MoAfisu 3:1 - Ohwihwim Olehe

¹ Okyku okũ he lo, ame Oblus la e wo oprusuna ba Ekristi Eyesu okyku gimi la e wo moaEyahuda mbo, ame e la e vẽ Ahogbrẽ.

MoAfisu 3:1 ပူးပေါင်းရင်းမြစ်များ

Oluka 21:12

Omba ba edgu ayakplo he lo a kpo a wo mbo, moa á vu gimi, nga á kpo gimi ewu, nga moa á shri gimi á di okyku o da mo a sõ gimi ombgu anwyeakulu, nga moa á shri gimi á ygi aku. Nga moa á vu gimi á shri á ba okro moareŋ okyku eshko me.

Otum 21:33

Anyuŋ-andakʼpo a gre keŋ nga a vu Oblus, nga a da mo a bʼbu ŋa la aslika aha. Ambla he nga a zhĩ a lu mi le, Alom he lo a wo ayi angyiŋ? Aŋa a kpo eshi?

Otum 23:18

Andakʼpo lo ta la anwye a gre okro anyuŋ-andakʼpo nga a nyuŋ ŋa a lu mi le, Oblus are moa a vu hi angyiŋ a da me e shri anwye he lo e shri e ba. A wo ekplokyeŋ ba olu-lu okyku o lu o doŋ.

Otum 26:29

Oblus a tno ma a lu mi le, O wo ba alo o wo ela omba sha a mbo, o mbo le o wo ba alo o wo omba nzenze a mbo, olu me okro Ahogbrẽ o wo okyku o da areyaŋ a mbo la a gno odlo me anye he, a zhiŋ a dzu eka ba ame e wo he. Ambo ekplo ekyekyeŋ, aslika la a wo abgo me he dne!

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

2 MoaOkorinti 1:6

O wo bi e kpo ewu a mbo, alo o wo okyku ohwihwiŋ bimi, nga okyku o da gimi e hwiŋ oshla. O wo ba agi e hwiŋ owlama le, agimi a mbo é hwiŋ lo, nga agimi é hwiŋ oshye ba oghwo-esõ la oheheŋ okro ba ewu pyeŋ ba agi a mbo e kpo.

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 11:23

Ame é zhĩ ozhĩ he lo eka ba adro angyiŋ. Moa a wo moawaghrẽ ba Ekristi angyiŋ? Ambo ame e wo awaghrẽ ba owlama e gre mo pyeŋ! Ame e kpo otum e gre mo. Moa a vu me a ta aku a gre mo. Moa a yla me andzu a gre mo, nga ame e gre osusku ta la eku ombamba e gre mo.

MoaEgalasiya 5:11

Agimi anáŋ, okyku eshi moa a la a kpo me ewu ma-me a ta ohuhuhi, o wo ba ame e nyum oshpa ma osheŋongyum o wo ozhẽ angyiŋ? Moa a wo la adlidzi angyiŋ e mbi, oshpa ba ame e nyum eshri ba egŋe aki ba Ekristi, o shri ewukyeŋ o shri o ba mbo.

MoaEgalasiya 5:2

E ngli e gno! Ame, Oblus angyiŋ, e lu odlo he ka la gimi. O wo ba agimi e bmi e da mo a sheŋ gimi ongyum le, o wo eka ba Ekristi a wo la owlama egi ayi bimi ku-ku mbo.

MoaEgalasiya 5:24

Moare la a wo a ba Eyesu, moa a sheŋ a bga edgu odzudzu mo ba egʼba ta la ogroayi ba egʼba, ta la okoklo ba egʼba lo.

MoAfisu 3:11

Ahogbrẽ a kpo ohe lo ozhẽ ba gbagbu-amo baŋ a shri a zga esõ baŋ, aŋa a da lo o kpo adlidzi ozhẽ ba Ekristi Eyesu Adigi-odne.

MoAfisu 3:13

Ambo ame e vẽ gimi, agimi e da egʼba e shki gimi ami okyku ba ame e la e kpo ewu okyku gimi mbo. O wo okyku owlama bimi angyiŋ.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 6:20

Ame e wo oprusuna ohuhuhi okyku ba ame e wo arelatspi okyku Oshpaodzadzi he lo angyiŋ. Ame e vẽ gimi okyku o da gimi e fa olu okyku o da me e hwiŋ oshye ba o nyum oshpa he lo la osheshye eka ba alo o raŋ o gre ba ame e nyum oshpa lo.

MoaEfilibi 1:7

Agimi e wo esõ me ombamba pyeŋ! Okyku eka he o wo odzi ba ame e sko gimi esõ me ozhẽ he angyiŋ. Okyku eshi agimi e hwiŋ ogʼba lo ohwihwiŋ ba Ahogbrẽ a shri a da me he lo, omba ba ame e lom aku, nga omba ba moa a kyu me abgo angyiŋ okyku o da me e kpaŋ nga e shĩ Oshpaodzadzi lo.

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

MoaOkolosi 4:18

Ame e ta engla he lo ababgo me angyiŋ. Oshko he lo o zgi abgo ba Oblus. Agimi e gre esõ aslika me e ghre mbo! Okpoghwo ba Ahogbrẽ o dzu ka la gimi.

MoaOkolosi 4:3

Nga e fa olu okyku gi a mbo, okyku o da Ahogbrẽ a hwile gi ozhẽ la o wo odzi, okyku o da gi e nyum oshpa ba odlo baŋ, nga e lu eshyẽ ba Ekristi. Okyku ohe lo angyiŋ ame e lom aku ohuhuhi.

2 Etimoti 1:16

Ahogbrẽ a bmi le, a ka moa-odne ba Onesiforu ayie-kŋe, okyku eshi a ghwo esõ nga a ba a gbu me esõ obiŋ engyi oshushku omba ba ame e wo aku.

2 Etimoti 1:8

Aŋo o gbu anzi okyku o zgi egŋe okyku Adigi-odne ta la me la e wo oprusuna baŋ mbo. Ambo o bmi nga o kpo ewu okyku o su Oshpaodzadzi he lo, eka ba Ahogbrẽ a shri oshye a doŋ okyku lo.

Efilimo 1:1

Akpa he lo a zgi abgo me Oblus ba moa a vu a ta aku okyku Ekristi Eyesu, alo a zgi abgo ba anigi Etimoti bubgu. Agi e ta lo e kom ŋo akyegiazba Efilimo la a kpo otum ka la gi otsotse,

Efilimo 1:23

Moa a vu Ebafara a ta aku pa la me okyku Ekristi Eyesu. Aŋa a shko ŋo.

Efilimo 1:9

Ambo ekakahelo oklo me okyku ŋo angyiŋ o da me e vẽ ŋo eka he lo. Ame e wo Oblus, are ba Ekristi Eyesu a hom ŋa otum, nga ohuhuhi ame e wo oprusuna okyku eshko ba Ekristi.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.