MoAfisu 2:13 - Ohwihwim Olehe

¹³ Ambo ohuhuhi, okro ba okŋeobga ta la Ekristi Eyesu, agimi la e wo ogyugyuŋ ayga, moa a shri gimi a ba osusku okyku eku ba Ekristi.

MoAfisu 2:13 ပူးပေါင်းရင်းမြစ်များ

Eyohana 10:16

Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.

Otum 15:14

Esima a sheŋ a sla a da gimi e ka, eka ba Ahogbrẽ a klo moa la a wo moaEyahuda mbo nga baŋ a da moakyeŋ eshki mo a dzu moarehwi baŋ.

Otum 2:39

Okyku eshi Ahogbrẽ a hwim ka la gimi, pa la moanwye bimi, pa la moa la a wo ogyugyuŋ, pa la moare ba Adigi Ahogbrẽ a bzi mo.

Otum 22:21

Adigi-odne a nyuŋ me a lu mi le, Aŋo o yi, okyku eshi ame e hom ŋo otum ogyugyuŋ okro moa la a wo moaEyahuda mbo.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.

1 MoaOkorinti 6:11

Moakyeŋ eshki bimi, moa a wo eka he lo ayga. Ambo moa a sheŋ a ndza odlobi bimi bgu. Moa a sheŋ a shri gimi a da Ahogbrẽ. Opyapyaŋ o gre o ba agʼbaha bimi okro ba eshko ba Adigi-odne Eyesu Ekristi, ta la Ogbgaodzi ba Ahogbrẽ bi.

2 MoaOkorinti 5:17

Omba ba moa a kŋe are a bga ta la Ekristi, a zhiŋ a dzu are alahe angyiŋ. A kyu ayakplo agbyi abgo nga a vu ayakplo ahe.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 2:12

Omba mi lo agimi e wo ogyugyuŋ ta la Ekristi. Agimi e wo moazhẽ, nga agimi e wo eshki moarehwĩ ba Ahogbrẽ a sla mbo. Agimi e wo abgo ohwihwim baŋ a hwim lo mbo. Esĩ lo angyiŋ e wo ekployaŋ a mbo baŋ a la a lu pa la moarehwĩ baŋ. Agimi e dzu obiŋ hi ta la okayiozhẽ, ta la Ahogbrẽ angyiŋ mbo!

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 2:6

Nga okro ba okŋeobga ta la Ekristi Eyesu a da gi e kso, okyku o da gi e ri ekʼpo ka la ŋa Ongyeŋ.

MoaIbrani 9:18

Okyku okũ he lo angyiŋ, ohwihwim ba oriori a mbo o hwiŋ okũ odzadzi omba ba moa a kpo otum ta la amanzhli sha.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.