MoAfisu 2:3 - Ohwihwim Olehe

³ Ambo ayga, agi pyeŋ e wo eka mo angyiŋ, nga agi e dzu la okoklo bi ba egʼba. Nga agi e kpo ekployaŋ a mbo ba egʼba ta la aga bi e klo. Nga alo o dzu ba Ahogbrẽ á kpo gi pyeŋ ewu eka baŋ a kpo areyaŋ a mbo ewu.

MoAfisu 2:3 ပူးပေါင်းရင်းမြစ်များ

Amarku 4:19

Ambo ewu obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

Eyohana 1:13

Moa a dzu moanwye Ahogbrẽ ibu ombrembre ba egʼba mbo, ozhẽ ombrembre ba moarehwi a mbo mbo. Ahogbrẽ ababgo baŋ a dzu Adimo.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Otum 14:16

Ayga Ahogbrẽ a da areyaŋ a mbo a sõ ozhẽ baŋ a klo.

MoaOroma 1:24

Okyku ba moarehwi a wo adro a gre eshri, Ahogbrẽ a kyu mo abgo okyku o da mo a kpo ayakplo eshre ba moa a la a klo o kpo-kpo. Moa a la a kpo ayakplo ba anzi ta la emo.

MoaOroma 11:30

Ambo agimi la e wo moaEyahuda mbo, agimi e tla Ahogbrẽ ayga, ambo okyku moaEyahuda a tla Ahogbrẽ, agimi e sa e hwiŋ okayiekŋe ba Ahogbrẽ.

MoaOroma 13:14

Agimi e tslo anzho eko ba Adigi Eyesu Ekristi, nga e da ogroayi ba egʼba o ri oshye bimi mbo.

MoaOroma 2:14

Moa la a wo moaEyahuda mbo a yi odaŋ mbo, ambo o wo ba moa la eso mo a la a kpo ekplo ba odaŋ o lu le, odzudzu mo ó wo ozhẽ ba odaŋ lo angyiŋ, ambo moa a ka a yi odaŋ mbo.

MoaOroma 5:10

Agi e mbi e wo moafpu ba Ahogbrẽ, ambo okyku eku ba Anwye baŋ a kpu, aŋa a zhiŋ gi a da gi e dzu moakyeŋazba. Ohuhuhi ba Ahogbrẽ a da gi e dzu moakyeŋazba, nga okyku ba Eyesu a wo la eso ma, agi e hwiŋ oshla e gre eshri!

MoaOroma 5:9

Okyku eku ba Eyesu Ekristi angyiŋ agi e hwiŋ opyapyaŋ agʼbaha bi ta la Ahogbrẽ. Agi é gro ombgu ba Ahogbrẽ okyku Eyesu sha angyiŋ.

MoaOroma 6:12

Agimi e da odlobi o kpo ekʼpo ta la egʼba bimi hi mbo, okyku o da gimi e bmi ta la ekhwo ba egʼba bimi mbo.

MoaOroma 7:18

Ame e yi ba ekplokyeŋ la e wo shasha e wo pa la me mbo, o dzu eka ekplokyeŋ la e wo shasha e wo odzudzu me ba egʼba mbo. Ambo aga ba o kpo ayakplo la a wo shasha a wo pa la me, ambo ame e la e kpo otum ta la lo e gbu mbo.

MoaOroma 9:22

Ekplo ba Ahogbrẽ a kpo e wo ekakahelo angyiŋ. A klo o tsa olom baŋ nga o da moare a yi ekʼpo baŋ. Okyku eka he nga, aŋa a kpo ble-ble okyku baŋ a la a kpo heheŋ pa la moa ba eso e tpi ŋa ayi pa la mo. E mbi ekplo la e ra, e ra ba moa a jygi mo sha a mo.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoaEgalasiya 3:22

Ambo odlo ba Ahogbrẽ o lu mi ma obiŋ hi pyeŋ o wo abgo ba ekʼpo ba odlobi angyiŋ, okyku o da moa la a bmi ba adlidzi, a hwiŋ egbre ba moa a hwim lo ozhẽ ba obmi ba adlidzi ta la Eyesu Ekristi.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

MoaOkolosi 1:21

Ayga, agimi e dzu ogyugyuŋ ta la Ahogbrẽ, nga agimi e dzu moafpu baŋ okyku ayakplobi ba agimi e la e kpo, ta la aga abi ba agimi e la e tne.

1 MoaEtasolonika 4:13

Agimi anáŋ, agi e klo ba agimi e yi adlidzi eshri moare la a sheŋ a kpu, okyku o da gimi e dzu la esõ-ongʼba eka moare la a wo la okayiozhẽ mbo, mbo.

1 MoaEtasolonika 5:6

Okyku eka he o raŋ o gre ba agi e la e ndze enu eka moahwõ mbo. O raŋ o gre ba agi e dzu ayi nga e nyuŋ eshri bi e zga.

1 Etimoti 6:9

Ambo moa la a klo o gbu angyiŋ, moa a la a tsu a gbu obile ta la amgbaŋ ba ogroayi ba adro la efye, edgu la o kom are a hwro o yi enzheovo.

Etitu 3:3

Okyku eshi agi a mbo ayga, agi e wo la eda ma mbo. Agi e fa olbi e di mbo nga e kpo ayakplo ba ototno ayga. Agi e dzu moawaghrẽ ba ogroayi ta la oraŋ andandandim ba obiŋ hi. Ayga agi e tpi omba bi ayi nga e kpo efye nga e ta efpu. Moare a la a tla gi, agi a mbo e tla mo.

1 Ebitru 1:14

E kpaŋ odlo ba Ahogbrẽ nga e da edgu okoklo ba ayakplo ba agimi e wo la alo ma omba bimi e wo efĩ o ri ekʼpo eshri bimi mbo.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

1 Eyohana 2:16

Ekployaŋ a mbo la e wo e ba obiŋ hi e wo ekplo ba are ba odlobi a la a klo, nga ayakplo ba moarehwĩ a la a ka nga, a la a klo, ta la ekployaŋ a mbo ba moarehwĩ a la a nyom egʼba okyku lo obiŋ hi. Ekplokyeŋ eshki ayakplo he lo e zgi okro ba Ada e ba mbo. Alo pyeŋ a zgi obiŋ hi lo a ba.

1 Eyohana 2:8

Ambo ekayaŋ a mbo, odaŋ ba ame e ta e kom gimi o wo odaŋ olehe angyiŋ. Moa a ka adlidzi ba odaŋ lo okro ba Ekristi ta la okro bimi. Okyku eshi evbu e la e blu, nga ayimom ba adlidzi a sheŋ a zga esĩ a tra a mo.