MoAfisu 3:2 - Ohwihwim Olehe

² Agimi e sheŋ e gno ba Ahogbrẽ ozhẽ ba okpoghwo baŋ angyiŋ, a shri otum he a shri a da me okyku o da gimi e hwiŋ owlama.

MoAfisu 3:2 ပူးပေါင်းရင်းမြစ်များ

Otum 13:2

Omba moa a la a hlu Ahogbrẽ eshko nga moa a nyom eshri mo algo, Ogbgaodzi o nyuŋ mo o lu mi le, Agimi e sla Abarnaba ta la Eshawlu e zga agba okyku otum ba ame e bzi mo okyku lo.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Otum 22:21

Adigi-odne a nyuŋ me a lu mi le, Aŋo o yi, okyku eshi ame e hom ŋo otum ogyugyuŋ okro moa la a wo moaEyahuda mbo.

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

MoaOroma 11:13

Ame e sa e lu odlo ka la gimi la e wo moaEyahuda mbo ohuhuhi. Ame e wo are la a nyum oshpa okyku bimi, okyku eka he ame é zga gble otum me.

MoaOroma 12:3

Okyku ototno ba okayiekŋe ba Ahogbrẽ a shri a da me, ame e lu e da gimi mvye, agimi e sko egimi e zga la ekʼpo e gre eshri mbo, ambo agimi e nyuŋ e kpo-kpo eka bimi e tne aga. Areyaŋ a mbo nga a sa a kpo otum ta la obmi ba adlidzi ba Ahogbrẽ a shri a daŋ.

1 MoaOkorinti 4:1

O raŋ o gre ba agimi e sko gi e zga eka moawaghrẽ ba Ekristi angyiŋ. Moa a shri eshyẽ ba adlidzi ba Ahogbrẽ a ghwo gi angyiŋ abgo.

MoaEgalasiya 1:13

Moa a sheŋ a lu edgu odzudzu me omba ba ame e wo are la a lu ozhẽ ba Eyahuda a da gimi bgu. Moa a lu eka ba ame e kpo Eklisiya ba Ahogbrẽ ewu e gre eshri, nga ame e zga ayi ngre okyku o bga lo.

MoAfisu 1:10

Ohwihwim he lo, Ahogbrẽ a bli lo omba ba omba lo ó kpo. O wo okyku o daŋ a kŋe ayakplo pyeŋ a bga. Ayakplo baŋ a kpo la a wo Ongyeŋ ta la obiŋ hi mvye, nga okyku o da Ekristi angyiŋ a dzu eshri.

MoAfisu 3:7

Moa a da me e dzu awaghrẽ ba Oshpaodzadzi. Ahogbrẽ angyiŋ a shri edgu okpogbu he lo a shri a da me. A shri lo a shri a da me ozhẽ otum ba ekʼpo baŋ.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

MoAfisu 4:21

Agimi e gno odlo zhezheŋ eshri baŋ. Nga eka ba agimi e wo moa la a lu ŋa ma he, moa a sheŋ a nye gimi adlidzi la a wo eshri ba Eyesu.

MoAfisu 4:7

Ahogbrẽ nga a shri edgu okpogbukyeŋ a shri a da areyaŋ a mbo eshki bi, eka ba Ekristi a mbo a shri a di.

MoaOkolosi 1:4

Agi nga e gno oshpa eshri obmi ba adlidzi bimi okro ba Ekristi Eyesu, ta la oklo bimi okyku moarehwĩ ba Ahogbrẽ pyeŋ.

MoaOkolosi 1:6

Oshpaodzadzi o shri owlama nzenze o la o shri o ba, nga o ngla o tsu o gre yoŋ obiŋ hi pyeŋ, eka ba alo o kpo ka la gimi omba ba agimi e zga esĩ e gno oshpa ba okpoghwo ba Ahogbrẽ, nga e yi okpoghwo lo zhezheŋ eka ba alo o wo.

1 Etimoti 1:11

Edgu onyenye he lo angyiŋ moa a ta lo Oshpaodzadzi. Moa a shri lo a da me okyku o da me e su lo. Alo o wo Oshpaodzadzi ba Ahogbrẽ la a wo la ekekʼpo a gre eshri angyiŋ.

1 Etimoti 1:4

O lu o da mo a kyu enzho ta la oshpa ba ashko ba egu moa a la a klo nzenze. Ohe lo o la o shri oklaodlo sha o shri o ba. Ohe lo ó bli ekplokyeŋ ba Ahogbrẽ a klo mbo. Moa a la a yi ekplo ba Ahogbrẽ a klo ozhẽ ba obmi ba adlidzi sha.

1 Etimoti 2:7

Okyku eka he angyiŋ moa a da me e ba okyku o da me e nyum oshpa e ygi moa la a wo moaEyahuda mbo. Oshpa he lo o wo oshpa ba obmi ba adlidzi, ta la adlidzi angyiŋ. Ame e sheŋ akpro angyiŋ mbo, ame e lu adlidzi angyiŋ!

2 Etimoti 1:11

Ahogbrẽ nga a sla me okyku o da me e su Oshpaodzadzi nga e nye moare alo.