MoAfisu 3:17 - Ohwihwim Olehe

¹⁷ nga o wo bimi e bmi ba adlidzi ka la ŋa, Ekristi nga á kpo okro odzuma baŋ esõ bimi. Ame e la e fa olu okyku o da gimi e ta emgbʼbo e ghwo egʼba ba oklo, nga okyku o da oklo angyiŋ o dzu okũ bimi.

MoAfisu 3:17 ပူးပေါင်းရင်းမြစ်များ

Amatiyu 13:6

Omba ba olum o tra nga, eyi la e zgi lo e kpu, okyku ba e ta emgbʼbo e gre obiŋ ogyugyuŋ mbo, nga obiŋ o bmye ovo.

Oluka 6:48

a mbdzi odne baŋ onmwre. A kʼpo adga lo a da alo a gyuŋ adzadzi, nga a ta ahwim odne lo onmwre. Omba ba ondzu o bli o fu akaŋ nga, o ndza ahwim aku lo o gbu mbo, okyku eshi moa a mbdzi lo onmwre.

Eyohana 14:17

Obiŋ hi o kpo o gbu ba alo o yga ŋa mbo okyku eshi o kpo o gbu ba alo o ka ŋa mbo, o mbo le ba o yi ŋa mbo. Ambo agimi e yi ŋa okyku eshi aŋa a wo ka la gimi, nga á dzu eso bimi.

Eyohana 14:23

Eyesu a tno ŋa ma a lu mi le, Areyaŋ a mbo la a klo me le, á kpaŋ odlo me. Adugu nga á klo ŋa. Adugu pa la me nga agi é ba okro are he lo nga é dzu ka la ŋa.

Eyohana 17:23

Ame e wo eso mo, nga aŋo o wo eso me, okyku o da mo a dzu okyekyeŋ, okyku o da obiŋ hi o yi boŋ angyiŋ o hom me otum, nga okyku o da mo a yi boŋ o klo mo eka boŋ o klo me.

Eyohana 6:56

Areyaŋ a mbo la a taŋ ebyi egʼba me, nga a la a wa amanzhli me á dzu pa la me, ame nga é dzu ka la ŋa.

MoaOroma 5:5

Okayiozhẽ he lo o wo o ba ototno angyiŋ mbo, okyku eshi Ahogbrẽ a da Ogbgaodzi baŋ a shri a da gi ototno, o shri oklo baŋ o ghwo eso bi.

1 MoaOkorinti 3:6

Ame e fu eyi lo, nga Apolos a ygi lo ami. Ahogbrẽ angyiŋ a da lo e hlu.

1 MoaOkorinti 8:1

Ohuhuhi nga algo ba moa a shri a ndba okpko. O wo adlidzi angyiŋ, eka ba moa a lu ma agi pyeŋ e wo la oyioyi lo. Edgu oyioyi he lo o da are a la a nyom egʼba ototno, ambo oklo o la o ndzi ekployaŋ a mbo.

2 MoaOkorinti 13:5

O raŋ o gre ba agimi e mbga egimi e ka nga e sõ egimi ombgu, okyku o da gimi e yi zhezheŋ ba agimi e la e dzu la obmi ba adlidzi. Agimi e yi zhezheŋ ba Ekristi Eyesu a wo eso bimi mbo? O wo ba Eyesu a wo eso bimi mbo le, agimi e tsu e gbu ogbukyekyeŋ.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

MoaEgalasiya 2:20

Okyku eka he, ame e wo la eso ma ohuhuhi mbo, ambo Ekristi angyiŋ a wo eso me. Eso ba ame e wo la alo ma ohuhuhi, ame e wo la alo ma okyku obmi ba adlidzi ta la Anwye ba Ahogbrẽ la a klo me nga a shri eso baŋ a di okyku me.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

MoaOkolosi 1:27

Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.

MoaOkolosi 2:7

Agimi e da emgbʼbo bimi e ngla osheshye egʼba baŋ, e hlu odzudzu ba Eyesu, nga e tspi la obmi ba adlidzi e ta ma-ma eka ba moa a nye gimi. Nga e kpo ovye okyku ekployaŋ a mbo.

1 Eyohana 4:16

Agi ababgo bi e yi nga e bmi ta la oklo ba Ahogbrẽ a wo la alo ma okyku gi. Ahogbrẽ a wo oklo angyiŋ, nga areyaŋ a mbo la a dzu ibu oklo le, a wo esõ ba Ahogbrẽ, nga Ahogbrẽ a mbo a wo esõ baŋ.

1 Eyohana 4:4

Ambo agimi anwye me, agimi e wo moarehwĩ ba Ahogbrẽ angyiŋ, nga agimi e sheŋ e kpo e gre moare la a sheŋ akpro ma Ahogbrẽ angyiŋ a hom mo otum bgu. Okyku eshi aŋa la a wo esõ bimi a wo ekʼpo a gre aŋa la a wo esõ moarehwĩ ba obiŋ hi.

Otsotsa 3:20

Aŋo o ngli atuŋ o gno! Ame e tspi ayizhẽ nga e la e ta enzi ma. O wo ba arekyeŋ a gno enzi me nga a hwile me ayizhẽ le, ame é ba odne baŋ nga é ri algo ka la ŋa, nga aŋa a mbo á ri algo pa la me.