MoAfisu 2:4 - Ohwihwim Olehe

⁴ Ambo okayiekŋe ba Ahogbrẽ o gre eshri, nga oklo baŋ okyku gi o wo nzenze o gre eshri.

MoAfisu 2:4 ပူးပေါင်းရင်းမြစ်များ

Oluka 1:78

Okyku eshi, Ahogbrẽ bi a la a ka gi ayiekŋe, nga a wo eso ble-ble. Aŋa á da ayimom ba oshla á tra gi.

MoaOroma 10:12

Ozhẽ he lo o hwile okyku areyaŋ a mbo angyiŋ. Ekplokyeŋ e wo ondundum okyku moaEyahuda, pa la moa la a wo moaEyahuda mbo, mbo. Ahogbrẽ a wo okyekyeŋ angyiŋ, Ahogbrẽ angyiŋ a wo Adigi mvye, nga a la a shri owlama nzenze a da areyaŋ a mbo la a vẽ ŋa.

MoaOroma 2:4

O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

MoaOroma 5:8

Ambo Ahogbrẽ a sheŋ a tsa gi baŋ a la a klo gi a gre eshri. Omba ba agi e yi e wo moaedlobi ayga, Ekristi a ba a kpu okyku gi!

MoaOroma 9:23

Nga aŋa a sa a klo o da gi e yi ekekʼpo baŋ a zhiŋ a ygi okyku gi okyku okayiekŋe baŋ. Agi angyiŋ aŋa a nyuŋ a kpo okyku o da gi e hwiŋ ekʼpo baŋ.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

1 Etimoti 1:14

Adigi-odne nga a shki me la okpoghwo baŋ nzenze, nga a shri obmi ba adlidzi ta la oklo a da me. Agi e hwiŋ lo omba bi e kŋe e bga ta la Ekristi Eyesu.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.