MoAfisu 2:19 - Ohwihwim Olehe

¹⁹ Okyku eka he, agimi la e wo moaEyahuda mbo e wo moazhẽ nga mbo ku-ku. Ohuhuhi, agimi e wo moarehwĩ ba obiŋ pa la moarehwĩ ba Ahogbrẽ. Nga agimi e wo moarehwĩ ba ogu ba Ahogbrẽ angyiŋ a mo!

MoAfisu 2:19 ပူးပေါင်းရင်းမြစ်များ

Amatiyu 10:25

Okyku eka he, o raŋ o gre ba anwye-engla a sko edgu odzudzu ba are la a nye ŋa. Awaghrẽ nga, o raŋ o gre baŋ a sko edgu odzudzu ba adaŋ-odne. O wo ba moa a bzi andakʼpo ba ogukyeŋ ma Ebilazabuba le, moarehwĩ ba ogu lo, moa á ri ashko la a wo abi a gre ahi lo a mbo!

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

MoAfisu 2:12

Omba mi lo agimi e wo ogyugyuŋ ta la Ekristi. Agimi e wo moazhẽ, nga agimi e wo eshki moarehwĩ ba Ahogbrẽ a sla mbo. Agimi e wo abgo ohwihwim baŋ a hwim lo mbo. Esĩ lo angyiŋ e wo ekployaŋ a mbo baŋ a la a lu pa la moarehwĩ baŋ. Agimi e dzu obiŋ hi ta la okayiozhẽ, ta la Ahogbrẽ angyiŋ mbo!

MoAfisu 3:15

Okro baŋ angyiŋ oguyaŋ a mbo Ongyeŋ ta la obiŋ hi, moa a la a yga eshko ba adlidzi he lo.

MoAfisu 3:6

Eshyẽ he lo angyiŋ e wo Oshpaodzadzi. Ibu ba ozhẽ he lo angyiŋ moa la a wo moaEyahuda mbo pa la moaEyahuda, a pu owlama ba Ahogbrẽ. Moa a dzu évgi ba egʼba ekyekyeŋ angyiŋ a mo. Nga moa a mbo a wo la ogʼba ohwihwim ba Ahogbrẽ a hwim okro ba Ekristi Eyesu.

MoaEfilibi 3:20

Agi nga agi e wo moarehwĩ ba Ongyeŋ. Nga agi e la e ka ayi ozhẽ okyku o da Areoshla bi a zgi Ongyeŋ a ba. Aŋa angyiŋ a wo Adigi-odne Eyesu Ekristi.

MoaIbrani 11:13

Moarehwĩ he lo pyeŋ a kpu la obmi ba adlidzi angyiŋ. Moa a yga ayakplo ba Ahogbrẽ a hwim a zga ma pa la mo he lo mbo. Ambo la ogyugyuŋ nga moa a ka lo nga moa a kpo ovye okyku lo. Okyku eka he moa a bmi zhezheŋ ba moa a wo moazhẽ pa la moa la a som ayi angyiŋ obiŋ hi.

MoaIbrani 13:14

Okyku eshi osku ba gbagbu-amo o wo ma obiŋ hi okyku gi mbo, agi e la e ka ayi ozhẽ okyku osku la ó ba o ba.

1 Ebitru 2:11

Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.

1 Eyohana 3:1

Agimi e ka, Ahogbrẽ a klo gi a gre eshri! Oklo baŋ lo o gre eshri. Okyku oklo baŋ angyiŋ, moa a bzi gi ma moanwye Ahogbrẽ. Nga agi e wo moanwye baŋ la adlidzi angyiŋ. Okyku okũ he lo angyiŋ obiŋ hi o yi gi mbo, okyku eshi alo o yi Ahogbrẽ mbo.