MoAfisu 2:20 - Ohwihwim Olehe

²⁰ Agimi a mbo, moa a mbdzi gimi okũ ba moare la a nyum oshpa, pa la moarehwĩ ba Ahogbrẽ a hom mo otum, a mbdzi. Eyesu eshrishri eŋa angyiŋ a wo ezhim ba emvygi lo.

MoAfisu 2:20 ပူးပေါင်းရင်းမြစ်များ

Amatiyu 16:18

Okyku eka he ame e lu e doŋ, Ebitru, aŋo o wo ezhim angyiŋ. Nga ame é mbdzi akulu me ezhim hi lo. Eku a mbo é kpo é gbu ba alo é ba e kpo é gre lo mbo.

Amatiyu 21:42

Eyesu a sa a zhĩ mo a lu mi le, Agimi e tsi Akpa Ahogbrẽ e ka mbo? Alo a lu mi le, Ezhim moa la a mbdzi a tla lo a ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ. Ohe lo Adigi-odne angyiŋ a kpo. O wo ekplo egbregbre angyiŋ eyayi bi!

1 MoaOkorinti 12:28

Eklisiya nga Ahogbrẽ a shri moare a ghwo ma. Okro ba oriori moa la a nyum oshpa, okro ba oha, moarehwi ba Ahogbrẽ a hom mo otum, okro ba otra nga, moa la a nye, ambla he nga moa la a la a kpo ayakplo ba egbregbre, ambla he nga moa la a hwiŋ ekʼpo ba o shaŋ moare nga o kpo o ghwo, nga o tsa moare, nga o lu odlo la elom andandandim.

MoaEgalasiya 2:9

Eyakubu ta la Ebitru, ta la Eyohana, moahi lo a wo eka moandakʼpo, moa a ka a bmye ba Ahogbrẽ angyiŋ a shri otum he lo a shri a da me. Okyku eka he nga moa a wa obgo ta la Abarnaba pa la me a mbo. Okyku bi e wo moa la a kpo otum otsotse, agi e bmi ba agi é ba e kpo otum pa la moa la a wo moaEyahuda mbo, nga ba moa á ra á kpo otum pa la moaEyahuda.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

MoaOkolosi 2:7

Agimi e da emgbʼbo bimi e ngla osheshye egʼba baŋ, e hlu odzudzu ba Eyesu, nga e tspi la obmi ba adlidzi e ta ma-ma eka ba moa a nye gimi. Nga e kpo ovye okyku ekployaŋ a mbo.

1 Ebitru 2:6

Odlo Ahogbrẽ o lu mi le, Ame e sla ezhim ba owlama. Alo angyiŋ ame e shri lo e ghwo emvygi ba Ezayoŋ. Nga areyaŋ a mbo la a bmi ba adlidzi ka la ŋa aŋa á gbu anzi mbo.

Otsotsa 21:14

Moa mbdzi ogli ba osku he lo eshri ézhim otsko. Eshri ézhim he lo moa a ta ashko otsko ba moare otsko la a nyum oshpa ba Anwye Ekylu.