta la Ekristi Eyesu.

MoaIbrani 11:19

Ebrahim a yi zhezheŋ ba Ahogbrẽ a kpo a gbu baŋ a sa a kso Eshaku eku. Eshri odlo he lo Ebrahim a bla Eshaku a yga abgo ba eku.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

Eyakubu 4:12

Ahogbrẽ sha a wo are la a jygu odaŋ nga a sõ ombgu. Aŋa sha angyiŋ a kpo a gbu baŋ a shla are o mbo le a jygi are. Aŋo o ka aŋo o wo ayi angyiŋ boŋ o sõ anóŋ ombgu?

2 Ebitru 1:11

Ozhẽ he lo angyiŋ, moa á ba a shri obibmi ba ekʼpo okyku o yi Oreŋ ba gbagbu-amo ba Adigi-odne ta la Areoshla bi Eyesu Ekristi, á shri á da gimi.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,