MoAfisu 2:8 - Ohwihwim Olehe

⁸ Okyku eshi agimi é gro okyku okpoghwo ba Ahogbrẽ angyiŋ okro ba obmi ba adlidzi. O wo okpo-kpo bimi angyiŋ mbo, ambo ototno ba Ahogbrẽ angyiŋ.

MoAfisu 2:8 ပူးပေါင်းရင်းမြစ်များ

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amatiyu 20:9

Moare la a ba la amgbaŋ atno a mbo, moa a hre mo eyiamgbaŋ.

Amarku 16:16

Are la a bmi ba adlidzi nga moa a kpo ŋa abaptisma á gro. Are la a bmi ba adlidzi mbo, Ahogbrẽ á sõ ŋa ombgu.

Oluka 7:50

Ambo Eyesu a nyuŋ ashe lo a lu mi le, Obmi ba adlidzi boŋ o wo la alo ma o shla ŋo. O yi eŋo la esõ-egbubiŋ.

Eyohana 3:36

Areyaŋ a mbo la a bmi ba adlidzi ta la Anwye le, aŋa á wo eso ba gbagbu-amo ma. Areyaŋ a mbo la a bmi ba adlidzi ta la Anwye lo mbo le, á hwiŋ eso mbo, nga ombgu ba Ahogbrẽ o dzu eshri baŋ gbagbu-amo.

Eyohana 4:10

Eyesu a tno ashe lo ma a lu mi le, Ekplo ayiekŋe, aŋo o yi ekplo ba Ahogbrẽ a la a shri a di e mbi, nga aŋo o yi are la a vẽ ŋo okyku amihĩ hi e mbi, aŋo o kpo o gbu boŋ o vẽ ŋa okyku ami-hĩ la a wo la eso ma, nga aŋa á shri lo á doŋ.

Eyohana 5:24

Ame e lu adlidzi angyiŋ e da gimi, areyaŋ a mbo la a yga odlo me nga a bmi ba adlidzi ta la are la a hom me otum le, a wo la eso ma gbagbu-amo. Moa á sõ ŋa omgbu nga mbo. O dzu eka baŋ a gro eku nga a hwiŋ eso.

Eyohana 6:35

Eyesu a nyuŋ mo a lu mi le, Ame angyiŋ e wo agbrotsa ba eso. Areyaŋ a mbo la a ba okro me bgu le, embyle é kpo ŋa nga mbo ku-ku, nga are la a bmi pa la me, oŋo ó kpo ŋa ku-ku mbo.

Eyohana 6:37

Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.

Eyohana 6:40

Eka he angyiŋ Adugu a klo, okyku o da moare mvye la a ka Anwye lo nga a bmi ka la ŋa a hwiŋ eso ba gbagbu-amo, nga ame é shri eso é da mo olum mi lo.

Eyohana 6:44

Arekyeŋ a kpo a gbu baŋ a ba okro me ku-ku mbo, o wo le Ada la a hom me otum a daŋ a ba okro me dne, nga ame é daŋ a kso ongybi olum ba amom-abgo.

Eyohana 6:65

Eyesu a lu mi le, Okyku eka he lo angyiŋ, ame e lu e da gimi e lu mi ma arekyeŋ a ba okro me a gbu mbo, o wo le Ada a hwile ŋa ozhẽ ayga dne.

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

Otum 15:11

O wo eka he mbo! Agi e bmi ba adlidzi nga agi e hwiŋ oshla okpoghwo ba Eyesu Ekristi. Eka he moa a mbo a la a hwiŋ oshla okpoghwo ba Eyesu Ekristi.

Otum 16:14

Akyeŋ eshki moashe he lo a yga oshpa. Eshko baŋ e ri Elidiya. Aŋa a wo a ba Etatira. Aŋa a la a shri aknye moa a ghwo lo etu a gbmo. A wo are la a hlu Ahogbrẽ eshko. Adigi-odne nga a hwile ŋa eso okyku o daŋ a gno oshpa ba Oblus a nyum.

Otum 16:31

Moa a tno ma a lu mi le, Aŋo o bmi ba adlidzi ta la Adigi Eyesu. O wo boŋ o bmi ba adlidzi bgu le, aŋo pa la moa-odne boŋ, agimi é hwiŋ oshla.

MoaOroma 10:14

Ambo moa á kpo anyu á ba a ba okro baŋ, o wo ba moa a bmi ba adlidzi mbo? Nga moa á kpo anyu á ba a bmi ba adlidzi o wo ba moa a gno oshpa a ka ondakyeŋ mbo? Nga moa á sa a kpo anyu á ba a gno oshpa lo, o wo ba arekyeŋ a nyum oshpa a ygi mo mbo?

MoaOroma 10:17

Okyku eka he, are a la a bmi ba adlidzi ambla baŋ a gno oshpa lo, nga á gno oshpa o wo ba moa la a nyum oshpa ba Ekristi a wo ma.

MoaOroma 4:16

Ohwihwim he lo, moa a sko lo a zga ibu ba obmi ba adlidzi, okyku o da mo a tsa ba alo o wo ototno ba Ahogbrẽ angyiŋ okyku moanwye ba Ebrahim mvye. O wo okyku moare la a kpaŋ odaŋ sha mbo, ambo okyku moa la a bmi ba adlidzi eka ba Ebrahim a bmi ba adlidzi, okyku eshi Ebrahim angyiŋ a wo adigi ba ozhẽ Ahogbrẽ mvye.

MoaOroma 4:5

Ambo are la a kpo otum akplokyeŋ mbo a mbo, o wo baŋ a bmi ba adlidzi pa la Ahogbrẽ, la a la a zhiŋ areodlobi, a daŋ a dzu areodlodzi le, nga, Ahogbrẽ a la a kpo otum ta la obmi ba adlidzi ba are he lo angyiŋ okyku o daŋ a shri opyapyaŋ a zga agʼbaha mo.

MoaOroma 9:16

Okyku eka he, ekplokyeŋ ba Ahogbrẽ a la a kpo, e wo okyku ekplo ba arehwĩ a klo mbo, o mbo le okyku otum ba arehwĩ a la a kpo angyiŋ mbo, ambo o wo okyku okayiekŋe ba Ahogbrẽ sha angyiŋ.

MoaEgalasiya 3:14

Ekristi a kpo eka he okyku o da moa la a wo moaEyahuda mbo a mbo a hwiŋ owlama ba Ahogbrẽ a hwim ta la Ebrahim ozhẽ ba Ekristi Eyesu, okyku o da gi e hwiŋ Ogbgaodzi ba Ahogbrẽ a hwim ozhẽ ba obmi ba adlidzi.

MoaEgalasiya 3:22

Ambo odlo ba Ahogbrẽ o lu mi ma obiŋ hi pyeŋ o wo abgo ba ekʼpo ba odlobi angyiŋ, okyku o da moa la a bmi ba adlidzi, a hwiŋ egbre ba moa a hwim lo ozhẽ ba obmi ba adlidzi ta la Eyesu Ekristi.

MoAfisu 1:19

nga okyku o da gimi e yi ba ekʼpo baŋ la e gre eshri angyiŋ e la e kpo otum ka gi la e bmi ba adlidzi ka la ŋa. Ekʼpo la e wo ka la gi hi, e wo eka oshye ogagre angyiŋ.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 2:5

Omba ba agi e kpo odlobi nga e dzu eka ba agi e kpu, nga, Ahogbrẽ a shri gi a kŋe a bga ta la Ekristi okyku o da gi e hwiŋ esõ. Agimi e hwiŋ oshla he lo okyku okpoghwo ba Ahogbrẽ angyiŋ.

MoaEfilibi 1:29

E ka, moa a hwile gimi ozhẽ okyku o kpo otum okyku Ekristi, ohi lo o wo okro obmi ba adlidzi ka la ŋa sha mbo, o wo okro ba okpoewu okyku Ekristi bubgu.

MoaOkolosi 2:12

Okyku eshi omba ba moa a kpo gimi abaptisma, moa a ngybi gimi ta la Ekristi angyiŋ. Nga okro ba abaptisma he lo angyiŋ moa a kso gimi ta la Ekristi, okro obmi ba adlidzi bimi ta la ekʼpo la e wo oshye la e wo e ba Ahogbrẽ, la a kso Ekristi ibu ba eku.

2 MoaEtasolonika 1:9

Ewu moa á ba a kpo o wo ewu ba eku la é khwo ku-ku nga mbo. Moa á ngʼba mo á sku egi ayi Adigi-odne ta la anyuŋ ekʼpo baŋ ba ekekʼpo,

MoaIbrani 6:4

Nga moa á kpo anyu á ba a shri moare la a tsi a gbu á ba a bla á ba a da mo a sa a ghwo obiŋ? Ayga moa a wo ozhẽ ba ayimom ba Ahogbrẽ angyiŋ. Moa a sheŋ a ka owlama ba Ongyeŋ lo a bmye bgu, nga moa a sheŋ a yga ogʼba mo ba Ogbgaodzi.

1 Ebitru 1:5

Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.